നമ്മുടെ സർക്കാരുകൾ അത് ഇവിടെ ആയിക്കൊള്ളട്ടെ അല്ലെങ്കിൽ തമിഴ്നാട് കർണാടക പോലുള്ള അന്യ സംസ്ഥാനങ്ങളിൽ ആയിക്കൊള്ളട്ടെ ലഹരിക്ക് എതിരെ വലിയ വായിൽ വർത്തമാനം പറഞ്ഞു ലഹരിക്ക് എതിരെയാണ് സര്ക്കാര് നിലനിൽക്കുന്നത് എന്നൊക്കെ പറഞ്ഞു ബാറുകളും മദ്യം വിൽക്കുന്ന കടകളും ധാരാളം തുറന്നിടും..
മറ്റു വരുമാന മാർഗത്തിനെ സർകാർ അധികം ആശ്രയിക്കുന്നതിനെക്കാൾ മദ്യത്തിന് ആവശ്യക്കാർ കൂടുതൽ ഉള്ളത് കൊണ്ട് അധികം മിനക്കെടാതെ ഖജനാവിലേക്ക് കോടികൾ എത്തും എന്നുള്ളത് കൊണ്ട് തന്നെ സർക്കർകൾക്കും ഇതുതന്നെയാണ് ഇഷ്ട്ടം.
ഒരു സമൂഹത്തെ ഒന്നടങ്കം ലഹരിക്ക് അടിമയാക്കിയാൽ ആ നാട് നശിക്കും എന്ന് മുൻപ് ആരോ പറഞ്ഞിട്ടുണ്ട് എങ്കിലും അതൊന്നും ആരും വകവെച്ചു കൊടുക്കില്ല. എന്നിട്ട് നമ്മുടെ നാട് നശിചില്ലല്ലോ എന്ന് മറുചോദ്യം ചോദിക്കും...നമ്മുടെ നാട്ടിലെ ആശുപത്രികളിൽ അന്വേഷിച്ചാൽ അറിയും മദ്യപാനത്തിൻ്റെ ദൂഷ്യഫലങ്ങൾ അനുഭവിക്കുന്ന സമൂഹത്തിൻ്റെ ഇന്നുകൾ.
നമ്മുടെ കേരളത്തിൽ തന്നെ കുറെയേറെ കുടുംബങ്ങൾ മദ്യപാനം മൂലം പ്രശ്നങ്ങൾ അനുഭവിക്കുന്നു എങ്കിലും ഞാൻ നന്നാവണം എന്ന് സ്വയം തോന്നാതെ ഒരാൾക്കും കുടി നിർത്തുവാൻ കഴിയില്ല എന്നതാണ് സത്യം.
വെള്ളം എന്ന ജയസൂര്യയുടെ ചിത്രം മദ്യപാനത്തിൻ്റെ ഭീകരത വെളിവാക്കുന്ന ചിത്രമായിരുന്നു. ആ സിനിമ കണ്ട് പലരും കൂടി നിർത്തിയതായി വെളിപ്പെടുത്തിയിട്ടുണ്ട്..അതെ റൂട്ടിൽ പോകുന്ന ഈ ചിത്രവും പറയുന്നത് കുടി കൊണ്ട് വ്യക്തിക്കും കുടുംബത്തിനും സമൂഹത്തിനും ഉണ്ടാകുന്ന പ്രശനങ്ങൾ തന്നെയാണ്.
വെള്ളം എന്ന ചിത്രം കണ്ട് നമ്മളിൽ ഓരോരുത്തരിലും ഉണ്ടായ നോവുകൾ ഈ ചിത്രം കണ്ടാൽ നമുക്ക് ഉണ്ടാവില്ല കാരണം വെള്ളം അത്രക്ക് ഭീകരമായി മദ്യത്തിൻ്റെ പ്രശ്നങ്ങൾ നമുക്ക് കാണിച്ചു തന്നിട്ടുണ്ട്. അത് കൊണ്ട് വ്യക്തിക്കും കുടുംബത്തിനും സമൂഹത്തിനും ഉണ്ടാകുന്ന പ്രശ്നങ്ങൾ നല്ല രീതിയിൽ വരച്ചു കാട്ടിയിട്ടുണ്ട്.
പാ രഞ്ജിത്ത് നിർമാണ പങ്കാളി ആകുന്ന ചിത്രത്തിൽ ഗുരു സോമസുന്ദരം,അഞ്ജന എന്നിവരാണ് മുഖ്യവേഷത്തിൽ
പ്ര.മോ.ദി.സം
No comments:
Post a Comment