ഹലോ മമ്മി

 

മലയാള സിനിമയിൽ കഥ ദാരിദ്ര്യം വളരെ അധികം ഉണ്ടെന്ന് ഇപ്പൊൾ ഉള്ള പല സിനിമകളും കാണുമ്പോൾ മനസ്സിലാക്കാം.പറയേണ്ട കഥയൊക്കെ പറഞ്ഞു കഴിഞ്ഞത് കൊണ്ട് മുൻപ് കൊറിയയിൽ നിന്നും ജപ്പാനിൽ നിന്നും അത് പോലെ ലോക നിലവാരത്തിൽ സിനിമ എടുകുന്നവരുടെയും  മറ്റും കഥകൾ. അടിച്ചു മാറ്റി ഇവിടെ സിനിമ വിജയിപ്പിച്ചിരുന്നു.

ഇപ്പൊൾ മലയാള സിനിമ കാണുന്നതിന് മുൻപേ ഇത്തരം സിനിമകൾ കാണുന്ന സമൂഹം ട്രെയ്‌ലർ കാണുമ്പോൾ തന്നെ ഇന്നെ സിനിമ അടിച്ചു മാറ്റിയത് എന്ന് മനസ്സിലാക്കുന്നത് കൊണ്ട് ചുരുക്കം ചിലർ മാത്രമേ ഈ പണിക്ക് ഇറങ്ങുന്നുള്ളൂ..അവർക്ക്  മയ്‌കിംഗിൽ അതിസാമർത്ഥ്യം ഉള്ളത് കൊണ്ട് തന്നെ ഇവിടെ വിജയിപ്പിക്കുവാൻ പറ്റുന്നുണ്ട്.

ഇരുപത്തി രണ്ടു വർഷം മുൻപ് മരിച്ചു പോയ മമ്മി തൻ്റെ മകളുടെ കൂടെ ഇപ്പോഴും അദൃശ്യയായി കഴിയുന്ന ഒരു സിനിമയാണ് ഹലോ മമ്മി.മകളുടെ ഇഷ്ട്ടം നോക്കാതെ അവർക്ക് പിടിച്ചത് മാത്രം മകൾ ചെയ്യണം,വീട്ടിലെ സാധനങ്ങൾ മാറ്റാൻ പാടില്ല,ഫ്രിഡ്ജ് ഇരുപത് സെക്കൻ്റിൽ കൂടുതൽ തുറന്നിടുവാൻ പാടില്ല,വെള്ളവും ഭക്ഷണ സാധനവും തറയിൽ വീഴാൻ പാടില്ല അങ്ങിനെ സൈക്കോ ചിന്താഗതിയുള്ള ഒരു മമ്മി .

വിവാഹ ആലോചന വന്നപ്പോൾ പോകും സ്വന്തം മകളുടെ ഇഷ്ടവും അഭിപ്രായവും നോക്കാതെ തൻ്റെ ഇഷ്ടത്തിന് മകൾ നടക്കണം എന്ന് വാശി പിടിക്കുന്ന മമ്മി.

കൂടാതെ നല്ല നല്ല ആത്മാക്കളെ ബന്ധിച്ചു കൊണ്ടുപോയി അവർക്ക് വേണ്ടുന്ന തരത്തിൽ ഉപയോഗിക്കുന്ന മറ്റൊരു സംഘം. ഇവർ ഈ ആത്മാവിന് വേണ്ടി നാട്ടിലേക്ക് വരുന്നു.

ഇത്തരം ഒരു ചിത്രത്തെ കുറിച്ച് എന്തായിരിക്കും പ്രേക്ഷകൻ്റെ ആസ്വാദനം? ഇതൊക്കെ നല്ല ഹൊറർ മൂഡിൽ എടുത്തിരുന്നു എങ്കിൽ രസകരമായി തോന്നിയേനെ...എന്നാല് ഇത് അളിഞ്ഞ കോമഡിയുടെ പിൻബലത്തിൽ എടുത്താൽ എന്തായിരിക്കും പരിണിതഫലം? അത്രയേ ഉള്ളൂ ഇതും.

ദിലീപിന് വേണ്ടി എഴുതിയ സ്ക്രിപ്റ്റ് ആണെന്ന് സംവിധായകൻ ശറഫുദീനോട് പറഞ്ഞത് പോലെ ഇടക്ക് ദിലീപായി മാറാൻ അദ്ദേഹം ശ്രമിക്കുന്നുണ്ട് എങ്കിലും ഒന്നും വർകൗട്ട് ആകുന്നില്ല. ദിലീപിൻ്റെ ടൈമിംഗ് കോമഡി പോലെ ചെയ്യാൻ ശ്രമിച്ചു പരാജയപ്പെടുന്നത് കാണാം.

