ഈ ചിത്രത്തിൻ്റെ പ്രമോഷൻ സമയത്ത് സുകൃതം ഒക്കെ സമ്മാനിച്ച സംവിധായകൻ ഹരികുമാർ പറയുന്നത് കേട്ടു..നമ്മൾ ജനറേഷന് അനുസരിച്ച് മാറണം.അവർക്ക് വേണ്ടി ആ മാറ്റത്തിന് അനുസരിച്ച് സിനിമ എടുക്കണം.അതിനാണ് ഇത്രയും നാൾ വെയിറ്റ് ചെയ്തത് എന്ന്..
പക്ഷേ ഈ സിനിമയിൽ കോണ്ടം വാങ്ങാൻ പോകുന്ന ഭാര്യ എന്ന ന്യൂ ജനറേഷൻ കാര്യം (അതും മുൻപ് ഉണ്ടാവില്ലേ?) ഒഴിച്ച് വലിയ പുതുമ ഒന്നും കണ്ടില്ല..എൻപതിലോ തൊണ്ണൂറുകളിലോ വരേണ്ട ഒരു സിനിമ കാലം തെറ്റി വന്നിരിക്കുന്നു എന്നു് മാത്രം.
ആൻ അഗസ്റ്റിൻ തിരിച്ചു വരുന്നു എന്നൊക്കെ കേട്ടപ്പോൾ സ്ത്രീ കഥാപാത്രത്തിന് വളരെ പ്രാധാന്യം ഉള്ള ഒരു ചിത്രം ആയിരിക്കും എന്നാണ് വിചാരിച്ചത്. ജോക്കർ കഥാപാത്രങ്ങൾ വിട്ട് കാമ്പുള്ള വേഷങ്ങൾ ചെയ്യുന്ന സുരാജ് ഉള്ളത് കൊണ്ട് മിനിമം എങ്കിലും ഉണ്ടാവുമല്ലോ.. എം.മുകുന്ദൻ്റെ രചന കൂടി ആകുമ്പോൾ പ്രതീക്ഷക്ക് കനവും കൂടി.
പക്ഷേ ആൾക്കാരെ മൊത്തത്തിൽ നിരാശരാക്കി ഒരു പുതുമയും ഇല്ലാത്ത പലരും പറഞ്ഞു മടുത്തു തേഞ്ഞു പഴകിയ കഥയുള്ള ഒരു ചിത്രമാണ് ഹരികുമാർ നമുക്ക് സമ്മാനിച്ചത്..
പ്ര .മോ. ദി. സം
No comments:
Post a Comment