പൗഡർ

 

തമിഴു സിനിമ പരീക്ഷണ ചിത്രങ്ങൾ കൊണ്ട് പ്രേക്ഷകർക്ക് വിരുന്നു 

ഒരുക്കുന്നവരാണ്. മലയാളത്തെക്കാൾ ഒട്ടു മിക്ക സിനിമകളും പ്രേക്ഷകർ പ്രോത്സാഹിപ്പിക്കുന്നുമുണ്ട്.

ഇതൊരു പരീക്ഷണ ചിത്രം ഒന്നും അല്ലെങ്കിലും  കൂടുതൽ പുതുമുഖങ്ങളെ പരീക്ഷിച്ചു വേറിട്ട പാതയിൽ കൂടി പ്രേക്ഷകനെ തൃപ്തിപ്പെടുത്തുന്ന വിധത്തിൽ അണിയിച്ചൊരുക്കിയിട്ടുണ്ട്.

കല്യാണത്തിന് തലേന്ന് ബ്ലാക്മെയിൽ ചെയ്തവനെ ഒതുക്കാൻ പണവുമായി പോകുന്ന കല്യാണപെണ്ണിൻ്റെ ശരീരം കൂടി ആവശ്യപ്പെട്ടപ്പോൾ അവൾക്ക് അയാളെ ഷൂട്ട് ചെയ്യേണ്ടി വരുന്നു.

നാമനിർദേശ പത്രിക സമർപ്പിക്കാൻ ഉള്ള ദിവസത്തിൻ്റെ തലേ ദിവസം തങ്ങൾക്ക് വേണ്ടി ഒന്നും ചെയ്യാത്ത സമാജികനെ ഒരു കൂട്ടം യുവാക്കൾ കൊല്ലുന്നു.

തൻ്റെ മകളെ നശിപ്പിച്ചു ഗർഭിണിയാക്കിയവനോട് തൻ്റെ. മകളെ സ്വീകരിക്കണം എന്ന് പറഞ്ഞ അച്ഛനോട് മക്കളെ അഴിഞ്ഞാടാൻ വിടാതെ നല്ലവണ്ണം വളർത്തണം എന്ന് പറഞ്ഞത് കേട്ട് ദേഷ്യത്തിൽ അയാളെ അടിച്ചു കൊല്ലുന്നു.

ഈ മൂന്നു കൊലകളും ഒളിപ്പിക്കാൻ ഇവർ ഒരു രാത്രി നടത്തുന്ന പരിശ്രമങ്ങൾ ആണ് സിനിമയുടെ കഥ...അറിഞ്ഞോ അറിയാതെയോ  ഇതിൽ ഉൾപെട്ടൂ പോയ  ആൾക്കാരുടെ കൂടി കഥ പറയുന്നു..സൗഹൃദം കൊണ്ടും ഗതികേട് കൊണ്ടും ആകസ്മികമായ സംഭവങ്ങൾ കൊണ്ടും ഇതിലേക്ക് വലിച്ചിഴക്കാപെട്ട ഒരു മനുഷ്യൻ്റെ കഥകൂടി പറയുന്നുണ്ട്.

അവസാനം ഈ കൊലകൾക്ക് ഒക്കെ കൂടിച്ചേരൽ ഉണ്ടാകുന്ന പൊതുവായ ഒരു കാര്യം സസ്പെൻസ് നിലനിർത്തി പറയുമ്പോൾ സിനിമക്കു കുറച്ചുകൂടി ഗ്രാഫ് മുകളിലേക്ക് പോകുന്നു.

പ്ര.മോ.ദി.സം