മലയാളത്തിൽ ഹാസ്യതാരങളെ നിരീക്ഷണ ബുദ്ധി ഉള്ള സംവിധായകർ അവരുടെ കഴിവുകൾ മനസ്സിലാക്കി ക്യാരക്ടർ റോളുകളും മറ്റും ചെയ്യിച്ചു ദേശീയതലത്തിൽ പ്രശസ്തരും അവാർഡ് ജേതാക്കളും ആക്കിയപ്പോൾ മറ്റു
ഭാഷകാർക്കും തങ്ങൾ വെറും വിദൂഷകരായി കരുതിയ നടന്മാരിൽ കഴിവുണ്ട് എന്ന് മനസ്സിലാക്കി തുടങ്ങി.
വടിവേലു,സൂരി,,യോഗി ബാബു, തുടങ്ങിയ നടന്മാർ ക്വാറക്ടർ റോളുകളിൽ കസറി തുടങ്ങിയപ്പോൾ അവരിൽ തമിഴു സിനിമ പുതിയ നായകന്മാരെ കണ്ട് തുടങ്ങി.
വിടുത്തലൈ പാർട്ട് 1 സൂരി നമ്മളെ അൽഭുത പ്പെടുത്ത്യപ്പോൾ വെറും കോമാളി വേഷത്തിൽ ഒത്ങ്ങേണ്ട നടനല്ല അദ്ദേഹം എന്ന് നമ്മൾ മനസ്സിലാക്കി.
സൂരി,ശശികുമാർ,മലയാളത്തിൻ്റെ ഉണ്ണി മുകുന്ദൻ എന്നിവർ മുഖ്യവേഷത്തിൽ അഭിനയിച്ച ചിത്രം പറയുന്നത് അനാഥരായ മൂന്നു സുഹൃത്തുക്കളുടെ കഥയാണ്..
മണ്ണ് ,പണം,പെണ്ണ് ഇവയാണ് സുഹൃത്ത് ബന്ധം നശിപ്പിക്കന്നത് എന്ന് വീണ്ടും വിളിച്ചു പറയുന്ന ചിത്രം ഇവർ മൂന്ന് പേരുടെയും പ്രകടനം കൊണ്ട് സിനിമയെ നല്ല ഗ്രാഫിൽ എത്തിക്കുന്നുണ്ട്.
വെട്രിമാരൻ കഥ പറഞ്ഞു നിർമ്മിക്കുന്ന ചിത്രം ദുരൈ സംവിധാനം ചെയ്യുന്നു.യുവൻ ശങ്കർ രാജയുടെ സംഗീതം ആകർഷകമാണ്.
പ്ര.മോ.ദി.സം
No comments:
Post a Comment