സഞ്ചോ ജോസഫ് എഴുതി വൈശാഖ് ഏലൻ സംവിധാനം ചെയ്ത ചിത്രത്തിൽ ജഗദീഷ്,ജോണി ആൻ്റണി,ഐശ്വര്യ ലക്ഷ്മി തുടങ്ങിയവർ ആണ് മറ്റു അഭിനേതാക്കൾ.

പ്ര.മോ.ദി.സം 

ക

 

"ക"എന്നാല് മരണവുമായി ബന്ധപ്പെട്ട് കാലൻ എന്നോ ആത്മാവ് എന്നൊക്കെ അർഥം കാണുന്നു. കലികാലത്തിനു "ക" എന്ന് പറയും എന്നും അഭിപ്രായം ഉണ്ട്.എന്നാല് സിനിമ കണ്ട് കഴിഞ്ഞാൽ എന്താണ് ഇതിൻ്റെ ശരിയായ അർത്ഥം എന്ന് മനസ്സിലാകും.

മൂന്നുമണി കഴിഞ്ഞാൽ സൂര്യൻ അസ്തമിക്കുന്ന നാട്ടിൽ അനാഥനായ അയാള് പോസ്റ്റ് മാനായി എത്തുന്നു.ചെറുപ്പം മുതൽ മറ്റുള്ളവരുടെ  കത്തുകൾ എടുത്തു വായിക്കുന്നത് ഹോബിയാക്കിയ അയാൾക്ക് അത്തരം ഒരു കത്ത് വായിച്ചതിലൂടെ വലിയൊരു പാപം ചെയ്തു അനാഥ്ലയം വിടേണ്ടി വരുന്നു.

പുതിയ നാട്ടിൽ അയാളുടെ അതെ സ്വഭാവം പിന്തുടരേണ്ട സാഹചര്യം ഉണ്ടാകുന്നു.പോസ്റ്റ്മാൻ ആയതു കൊണ്ട് തന്നെ അവിടുത്തെ നിരവധി കത്തുകൾ വായിക്കുവാൻ ഉള്ള  അവസരങ്ങൾ കിട്ടുന്നു.

അധിക രാത്രിയിലും അവിടെ ഉള്ള വീടുകളിൽ നിന്നും പെൺകുട്ടികൾ നഷ്ടപ്പെടുന്നത് ഗ്രാമവാസികൾക്ക് പേടി സ്വപനമാകുന്നു. തൻ്റെ പോസ്റ്റ് മാഷുടെ മകളെ കടത്താൻ ശ്രമിക്കുമ്പോൾ അയാൾക്ക് കത്തുകൾ വഴി വിവരം ലഭിക്കുന്നത് കൊണ്ട് അവരുടെ ശ്രമം പരാജപ്പെടുത്തുവാൻ അയാൾക്ക് കഴിയുന്നു.

അങ്ങിനെയുള്ള   വായനക്കിടയിൽ ഒരു കത്തിൽ നിന്നും ചില കൊലപാതകങ്ങൾ ഈ നാട്ടിൽ  നടക്കുന്നു എന്നു മനസ്സിലാക്കിയ അയാള് ആ കൊലപാതക ശ്രമത്തെ പരാജപ്പെടുത്തുവാൻ വേണ്ടി പുറപ്പെടുന്നു.

അയാളുടെ ഇത്തരം വായനകൾ കൊണ്ട് അയാള് നാട്ടിലെ  പലതരം ക്രൈംമുകളിൽ ഭാഗവാക്ക് ആകുന്നതും എതിരാളികൾക്ക് ഇയാള് പ്രശ്നം സൃഷ്ടിക്കുകയും ചെയ്യുന്നു.ഇത് 

 അയാളുടെ ജീവിതത്തെ മാറ്റി മറിക്കുന്നതുമാണ് "ക"

ചില സിനിമകളുടെ കഥയൂം മറ്റും പറഞ്ഞു കഴിഞ്ഞത് ആണെങ്കിൽ കൂടി അത് അവതരിപ്പിക്കുന്ന രീതി നമ്മളെ പിടിച്ചിരുത്തും..ഈ സിനിമയും കഥ പറയുന്നത് വ്യതസ്ത രീതിയിൽ ആണ്.തുടക്കത്തിൽ ചെറിയ കല്ല്കടിയായി തോന്നും എങ്കിലും പിന്നീട് അത് നമ്മളെ പിടിച്ചിരിുത്തും.

