Thursday, June 28, 2012

ഇരുട്ട്

ഇരുട്ടിലായിരുന്നു അവന്റെ ജനനം ..അത് കൊണ്ടോ എന്തോ അവന്റെ ജീവിതവും ഇരുട്ടിലായിരുന്നു ,കറുത്ത ആ അന്തരീക്ഷം അവനും ഇഷ്ടമായിരുന്നു ,അവന്റെ ജോലിയും ആനന്ദവും ലീലാവിലാസവും  ഒക്കെ ഇരുട്ടില്‍ തഴച്ചു വളര്‍ന്നു ,ഇരുട്ടില്ലാതെ അവനു ജീവിക്കാന്‍ വയ്യ എന്ന സ്ഥിതിയും വന്നു ,ഇരുണ്ട ഭൂതകാലം അവന്‍ ഒരിക്കലും ഓര്‍ത്തില്ല ..അവന്‍ ഇരുട്ടിലൂടെ സഞ്ചരിച്ചു കൊണ്ടിരുന്നു ,അപ്പോള്‍ ഒരു കൈത്തിരി വെട്ടവുമായി അവള്‍ അവന്റെ ജീവിതത്തിലേക്ക് കടന്നു വന്നത്  പൊടുന്നനെയായിരുന്നു ,


അങ്ങിനെ അവന്‍ പ്രകാശം ഇഷ്ടപെട്ട് തുടങ്ങി ,അവന്റെ ജീവിതത്തിലും പ്രകാശം പരക്കുവാന്‍ തുടങ്ങി ,ഇരുട്ടിനെ പയ്യെ പയ്യെ അവന്‍ വെറുത്തു തുടങ്ങി ,ഇരുട്ടിനോട്‌ ചെറിയ ഭയവും തോന്നി തുടങ്ങി .പ്രകാശനിര്‍ഭരിതമായ നാളുകള്‍ ...അവനുകിട്ടിയ അനുഭവ  വെളിച്ചം അവന്‍ മറ്റുള്ളവര്‍ക്കും പകര്‍ന്നു ,പക്ഷെ ഇരുട്ടില്‍ തന്നെ വസിക്കും എന്ന് പ്രതിഞ്ജ  എടുത്തവര്‍ അവന്റെ വെളിച്ചത്തെ തല്ലി കെടുത്തി ,അതും തീ ആളി പടര്‍ത്തി കൊണ്ട് ...കത്തിയെരിഞ്ഞു   വികൃതമായ ഇരുണ്ട രൂപം അവനിലെ നന്മയുടെ പ്രകാശം അണച്ച് കളഞ്ഞു ...പിന്നെ അവന്‍ വീണ്ടും ഇരുട്ടിലെക്കിറങ്ങി ..അവന്‍ ഇപ്പോള്‍ ഇരുട്ടിനെ സ്നേഹിക്കുന്നു ..അവനെ വീണ്ടും ഇരുട്ടിലാക്കിയവരെ ഇരുളിന്റെ മറവിലായിരുന്നു അവന്‍ മായ്ച്ചു കളഞ്ഞത് ..ഇരുള്കള്‍  തേടി അവന്‍ ഇപ്പോള്‍ അലയുന്നു എവിടെയെങ്കിലും ഒരു നന്മയുടെ പ്രകാശത്തി നായി .

കഥ :പ്രമോദ്‌ കുമാര്‍ .കെ.പി 

Friday, June 15, 2012

മമ്മുട്ടി ചോദിക്കുന്നു ..ഞാന്‍ നിക്കണോ അതോ പോണോ ?

ഞാന്‍  നിക്കണോ  അതോ പോണോ ?

