വരാൽ

 

അനൂപ് മേനോൻ ചിത്രങ്ങൾ എന്തുകൊണ്ട് തുടർച്ചയായി പരാജയപ്പെടുന്നു എന്ന് കൂടുതൽ ചിന്തിക്കേണ്ട ആവശ്യമില്ല..ഒരു നടൻ എന്ന നിലയിൽ വലിയ സംഭാവനകൾ ഒന്നും നൽകാൻ അദ്ദേഹത്തിന് സാധിച്ചിട്ടില്ല. ഒരേ ടൈപ്പ് അഭിനയം തന്നെയാ പുള്ളിക്ക്..അതാണെങ്കിൽ നമ്മൾക്കു മടുത്തു തുടങ്ങി.

പക്ഷേ കഥ പറയുന്നതിൽ അയാള് സമകാലികരായ ആൾക്കാരെ അപേക്ഷിച്ച് നല്ല രീതിയിൽ മുൻപിലാണ്.അദ്ദേഹത്തിൻ്റെ തിരക്കഥകൾ ശ്രദ്ധിച്ചാൽ മനസ്സിലാക്കാം.ചില വ്യതസ്ത തകൾ കാണാം.ചുരുക്കി പറഞ്ഞാല്  സ്ക്രീനിന് "പിന്നിലെ" അണിയറ പ്രവർത്തനങ്ങൾ ആണ് പുള്ളിക്ക്  കുറച്ചു കൂടി നല്ലത്.

ഈ ചിത്രം കുറച്ചുകൂടി ജനപ്രിയം ആയിട്ടുള്ള ഏതെങ്കിലും നടൻ ചെയ്തിരുന്നു എങ്കിൽ ജനം കണ്ടേനെ..അത്രക്ക് മികച്ച രീതിയിൽ കണ്ണൻ താമരകുളം അണിയിച്ചു ഒരുക്കിയിട്ടുണ്ട്.കണ്ണനെ പറ്റി പറയുക ആണെങ്കിൽ നല്ല രീതിയിൽ ത്രില്ലിംഗ് സിനിമ എടുക്കുവാൻ ബഹുമിടുക്കൻ ആണ്..പക്ഷേ സിനിമ "ബിസിനെസ്സ്" ആക്കുവാൻ ആരും സഹായത്തീനില്ല. 

ഇന്നത്തെ ഇടതുപക്ഷ ഗവർമെൻ്റിൻ്റെ കാലം കഴിഞ്ഞു ഉണ്ടാകുന്ന കഥയാണ് ചിത്രം പറയുന്നത് ഏറെ കുറെ സംഭവിക്കാൻ സാധ്യത ഉള്ള കഥ തന്നെ.മതത്തെ ഭരിപ്പിക്കാൻ അനുവദിക്കരുത് എന്ന് ഉപദേശിക്കുന്ന മുഖ്യമന്ത്രിയുടെ "ത ള്ളു" ഒഴിച്ച് ബാക്കി ഒക്കെ സമകാലികമായി ബന്ധപ്പെട്ടത് തന്നെ..മതത്തിൻ്റെ കാലു നക്കീതുടച്ച് തന്നെയാണ് മുന്നോട്ടെക്ക് സർകാർ പോകുന്നത്.

എത്ര പുരോഗമനം പറഞ്ഞാലും മതത്തിൻ്റെ ജെട്ടി ഇട്ടാണ് മലയാളി പോളിംഗ് ബൂത്തിൽ പോകുക എന്ന ഡയലോഗ് ആദ്യം പറഞ്ഞതിന് ശേഷമാണ് ഈ ഉപദേശം എന്നത് വിരോധാഭാസം ആയി തോന്നുന്നു.

മികച്ച ബാക് ഗ്രൗണ്ട് മ്യൂസിക് അകമ്പടിയോടെ ഒരു നല്ല പൊളിറ്റിക്കൽ ത്രില്ലർ കാണാൻ ഇഷപെടുന്നവർക്ക് വരാൽ നിരാശ നൽകില്ല.

പ്ര .മോ. ദി .സം