ബ്രദർ

 

തമിഴിൽ അണ്ണൻ, തങ്കച്ചി ,അണ്ണി,തായി പാശം ഭയങ്കര മാർക്കറ്റ് ഉള്ള വിഷയമാണ്..അത് കൊണ്ട് തന്നെ പല തമിഴു സിനിമയിലും നായകന് സഹോദരി,തായി  നിർബന്ധം തന്നെയാണ്.അതുപോലെ ഉള്ള പാശത്തിൻറെ കഥയാണ് ജയം രവി നായകൻ ആയ ബ്രദർ.

സിനിമയിലും ജീവിതത്തിലും പരുങ്ങുന്ന ജയം രവിക്ക് ഒരു ബ്രേക്ക് നൽകുമെന്ന് കരുതിയ ചിത്രം തമിഴു നാട്ടിൽ കളക്ഷനിൽ മുന്നിൽ തന്നെ ഉണ്ടെങ്കിലും ജനങ്ങളെ എൻ്റർടെയിൻ ചെയ്യിക്കുന്നതിൽ വളരെ പിന്നിൽ ആണ്.

ഒരു സീരിയൽ നിലവാരത്തിൽ എടുത്ത ചിത്രത്തിൻ്റെ ചെറിയ ആശ്വാസം പതിവ് തമിഴു മുഖങ്ങളെ ക്യാരക്ടർ റോളിൽ നിന്നും മാറ്റി തെലുങ്ക് അഭിനേതാക്കളെ കൊണ്ട് വന്നു എന്നതാണ്.അല്ലെങ്കിൽ ജയം രവിയുടെ അച്ഛൻ്റെ റോള് ഒക്കെ പതിവ് പോലെ കൊടുത്ത് പ്രകാശ് രാജ് കുറച്ച് കൂടി വെറുപ്പിച്ചേനെ..

ഹാരിസ് ജയരാജ് എന്ന സംഗീത സംവിധായകൻ ഇപ്പൊൾ അല്പം ക്ഷീണത്തിൽ ആണെങ്കിലും ഇതിൽ ഒന്ന് രണ്ട് പാട്ട് കേൾക്കാൻ ഇമ്പം  ഉള്ളതാക്കിയത് വലിയൊരു ആശ്വാസം തന്നെയാണ്.

എപ്പോഴും പ്രശ്നത്തിൽ ഇടപെട്ട് വീട്ടുകാർക്ക് പ്രശനം ഉണ്ടാക്കുന്ന സഹോദരനെ ന ന്നാക്കുവാൻ ഊട്ടിയിലെ കുടുംബത്തിലേക്ക് കൊണ്ടുപോയ സഹോദരിക്കു അവിടുത്തെ സ്വന്തം കുടുംബം കൂടി  സഹോദരനെ കൊണ്ട് നഷ്ടപ്പെടുമ്പോൾ അത് തിരിച്ചു പിടിക്കാൻ ബ്രദർ കാട്ടുന്ന ശുഷ്കാന്തിയാണ് ചിത്രം പറയുന്നത് 

പ്ര.മോ.ദി.സം

അമരൻ

 

മേജർ മുകുന്ദ് എന്ന മരണാനന്തര പരംവീർചക്ര കിട്ടിയ ഭാരതത്തിൻ്റെ പട്ടാളക്കാരൻ്റെ ജീവിതകഥ അല്പസ്വല്പം സിനിമാറ്റിക് ചേർത്ത് രാജ്കുമാർ പെ രിയസ്വാമി ശിവകാർത്തികനെയും സായി പല്ലവിയെയും പ്രധാന കഥാപാത്രമായി അവതരിപ്പിച്ച ചിത്രമാണ് അമരൻ.

ചെറുപ്പം മുതലേ മുത്തച്ഛനും   അമ്മാമൻന്മാരും രാജ്യത്തിൻ്റെ സൈന്യത്തിന് വേണ്ടി സേവനം ചെയ്യുന്നത് കണ്ട് അതുപോലെ നാടിന് വേണ്ടി സേവനം അനുഷ്ഠിക്കണം എന്ന് തീരുമാനിച്ച മുകുന്ദ് അമ്മയുടെ എതിർപ്പിനെ അവഗണിച്ച് പട്ടാളത്തിൽ ചേർന്നു തൻ്റെ നേതൃപാടവം കൊണ്ടും അപാര കഴിവുക്കൊണ്ട് മേജർ പദവിയിൽ വരെ എത്തിനില്കുന്നു.

