Wednesday, July 4, 2012

കേരളം "പച്ച " പിടിക്കുന്നുവോ?

ഞാന്‍ ഉദ്ദേശിക്കുന്നത് കേരളം പുരോഗതിയിലേക്ക് പോകുന്നു എന്നതല്ല .അങ്ങിനെയെങ്കില്‍ കേന്ദ്രം പച്ച കൊടി  കാട്ടിയ കൊച്ചി മെട്രോയെ കുറിച്ച് എഴുതാന്‍ കുറെ ഉണ്ടാവാം .അതൊക്കെ എഴുതുവാന്‍ ഇനിയും സമയം ഉണ്ട് ,ഇപ്പോള്‍ പച്ച കോടി കിട്ടിയതെ ഉള്ളൂ .അത് പല ഉദ്യോഗ വൃന്ദ ങ്ങള്‍ "കൈമറിഞ്ഞ് "യദാര്‍ത്ഥ മാകുവാന്‍ മുഖ്യന്‍ തന്നെ മൂന്നു നാല് വര്‍ഷങ്ങള്‍ ചോദിക്കുമ്പോള്‍ നമ്മള്‍ ഇപ്പോള്‍ തന്നെ വാചാലന്‍ ആവേണ്ട  ആവശ്യം ഇല്ല.

കുടിയന്‍ മാരുടെ ഇടയില്‍ "പച്ച" എന്ന പ്രയോഗം ഉണ്ട് .അതായത് പുലര്‍ന്നു ഇതുവരെ ഒന്നും അടിക്കാത്തവര്‍ എന്ന് മാത്രം.അതും ഞാന്‍ ഇപ്പോള്‍ വിഷയം ആക്കുവാന്‍ ഉദ്യേശ്മില്ല .പിന്നെ ഏഷ്യാനെറ്റ്‌ പറയുന്ന മാലിന്യം കലര്‍ന്ന  പച്ചവെള്ളത്തിന്റെ കാര്യം ,അത് അവരുടെ പണിയാണ് ,ഞാന്‍ ഇപ്പോള്‍ അതില്‍ ഇടപെടുവാന്‍ താല്പര്യം കാണുനില്ല 

    പിന്നെ വേനല്‍ കഴിഞ്ഞു ആരംഭിച്ച മഴകാലം കേരളത്തെ കുറച്ചൊക്കെ പ്രത്യേകിച്ച്‌ ഗ്രാമങ്ങളില്‍ പച്ചപ്പ്‌ പടര്‍ത്തി എന്നതും വിഷയം അല്ല ,അത് കാലകാലങ്ങളില്‍ പ്രകൃതി അറിഞ്ഞു തരുന്നതാണ് ,കേരളത്തിന്റെ ഒരു ഫീലിംഗ് ആണ് മഴ ,അത് ഒരു അവകാശം പോലെ മൂന്ന് നാല് മാസം നമ്മള്‍ക്ക് തരുന്നുമുണ്ട് പ്രപഞ്ഞശക്തി..ഒരു വര്ഷം മഴ കുറഞ്ഞാല്‍ എന്തൊക്കെ പൊല്ലാപ്പാണ് നമുക്ക് .പിറ്റേ വര്ഷം പച്ചവെള്ളം കിട്ടില്ല....അങ്ങിനെ വീണ്ടും പച്ചയില്‍ എത്തി  ,അത് തന്നെ യാണല്ലോ നമ്മള്‍ പറയുന്നതും ..

സാധാരണ കേരളത്തില്‍ മൃഗീയ ഭൂരിപക്ഷം കിട്ടിയാണ്  ഭരണം  ഉണ്ടായിട്ടുള്ളത് ..ചില സന്ദര്‍ഭങ്ങളില്‍ മാത്രം ന്യുനപക്ഷവും ഉണ്ടായിട്ടുണ്ട് ,അത് കൊണ്ട് തന്നെ യോഗ്യത ഇല്ലാത്തവര്‍ മുഖ്യന്‍ ആവേണ്ടി വന്നിട്ടുമുണ്ട് .കഴിഞ്ഞ തിരഞ്ഞെടുപ്പില്‍ കോണ്ഗ്രസ്  പിടിപ്പുകേട് കൊണ്ട് വീണ്ടും അങ്ങിനെ ഒരു സര്‍കാരിനെയാണ് നമ്മള്‍ക്ക് കിട്ടിയത് ,അതില്‍ തന്നെ "പച്ചകാര്‍ " വലിയ ശക്തിയായി ,അവര്‍ പറയുന്ന എന്തും ചെയ്യേണ്ട ഗതികേടിലാണ് കോണ്‍ഗ്രസ്‌ .വലിയ വിവാദം ഉണ്ടാക്കി അഞ്ചാം മന്ത്രിയെയും അവര്‍ പറയുന്ന വലിയ തസ്തികകള്‍ ഒക്കെ കൊടുത്തു ..എന്നിട്ടും അത്യാഗ്രഹങ്ങള്‍ കൂടപിറപ്പ്  ആയ നേതാക്കള്‍ക്ക് പോര കോടികള്‍ മതിക്കുന്ന ഗവര്‍മെന്റ്റ് ലാന്‍ഡില്‍ ആയി കഴുക കണ്ണ് ,ആരുമറിയാതെ പല ന്യായങ്ങള്‍ പറഞ്ഞു മകളുടെ കുടുംബത്തിനും,ചേട്ടന്മാര്‍ക്കും ,അളിയന്‍മാര്‍ക്കും ഒക്കെ വിവിധ ട്രസ്റ്റ്‌ എന്ന വ്യാജേന  ദാനം ചെയ്യാന്‍ പച്ച മന്ത്രി ശ്രമിച്ചു ,പിടിക്കപെട്ടു പ്രശ്നം ഉണ്ടായപ്പോള്‍ അയാള്‍ക്ക് ഒന്നും അറിയില്ല