ഇത്തരം ഒരു അവതരണ രീതി എന്തിനാണ് എന്ന് നമുക്ക് ക്ലൈമാക്സിൽ മാത്രമേ മനസ്സിലാക്കുവാൻ പറ്റൂ..അത് ചിലപ്പോൾ ഇതുവരെ സിനിമയിൽ തന്നെ ആരും ചിന്തിക്കാത്ത തലത്തിലേക്ക് മാറ്റിയിട്ടുണ്ട്.

കിരൺ, തൻവി രാം,നയൻ സരിഗ,അച്ചുത് കുമാർ,കിംഗ്സ്ലി എന്നിവർ അഭിനയിച്ച ചിത്രം സംവിധാനം ചെയ്തിരിക്കുന്നത് സുജിത്,സന്ദീപ് ബ്രദേഴ്സ് ആണ്.

പ്ര.മോ.ദി.സം

സമാധാന പുസ്തകം

 

മുൻപ് നമ്മുടെ വിദ്യാഭാസ സിലബസുകളിൽ ലൈംഗിക വിദ്യാഭ്യാസം എന്നത് മഹത്തായ പാപം ആണെന്ന് വിചാരിച്ചിരുന്നു.പ്രത്യുത്പാദനം എന്ന ചാപ്റ്റർ പോലും പല അധ്യാപകരും ഒഴിവാക്കി വായിച്ചു പഠിക്ക് എന്നായിരുന്നു നിർദേശിച്ചിരുന്നത്..

അതു കൊണ്ട് തന്നെ കുട്ടികളുടെ ജിങ്ഞാസ മുതലെടുപ്പ് നടത്തുവാൻ പല മഞ്ഞ പ്രസിദ്ധീകരണങ്ങളും ആവത് പരിശ്രമിച്ചിരുന്നു. അത്തരം  ബുക്കുകളിൽ വരുന്നതു  തെറ്റും ശരിയും ഒന്നും തിരിച്ചറിയാതെ കുട്ടികൾ  എന്തൊക്കെയോ മനസ്സിലാക്കി വെച്ച് കൊണ്ടിരുന്നു.ഭാവിയിൽ പലർക്കും ഇത് വലിയ പ്രശ്നങ്ങൾ സൃഷ്ടിച്ചിരുന്നു എന്നത് സത്യം. അതൊക്കെ കൊണ്ട് ഇത്തരം കാര്യങ്ങളിൽ സിലബസിൽ പ്രാധാന്യം വേണമെന്ന് പലരും ആവശ്യപ്പെട്ടിരുന്നു.

ഇന്നും അതൊക്കെ കൃത്യമായി ക്ലാസുകളിൽ പഠിപ്പിക്കുന്നുണ്ട് എന്ന് ഉറപ്പില്ല എങ്കിൽ പോലും ഇപ്പൊൾ വിരൽത്തുമ്പിൽ ഇൻ്റർനെറ്റ് വഴി പല വിവരങ്ങളും കുട്ടികൾക്ക് അറിയാം.

ഇന്നത്തെ കാലത്ത് പരസ്പരം എല്ലാ കാര്യങ്ങളും അറിയുന്നത് കൊണ്ട് തന്നെ കുട്ടികൾക്കിടയിൽ ആൺപെൺ വ്യത്യാസമില്ലാതെ നല്ല സൗഹൃദങ്ങൾ ഉണ്ട്.പണ്ട് കാലത്ത് കാണുകയും സംസാരിക്കുകയും ചെയ്യുന്നതിൽ തന്നെ സമൂഹത്തിൽ പലതരം തെറ്റിദ്ധാരണകളും അതെ ചൊല്ലി കളിയാക്കലുകളും പലരും അനുഭവിച്ചിരുന്നു.

ഇന്നത്തെ കുട്ടികളോട് അന്നത്തെക്കാലത്ത് ഉള്ള ഒരു കഥപറഞ്ഞ് കൊണ്ടുക്കുന്നതാണ് സിനിമ.ഇത്തരം പുസ്തകങ്ങൾ കിട്ടുവാൻ ഉള്ള ബന്ധപ്പാടും പ്രശ്നങ്ങളും അത് സ്കൂളിൽ അധ്യാപകർ പിടിക്കുമ്പോൾ ഉണ്ടായ പ്രശ്നങ്ങളും ഒക്കെ പറഞ്ഞു കൊണ്ട് ഒരു ഫീൽ ഗുഡ് സിനിമ.

പ്ര.മോ.ദി.സം