കോളേജിൽ പഠിക്കുമ്പോൾ ഇഷ്ടത്തിലായ   പെൺകുട്ടിയെ ജീവിതസഖിയാക്കി മാറ്റുവാനും പട്ടാളകാരൻ എന്ന ലേബൽ തടസ്സമായി എങ്കിലും അതൊക്കെ മറികടന്നു മുന്നോട്ട് പോകുന്നു.

കാശ്മീരിൽ ഒരു ഇലക്ഷൻ സമയത്ത് പോളിംഗ് ഓഫീസറെ വരെ കൊന്നു കളഞ്ഞ ഭീകര സംഘത്തെ നേരിടാൻ പോകുന്ന മുകുന്ദ് അവരെയൊക്കെ കൊന്നു നാടിൻ്റെ അഭിമാനമാകുന്നു.ഇതൊക്കെ നമ്മൾ പത്രങ്ങളിലൂടെയും മറ്റും അറിഞ്ഞ വിശേഷങ്ങൾ...അത് സിനിമ രൂപത്തിലേക്ക് മാറ്റിയിരിക്കുന്നു.

ഇതുപോലെ അനേകം ചിത്രങ്ങൾ മലയാളത്തിലും ഹിന്ദിയിലും ഒക്കെ നാം പല ആവർത്തി കണ്ട് കഴിഞ്ഞതാണ് . മേജർ രവി തന്നെ ഈ വിഷയത്തിൽ മൂന്നാല് സിനിമകൾ മലയാളത്തിൽ തന്നെ എടുത്തിട്ടുണ്ട് ..ഹിന്ദിയിൽ ആണെങ്കിൽ വർഷം തോറും പലരും ഇതുപോലെ "ദേശഭക്തി" ചിത്രങ്ങൾ എടുത്തിട്ടുണ്ട്.

എന്നിട്ടും ഈ ചിത്രം മൂന്നു ദിവസം കൊണ്ട് നൂറു കോടി കലക്ട്സ് ചെയ്തു ദീപാവലി വിന്നർ ആയിരിക്കുന്നു..ഒന്നാമത് ഹിന്ദിയിൽ അധികം താൽപര്യം ഇല്ലാത്ത തമിഴർക്ക് തങ്ങളുടെ നാട്ടിലെ ആളുടെ  ഈ പട്ടാള കഥ എന്തോ പുതുമായുള്ളതായി അനുഭവപ്പെട്ടു..കുടുംബ ബന്ധങ്ങളുമായി ഇഴുകി ചേർന്ന് കുറെ സെൻ്റിയൊക്കെ കുത്തിതിരുകി അതിമനോഹരമായി ചിത്രം അവതരിപ്പിച്ചിരിക്കുന്നു എന്നത് മറ്റൊരു കാരണം.

പ്ര.മോ.ദി .സം

ലക്കി ഭാസ്കർ

 

അടുത്തകാലത്തായി ചിലരുടെ സിനിമ ഇറങ്ങുമ്പോൾ ഭയങ്കര തള്ളിമറിക്കൽ ആണ്.. ചില രുടേത് നെഗറ്റീവ്  അഭിപ്രായം കൊണ്ടും ഇത്തരക്കാർ നശിപ്പിക്കും.ഓരോരുത്തരുടെ ആസ്വാദനം വ്യത്യസ്തമായിരിക്കും... അതിനനുസരിച്ച് അഭിപ്രായം വന്നേക്കാം..പക്ഷേ ചിലർ ഇതിലൂടെ കൊള്ളാത്ത സിനിമയെ പൊക്കി കൊണ്ടുവരാനും മോശം സിനിമയെ നശിപ്പിക്കാനും ശ്രമിക്കുന്നു.ഇത് അടുത്തകാലത്ത് നടക്കുന്ന ഒരു തരം "ആചാരമാണ്"

ജോജുവിന് "പണി" കൊടുത്തവനെ ഫോൺ ചെയ്തത് കൊണ്ടാണ് ജോജുവിനു വീണ്ടും "പണി" കിട്ടിയത്.അല്ലെങ്കിൽ അധികം ആരും അറിയാതെ പോകുമായിരുന്ന വിമർശനം ഒരുവിധം ആൾക്കാർ അറിഞ്ഞൂ ജോജുവിന് എതിരെ പ്രതികരിച്ചു തുടങ്ങി.കാണാൻ കൊള്ളാവുന്ന ചിത്രമായി തന്നെയാണ് ജോജു "പണി" ഉണ്ടാക്കിയത്.പക്ഷേ കൈവിട്ടുപോയി എന്ന് പറയാം.

