അഞ്ജലി മേനോനും റോഷൻ ആൻഡ്രൂസ്,മോഹൻലാൽ അടക്കം സ്വന്തം സിനിമയുടെ നിരൂപണം മോശം ആണെങ്കിൽ ഇഷ്ടപ്പെടാത്ത പറഞ്ഞവർക്ക് എതിരെ പ്രതികരിക്കുന്ന സിനിമ പ്രവര്ത്തകര് കാണേണ്ട സിനിമയാണ് ബാൽകി സംവിധാനം ചെയ്ത ചുപ്.
ഒരു സിനിമ നല്ലത് ആണെങ്കിൽ നല്ലത് എന്നും കൊള്ളില്ല എങ്കിൽ മോശം എന്നും പറയാതെ ആരെയെങ്കിലും സുഖിപ്പിക്കൽ നടത്താൻ വേണ്ടി ഫിലിം കൃട്ടിക്സ് നടത്തുന്ന നിരൂപകർ ഒന്നിന് പുറകെ ഒന്നായി കൊല്ലപ്പെടുന്നത് ബാന്ദ്ര പോലീസിന് തലവേദന വരുത്തുന്നു.
കൊലയാളിയെ തേടിയുള്ള പോലീസിൻ്റെ യാത്രയിൽ ഒരു ആർട്ടിസ്റ്റുന് സിനിമയിൽ നിന്നും ഉണ്ടായ അവഗണനയിലും കൃത്യമായി സിനിമയെ നിരൂപണം ചെയ്യാത്തത് കൊണ്ട് തകർന്നു പോയ അയാളുടെ ജീവിതവും മനസ്സിലാകുന്നു. അത് കൊണ്ട് അയാള് ചെയ്യുന്ന പ്രതികാരവും...
ഈ സിനിമയുടെ ചില കാര്യങ്ങളിൽ നമുക്ക് വിശ്വസനീയ മല്ലെങ്കിലും ഒരു ക്രൈം ത്രില്ലർ നല്ലപോലെ നമ്മളിലേക്ക് എത്തിക്കുവാൻ സംവിധായകന് കഴിഞ്ഞിട്ടുണ്ട്.
ഒരു സമയത്ത് എല്ലാവരുടെയും സ്വപ്ന റാണി ആയിരുന്ന പൂജ ബട്ടിൻ്റെ ഈ സിനിമയിലെ രൂപം പലരുടെയും ഹൃദയം തകർക്കും.വർഷങ്ങൾ കഴിഞ്ഞിട്ടും സണ്ണി ഡിയോളിൽ പ്രായം ഇനിയും കടന്നു ചെന്നിട്ടില്ല..ദുൽഖർ നമുക്ക് ഇനി പാൻ ഇന്ത്യൻ മുഖം ആണ്.
സത്യസന്ധമായ അഭിപ്രായം പറഞ്ഞത് കൊണ്ട് തന്നെ കൊലയാളി എന്നെ തേടി വരും എന്ന പെടിയൊന്നും എനിക്കില്ല.
പ്ര .മോ .ദി .സം
No comments:
Post a Comment