പാരച്യൂട്ട്

 

കുട്ടികൾക്ക് ഒരു പ്രശ്നം ഉണ്ടായാൽ അത് പറയേണ്ടത് അതിനു പരിഹാരം ചെയ്യേണ്ടത്. മാതാപിതാക്കളുടെ അടുത്ത് അവതരിപ്പിച്ചു കൊണ്ടായിരിക്കണം.

എന്നാല് എന്തിനും ഏതിനും  കുട്ടികളെ ശിക്ഷിക്കുവാൻ ശ്രമിക്കുന്ന മാതാപിതാക്കൾ ആണെങ്കിൽ അവർ സ്വന്തം നിലയിൽ കാര്യങ്ങൾക്ക് പരിഹാരം ചെയ്യുവാൻ ശ്രമിക്കും.അതൊക്കെ അവരെ വലിയ പ്രശ്നങ്ങളിലേക്ക് കൊണ്ട് പോകും.

മാതാപിതാക്കൾ അവരുടെ തെറ്റുകൾ മനസ്സിലാക്കി തിരുത്തുവാൻ തയാറെടുക്കുമ്പോഴേക്കും അതൊരിക്കലും ശരിയാകാൻ പറ്റാത്ത വലിയ പ്രശ്‌നത്തിലേക്ക് പോയിരിക്കും.

പുതുതായി തമിഴിൽ ഇറങ്ങിയ ഈ വെബ് സീരീസ് പറയുന്നത് അത്തരമൊരു കഥയാണ്.

സിലിണ്ടർ ഡെലിവറി ക്കാരനായ അച്ഛൻ്റെ പാരച്യൂട്ട് എന്ന് മക്കൾ വിളിക്കുന്ന ടിവിഎസ് വണ്ടി എടുത്തു അനിയത്തിയുടെ പിറന്നാളിന് ട്രീറ്റ് കൊടുക്കാൻ വേണ്ടി  കറങ്ങാൻ പോകുന്ന പ്രായപൂർത്തിയാകാത്ത കുട്ടികളുടെ അടുത്ത് നിന്ന് അത് മോഷണം പോകുന്നു.

അച്ഛൻ്റെ അടി പേടിച്ച്  അതന്വേഷിച്ചു അതിനു പിന്നാലെ പോകുന്നതും വലിയ പ്രശ്നങ്ങളിലേക്ക് എടുത്തു ചാടുന്നതുമാണ് സീരീസ് പറയുന്നത്.

രാസ് രഞ്ജിത് സംവിധാനം ചെയ്ത് കിഷോർ, കാളി വെങ്കിട്ട്,ശക്തി ഋത്വിക്, ഇയൽ, കണി തിരു,കൃഷ്ണ എന്നിവർ അഭിനയിച്ചിരിക്കുന്നു.

പ്ര.മോ.ദി.സം