കല്യാണം കഴിഞ്ഞ് കുറച്ചു നാളുകൾ കഴിഞ്ഞാൽ പലരുടെയും ചോദ്യം ഉണ്ട് ."വിശേഷം ഒന്നുമായില്ലേ?" ആദ്യം കുടുംബത്തിൽ നിന്നും തുടങ്ങുന്ന ഈ ചോദ്യം പിന്നീട് പടർന്നു നാട്ടികാരിലേക്കു എത്തും...
ആദ്യമാദ്യം വ്യക്തമായ ഉത്തരങ്ങൾ നൽകിയവർ പിന്നീട് ഈ ചോദ്യത്തെ വെറുക്കാൻ തുടങ്ങും ഉത്തരങ്ങള് വ്യക്തത ഇല്ലാത്ത വരും.. അപ്പൊ ആളുകൾ തങ്ങൾക്കു ആവുന്ന വിധത്തിൽ കഥകൾ ഉണ്ടാക്കി പ്രചരിപ്പിക്കും.
ചെക്കനാണ് കുഴപ്പം എന്ന് പെണ്ണ് സൈഡ് കുറ്റം പറയുമ്പോൾ അപ്പുറത്ത് നേരെ തിരിച്ചും...അങ്ങിനെ ചോദ്യങ്ങൾക്ക് നടുവിൽ അസ്വസ്ഥതയോടെ ജീവിക്കേണ്ടി വരുന്ന കുറെയേറെ ജന്മങ്ങൾ ഉണ്ട് .അവരുടെ കഥയാണ് ഇത്.
തലശ്ശേരിയിൽ ഷൂട്ട് ചെയ്ത ചിത്രം ആ നാട്ടിലെ ഭാഷ തന്നെയാണ് ചിത്രത്തിന് ഉപയോഗിച്ചിരിക്കുന്നത്..മലബാർ വിട്ടാൽ പല വാക്കുകളും കൃത്യമായ അർഥം മനസ്സിലാക്കാൻ പറ്റാത്ത അവസ്ഥ ഉണ്ടാവാതിരിക്കാൻ സാദ്ധ്യത ഉണ്ട്..മുൻപ് വടക്കൻ സെൽഫിയിൽ ഇത് പോലെ ഉപയോഗിച്ചത് സ്വീകരിക്കപ്പെട്ടത് കൊണ്ടായിരിക്കും ഇതിലും തുടർന്നത്.
അർജുൻ അശോകൻ,അനഘ,മാല പാർവതി,നവാസ് വള്ളിക്കുന്ന്,അൽതാഫ്,ജോണി ആൻ്റണി എന്നിവർ അഭിനയിച്ച ചിത്രം സംവിധാനം ചെയ്തത് ലിജോ തോമസ് ആണ്.സാമുവേൽ അബി സംഗീതം നിർവഹിച്ച നല്ല ഗാനങ്ങൾ ചിത്രത്തിന് നല്ല ഫീലിംഗ് നൽകുന്നുണ്ട്.
പ്ര.മോ.ദി.സം
No comments:
Post a Comment