മുകുന്ദൻ ഉണ്ണി അസോസിയേറ്റ്സ്

 

ആരായിരുന്നു എന്തായിരുന്നു നമുക്ക്  മലയാളികൾക്ക് വിനീത് ശ്രീനിവാസൻ..അയൽ വീട്ടിലെ  പയ്യൻ,നിഷ്കളങ്കൻ,നന്മകൾ മാത്രം ആഗ്രഹിക്കുന്ന സുഹൃത്ത്,ചങ്കുകൾക്ക് വേണ്ടി എന്തും ചെയ്യുന്ന ആൾ

പക്ഷേ ഈ സിനിമ കണ്ടാൽ ഞെട്ടും..ഇതിലെ ചെയ്തികൾ കണ്ടാൽ തലയിൽ കയ്യ് വെക്കും..ചിലപ്പോൾ കണ്ണ് തിരുമ്മി ഒന്ന് കൂടി നോക്കും..ഇത് വിനീത് തന്നെയല്ലേ എന്ന്...വിനീത് ശ്രീനിവാസൻ്റെ ഇതുവരെ കാണാത്ത ഒരു റോളാണ് ഇതിൽ..ചിത്രത്തിൽ ഉടനീളം അദ്ദേഹം അതറിഞ്ഞു പൂണ്ടു വിള യാടിയിട്ടുണ്ട്.

അഭിനയത്തിൽ ഇടക്കിടക്ക് മാത്രം  എന്ത് കൊണ്ട് വരുന്നു എന്ന് അദ്ദേഹത്തിൻ്റെ സിനിമകളുടെ സിലക്ഷൻ സാക്ഷ്യപ്പെടുത്തുന്നു.

ഇന്ന് വലിയ തരത്തിൽ അഴിമതി നടക്കുന്ന ഒന്നാണ് ഇൻഷുറൻസ് രംഗം..അധികം പേരും പല വിധത്തിൽ ഉള്ള ഇൻഷുറൻസ് എടുക്കുന്നുണ്ട് എങ്കിൽ പോലും അത് കൃത്യമായി ക്ലെയിം ചെയ്യാനോ വേണ്ട വിധത്തിൽ ഉപയോഗപ്പെടുത്തുവാൻ ഒന്നും പലർക്കും അറിയില്ല.

എന്നാല് ഇതൊക്കെ കൃത്യമായി അറിയുന്ന അതൊക്കെ പഠിച്ച വക്കീലന്മാരും,ഡോക്ടർമാരും,ഇൻഷുറൻസ് കമ്പനി മാനേജർമാരും ഒക്കെ ചേർന്ന് ഒരു ടീമായി മാറി നമ്മളെ മുതലെടുത്ത് കോടികൾ സമ്പാദിക്കുന്ന കഥയാണ് ചിത്രം പറയുന്നത്

നേരായി ഒന്നും ഇവർക്ക് ഇതൊക്കെ ചെയ്താൽ പണം കിട്ടുകയില്ല.അതുകൊണ്ട് വളഞ്ഞ വഴിയിലൂടെ പല നിയമങ്ങളും കാറ്റിൽ പറത്തി നമ്മളെ ചൂഷണം ചെയ്യുകയാണ്..നമ്മുടെ തലസ്ഥാനത്ത്   നടന്ന ഇത്തരം തട്ടിപ്പുകളുടെ കഥകൾ അടുത്തകാലത്ത് വാർത്തയായിരുന്നു.അങ്ങിനെ നാട്ടിൽ ഉടനീളം എത്ര എണ്ണം നടന്നിരിക്കും..പണം സമ്പാദിക്കുവാൻ ഏതു മാർഗവും സ്വീകരിക്കുന്ന മനുഷ്യ വർഗ്ഗത്തിൻ്റെ അധംപതനത്ത്ൻ്റെ കഥ കൂടിയാണിത്.

പ്ര .മോ .ദി .സം