ഫീൽ ഗുഡ് സിനിമകൾ നമ്മുടെ മലയാള സിനിമയോട് മുഖം തിരിച്ചു നിന്നിട്ട് നാളുകൾ കഴിഞ്ഞു.ചിലപ്പോൾ ഒക്കെ ചില പ്രയത്നങ്ങൾ ഉണ്ടാകുമെങ്കിലും ഇപ്പൊൾ തമിഴു തെലുഗു സിനിമകൾ പോലെ ഉള്ള ലോജിക് ഇല്ലാത്ത ലക്കും ലഗാനുമില്ലാതെ പോകുന്ന കഥകൾ ആണ് പ്രേക്ഷകരെ ആകർഷിക്കുന്നത്.
ആവേശവും ടുർബോവും മറ്റും പ്രേക്ഷകരിൽ ആവേശം നിറക്കുന്നതും ഇതൊക്കെ കൊണ്ട് തന്നെ. സിനിമയുടെ പ്രമോഷൻ സമയത്ത് ജനശ്രദ്ധ ആകർഷിക്കുവാൻ വേണ്ടി "എന്ത് "കാര്യവും സ്വന്തം തടിക്ക് കേടാകാതെ വെട്ടി തുറന്നു പറയുന്ന ഷയിൻ നിഗം ഈ സിനിമയുടെ റിലീസ് സമയത്തും ഉണ്ണി മുകുന്ദനെ അപമാനിച്ചു എങ്കിലും കയ്യിൽ നിന്ന് പോയപ്പോൾ മാപ്പ് പറഞ്ഞു രക്ഷപെട്ട് കളഞ്ഞു..
സിനിമയുടെ പ്രമോഷന് വേണ്ടി ഏത് വളഞ വഴിയും നോക്കുന്ന ഇന്നത്തെ ചില നടന്മാരിൽ ഒരാളായി ഷയിനിനെ കരുതുന്നത് കൊണ്ട് തന്നെ സിനിമക്ക് അത് കൊണ്ട് വലിയ പ്രയോജനം ഒന്നും ലഭിച്ചില്ല..മുൻപത്തെ നെഗറ്റീവ് ഒക്കെ പ്രേക്ഷകർ അദേഹത്തിൻ്റെ മുൻപത്തെ RDX എന്ന ഒറ്റ ചിത്രത്തിൽ കൂടി മറന്നു എങ്കിലും വീണ്ടും തനതു സ്വഭാവം പുറത്തേക്ക് വന്നത് ഈ ചിത്രത്തെ നന്നായി ബാധിച്ചിട്ടുണ്ട്. കാണാൻ കൊള്ളാവുന്ന സിനിമ ആയിട്ട് കൂടി പലരും മുഖം തിരിഞ്ഞു നിൽക്കുന്നു.
മലയോര കർഷകൻ്റെ നന്മകളുടെ കഥ പറയുന്ന ചിത്രം ഗേ കഥ കൂടി ഉൾപ്പെടുത്തി മറ്റൊരു രീതിയിൽ അവതരിപ്പിക്കാൻ ശ്രമിക്കുന്നു എങ്കിലും കുറെയേറെ ചിത്രങ്ങൾ കൂട്ടീ ചേർത്ത് ഒരു ചിത്രം ആക്കിയത് പോലെ ഉള്ള ഒരു ഫീലിംഗ് അനുഭവിപ്പിക്കുന്നു. മുൻപത്തെ പല സിനിമകളിലെ രംഗങ്ങളും ക്ലീഷെ ആയി വന്നു ചേരുന്നു .
കേൾക്കുവാൻ ഇമ്പം ഉള്ള കുറെയേറെ പാട്ടുകളും ബാബുരാജ് ഷെയ്ൻ കൂട്ട് കെട്ടിൻ്റെ രസതന്ത്രവും കണ്ണിന് കുളിരേകുന്ന മലയോര കാഴ്ചകളും അവിടുത്തെ ജീവിതങ്ങളുടെ അനുഭവങ്ങളും കാണാൻ പോയ പ്രേക്ഷകരെ ആകർഷിക്കുന്നു.
പ്ര.മോ.ദി.സം.
No comments:
Post a Comment