2022 ലേ ഏറ്റവും മികച്ച രണ്ടാമത്തെ ചിത്രത്തിനുള്ള സംസ്ഥാന സർക്കാരിൻ്റെ അംഗീകാരം കിട്ടിയ ചിത്രമാണ് അടിത്തട്ട്.സിനിമയിലെ ഭൂരിഭാഗം രംഗങ്ങളും ചിത്രീകരിച്ചിരിക്കുന്നത് കടലിൽ വെച്ചാണ്.അതൊക്കെ ദൃശ്യ വിരുന്നായി അനുഭവപ്പെടും എങ്കിലും ചെറിയ സ്ക്രീനിൽ കണ്ടത് കൊണ്ട് തന്നെ തിയേറ്റർ എക്സ്പീരിയൻസ് ഉള്ള പടത്തിൻ്റ് പതിവ് ആസ്വാദനം സാധ്യമായില്ല.
ഷൈൻ ടോം ചാക്കോ ശരിക്കും പിരി ഇളകിയവൻ എന്ന് അദേഹത്തിൻ്റെ ഇൻ്റർവ്യൂ കാണുമ്പോൾ തോന്നും എങ്കിലും നൂറിൽ അധികം ചിത്രങ്ങൾ കുറഞ്ഞ കാലത്തിനുള്ളിൽ അഭിനയിച്ചു കഴിഞ്ഞ അദ്ദേഹം ഓരോ റോളും എത്ര മനോഹരമായി ചെയ്യുന്നു എന്നത് അദ്ദേഹത്തിൻ്റെ സിനിമകൾ കണ്ടാൽ മനസ്സിലാക്കാം.
ഇതിലെ മീൻ പിടിക്കാൻ പോകുന്ന ബോട്ട് തൊഴിലാളിയായി അദ്ദേഹം ശരിക്ക് നമ്മളെ അൽഭുതപ്പെടുത്തും.അവിടെ ഷൈൻ എന്ന നടൻ ഇല്ല കഥാപാത്രം മാത്രമേ ഉള്ളൂ..ബോട്ടിൽ പോകുന്നവരുടെ ജീവിതം അത്രക്ക് നിരീക്ഷിച്ചിട്ട് തന്നെയാണ് അദ്ദേഹം ഈ സിനിമ ചെയ്തിട്ടുള്ളത്. കടലില് വെച്ച് സിഗറിറ്റിന് തീ കൊളുത്തുന്ന രംഗം മാത്രം മതി ഉദാഹരണമായിട്ടു....
സണ്ണി വെയിൻ മികച്ച നടനാണ് എങ്കിലും പലപ്പോഴും വേണ്ടത്ര അവസരമോ ഒന്നും അദ്ദേഹത്തിന് കിട്ടാറില്ല എങ്കിലും കിട്ടുന്നതിൽ അദ്ദേഹം തൻ്റെ കയ്യൊപ്പ് പതിപ്പിച്ചിരിക്കും..ഈ ചിത്രത്തിൽ അവതരിപ്പിക്കുന്നത് നെഗറ്റീവ് റോള് ആണെങ്കിൽ പോലും അത് നമ്മിൽ ഓരോരുത്തര്ക്കും ആസ്വദിക്കുവാൻ പറ്റിയ വിധത്തിൽ അവതരിപ്പിച്ചിട്ടുണ്ട്.
ഒരു നേരത്തെ ആഹാരത്തിന് വേണ്ടി കുടുംബത്തെ സംരക്ഷിക്കുവാൻ വേണ്ടി കടലിനോട് മല്ലടിക്കുന്നവരുടെ കഥ പറയുന്ന ചിത്രം പ്രതികാരത്തിൻ്റെ കഥകൂടി ഇഴുകി ചേർത്തിരിക്കുന്നു.
പ്ര.മോ.ദി.സം
No comments:
Post a Comment