ഓര്‍മയുണ്ടോ വളരെ ഹിറ്റ്‌ ആയ ഈ ഡയലോഗ് ? വളരെ പ്രതീക്ഷയോടെ ഒരാള്‍ ചോദിക്കുന്നതാണ് സിനിമയില്‍ .അതും മമ്മൂട്ടി  സിനിമയില്‍ ,ഇപ്പോള്‍ മമ്മൂട്ടി നമ്മളോട് അത് ചോദിക്കുകയാണോ?ഇപ്പോളത്തെ മമ്മൂട്ടി സിനിമകളുടെ അവസ്ഥ കാണുമ്പോള്‍ അങ്ങിനെ തോന്നിപോകുന്നു ,ബെസ്റ്റ് ആക്ടര്‍ എന്ന ഒരു സിനിമക്ക് ശേഷം മമ്മൂട്ടിക്ക് ഒരു വിജയ ചിത്രം പോലും നെല്കുവാന്‍ കഴിഞ്ഞില്ല ,അത് ഇറങ്ങിയിട്ട് ഒന്നര വര്‍ഷവും ആയിരിക്കുന്നു ,ആ വര്ഷം നമ്മള്‍ മമ്മൂക്കയുടെ കുറെ ഹിറ്റുകളും നല്ല വേഷങ്ങളും കണ്ടതാണ് ,പ്രഞ്ഞ്ഹി ഏട്ടനും ബെസ്റ്റ് ആക്ടര്‍ എന്നിവ മമ്മൂക്ക യുടെ അഭിനായ മികവും കാണിച്ചു ,ചെറിയ ഒരു വെത്യാസ ത്തിനു ദേശിയ പുരസ്കാരം നഷ്ടപെടുന്നതും കണ്ടു .
പിന്നെ എന്താണ് മമൂക്കക്ക് പറ്റി യത് ? കഥാപാത്രങ്ങള്‍ തിരഞ്ഞെടുക്കാന്‍ ബുദ്ധിയുള്ള നടന്‍ എന്നാ വിശേഷണമുള്ള മമൂക്കക്ക് പിന്നെ എവിടെ പിഴച്ചു ?എന്നാല്‍ അത് തന്നെ യാണ് കാരണം എന്ന് തീര്‍ത്തും പറയാതിരിക്കാനും വയ്യ ..ഒന്നിന് പുറകെ ഒന്നായി ചിത്രങ്ങള്‍ പൊളിയുമ്പോള്‍ ചെറിയ ഒരു ഗാപ്‌ ആകാമായിരുന്നു ..പക്ഷെ മമ്മൂക്ക യെ പോലെ ഒരാള്‍ക്ക് അത് ചെയ്യാന്‍ പറ്റില്ലായിരുന്നു ,കാരണം അനൌണ്‍സ് ചെയ്തതു,അഡ്വാന്‍സ്‌ വാങ്ങിയത്  ഒക്കെയും തീര്‍ത്തു കൊടുക്കേണ്ടത് കടമയായി കണ്ടു .പക്ഷെ ഇപ്പോള്‍ പാഠം പഠിച്ചു എന്ന് തോന്നുന്നു ,കുറെ പ്രൊജക്റ്റ്‌ ഉപെഷിചെന്നു കേള്‍ക്കുന്നു ,സിലെക്റ്റ് ചയ്തു മാത്രം പടങ്ങള്‍ ചെയ്യുന്നു എന്നും .എണ്പതു കളിലും മമ്മൂക്ക ഇത് പോലെ ഈ ചോദ്യം ചോദിച്ചതായിരുന്നു ,പക്ഷെ ന്യൂ ഡല്‍ഹി എന്ന ചിത്രം മമ്മൂക്കയെ രക്ഷിച്ചു .പക്ഷെ ഇന്ന് അങ്ങിനെയല്ല ,സോഷ്യല്‍ നെറ്റ്‌വര്‍ക്ക് അഴിഞ്ഞാടുന്ന ഇപ്പോള്‍ ഒരു ഷോ കഴിഞ്ഞാല്‍ റിസള്‍ട്ട്‌ മാലോകര്‍ അറിയും .അപ്പോള്‍ മാക്സിമം നന്നക്കിയാലെ രക്ഷ് ഉളളൂ .അതാന്നു മമൂക്കയുടെ കൊബ്ര ,വെനിസിലെ വ്യാപാരി,ഡ ബില്‍സ് ,ഓഗസ്റ്റ്‌ 15,കിംഗ്‌ ആന്‍ഡ്‌ കമ്മിഷണര്‍ എന്നിവയ്ക്ക് പറ്റിയത് . മമ്മൂക്ക ചെറുപ്പം മനസ്സില്‍ സൂക്ഷി ക്കുന്നതിനാല്‍ പ്രായം തോന്നുനില്ല എന്നത് ശരി തന്നെ ,പക്ഷെ പ്രേക്ഷകര്‍ക്കും അത് തോന്നണം ,പക്ഷെ അവരുടെ മനസ്സില്‍ മമ്മൂക്കയുടെ ഒറിജിനല്‍ പ്രായം ഉണ്ട് ,അത് കൊണ്ട് കോളേജ് പിള്ളേരെ പോലെ ആടിയാല്‍ അവര്‍ സഹിക്കില്ല .


ജവാന്‍ ഓഫ് വെള്ളിമല ,മതിലുകള്‍  എന്നിവ യും മമൂക്കയുടെതായി  വരുവാനുണ്ട് ,പക്ഷെ അതൊന്നും ഹിറ്റ്‌ ആവാന്‍ സാദ്യതയുള്ള ശ്രേണിയില്‍ പെട്ടതുമല്ല ,നല്ല ചിത്രം ആവാം .പക്ഷെ പ്രേക്ഷകര്‍ക്ക്‌ നല്ല ചിത്രം വേണ്ട എന്നുള്ളതിന്റെ തെളിവാണ് അരികെ,മഞ്ഞാടികുരു  എന്നിവ .അപ്പോള്‍ മമ്മൂക്ക ആഞ്ഞു പിടിച്ചാലേ രക്ഷയുളൂ .ഇപ്പോള്‍ ഉള്ള ഏക പ്രതീഷ രഞ്ജിത്ത് ചിത്രമാണ് ,അത് എന്ന് തുടങ്ങും എന്നും അറിയില്ല .അണിയറയില്‍ ഉള്ള മറ്റു മമൂട്ടി ചിത്രങ്ങള്‍ക്ക് കാര്യമായ പരസ്യവും വന്നു കാണുനില്ല ,അതിനൊക്കെ എന്ത് ഗതി വരുമെന്ന് പ്രവചിക്കാനും ആകില്ല .എന്തായാലും മലയാളത്തിന്റെ  അഹകാരം ആയ മമ്മൂക്കക്ക് ഈ ഗതി വന്നതില്‍ എല്ലാവര്ക്കും നിരാശയുണ്ട് .അത് കൊണ്ട് മമ്മൂക്കയുടെ ഒരു മടങ്ങി വരവിനു കാതോര്‍ക്കുകയാണ് മലയാളം ..അത് ഉടനെ ഉണ്ടായില്ലെങ്ങില്‍ മമ്മൂക്ക തന്നെ ചോദിക്കേണ്ടിവരും

'ഞാന്‍  നിക്കണോ  അതോ പോണോ ?'