ലക്കി ഭാസ്കർലേക്ക് വരാം.ദുൽഖറിൻ്റെ തിരിച്ചു വരവ് എന്നൊക്കെ അടിച്ചു വിടുന്നത് കണ്ടൂ..അതിനു ദുൽഖർ ഔട്ട് ആയിപ്പോയ നടൻ ഒന്നുമല്ല..അദ്ദേഹം ഇവിടെ തന്നെ ഉണ്ടായിരുന്നു.ചില ശാരീരിക അസ്വസ്ഥതകൾ കൊണ്ട് മറ്റു ചില കാരണങ്ങൾ കൊണ്ട് ചിത്രം ഷൂട്ടിംഗ് നീണ്ടു.സാധാരണ പോലെ ദുൽഖർ തൻ്റെ ഭാഗം ക്ലീൻ ആയി കൊണ്ടുപോയിട്ടുണ്ട്.. ഈ ചിത്രത്തിൽ ഏറെകുറെ ഒറ്റ്യ്ക്ക് തോളിലേറ്റി തന്നെ അദ്ദേഹം മികച്ചു നിൽക്കുന്നു.

തൊണ്ണൂറുകളിൽ ഇന്ത്യയിൽ നടന്ന ഓഹരി കുംഭകോണം വിഷയമാക്കി എടുത്ത ചിത്രത്തിൽ രണ്ടറ്റം കൂട്ടിമുട്ടിക്കാൻ പാടുപെടുന്ന സാധാരണക്കാരൻ ബാങ്ക് ജീവനക്കാരനായി ദുൽഖർ തകർത്തിട്ടുണ്ട്.

താൻ പ്രതീക്ഷിച്ചത് ഒക്കെ അസ്തമിച്ചു പോകുമ്പോൾ അഴിമതിയിലേക്ക് മുങ്ങിത്താഴുന്ന അയാളെ നേരെയാക്കുവാൻ കുടുംബം ശ്രമിച്ചിട്ടും മുഴുവനായി സാധിക്കുന്നില്ല. സിബിഐ അന്വേഷണം ,മറ്റു നൂലാമാലകൾ ഒക്കെ വന്നപ്പോൾ അയാള്  ഇങ്ങിനെയൊക്കെ അതിനെ ചെറുക്കുന്നു എന്നോ ക്കെയുള്ള അയാളുടെ കഥ അയാള് തന്നെ നമ്മളോട് പറയുന്നതാണ് സിനിമ.

ബാങ്കും കോർപറേറ്റും മറ്റും കൂട്ടുനിന്നു കോടികൾ വെട്ടിച്ച് ഹർഷദ് മേത്ത എന്ന ഓഹരി വിപണിക്കാരനെ കോടിപതി ആകുമ്പോൾ അതിൻ്റെ ബലിയാടായി മാറിപോകുന്ന കുറെയേറെ ഉദ്യോഗസ്ഥരുടെ കഥകൂടി ചിത്രം പറയുന്നു..ചിലർ പണത്തിനു വേണ്ടിയും ചിലർ നിലനില്പിന് വേണ്ടിയും..ചിലർ അറിയാതെ അതിലേക്ക് വീണും...

ഇത് രണ്ടിനും വേണ്ടി ഭാസ്കർ കളിക്കുന്ന കളിയാണ് ലക്കി ഭാസ്കർ..ഇത് സമൂഹത്തിൽ തെറ്റായ കുറെ സന്ദേശങ്ങൾ നൽകുന്നു എങ്കിലും ഭാസ്കർ എന്ന സാങ്കല്പിക കഥാപാത്രത്തിലൂടെ മുൻപ് സംഭവിച്ച സ്കാം വിവരിക്കുകയാണ് വെങ്കി അറ്റ്ലൂരി എന്ന സംവിധായകൻ.

പ്ര.മോ.ദി.സം