           വിദ്യാഭാസം  പച്ചപിടിക്കാന്‍ പേരുകേട്ട ബാപ്പയുടെ പുത്രനെ ആ വകുപ്പ് കൊടുത്തു ,പക്ഷെ തന്റെ 'പച്ച'കാരെ അതിന്റെ തലപത്ത്  തിരുകി അവരെ പച്ച പിടിപ്പിക്കാനാണ് ശ്രമിച്ചത്‌ ,യുനിവേര്‍സിറ്റി  ഭൂമിവരെ കുടുംബത്തില്‍ എത്തിച്ചു അവരെ പച്ചപിടിപ്പിക്കുവാന്‍ ശ്രമിച്ചു .പിന്നെ കുറെ പച്ചകാരുടെ ട്രസ്റ്റ്‌ നന്നാക്കുവാന്‍ അവര്‍ക്ക് അംഗീകാരം ,പത്തു എണ്ണം കൊടുത്താല്‍ ഒന്‍പതും പച്ചകാര്‍ക്ക് ..വിദ്യാഭാസം പിന്നില്‍ നില്‍ക്കുന്നു എന്ന് പറയുന്ന കാസര്‍ഗോഡ് രണ്ടു കോളേജ് അനുവദിച്ചു എങ്കിലും ഒന്നും കിട്ടില്ല പച്ചകാര്‍ക്ക് എന്ന് തോന്നിയതിനാല്‍ അത് കൈവിട്ട മാതിരിയായി .ഇപ്പോള്‍ കുറെ പച്ചകാര്‍ക്ക്  എയ്ഡഡു എന്നാ പേരില്‍ സ്കൂള്‍ മാറ്റുവാന്‍ പോകുന്നു ,അതും വിവാദമായപ്പോള്‍ അതിന്റെ മന്ത്രിക്ക് ഒന്നും അറിയില്ല ,അവസാനം കഴിഞ്ഞദിവസത്തെ "പച്ച ബ്ലൌസ് "പ്രശ്നത്തിലും വകുപ്പ് മന്ത്രിക്ക് വിവരം ഇല്ല ,അയാളെ വിവാദത്തില്‍ ആക്കുവാന്‍ പലരും ചെയ്യുന്നതാണ് പോലും ..
   വകുപ്പ് മന്ത്രിക്ക് വിവരം ഇല്ല എന്നത് അയാളുടെ പ്രവര്‍ത്തി കൊണ്ട് കേരളത്തിന്‌ അറിയാം ,ഇങ്ങിനെ ഒരുത്തന്‍ എന്തിനു നമുക്ക് വേണം ,പച്ചകാര്‍ക്ക് വിദ്യാഭാസം കൊടുക്കരുതെന്ന് പലരും പറഞ്ഞുകൊടുത്തു ഉപദേശിച്ചു എങ്കിലും ഭരണം നടത്തുവാന്‍ പച്ചകാല്‍ പിടിക്കണം എന്നത് കൊണ്ടും അതില്‍ നിന്നെ കുടുംബം പച്ച പിടിക്കൂ എന്ന് പച്ചക്കാര്‍ക്ക് ഉറപ്പയതിനാലും അത് തന്നെ അവര്‍ ചോദിച്ചു വാങ്ങി ,ഗതികേടില്‍ ആയതു നമ്മളുടെ വിദ്യാഭാസവും .

 ഇപ്പോള്‍ കാന്‍സര്‍ പോലെ പച്ച എല്ലായിടവും പടര്‍ന്നു വ്യാപിക്കുകയാണ് .ഓരോരോ അവസരത്തില്‍ ഓരോരോ കാരണങ്ങള്‍ കാണിച്ചു ഈ മന്ത്രിസഭയില്‍ നിന്ന് പച്ചപിടിക്കാന്‍ പറ്റിയതൊക്കെ അടിച്ചു മാറ്റുകയാണ് പച്ച പാര്‍ട്ടി ,ഈ അഞ്ചു കൊല്ലം മാത്രമേ പച്ചപിടിക്കാന്‍ കഴിയൂ എന്ന് അവര്‍ക്ക് അറിയാം ,അടുത്ത അഞ്ചു കൊല്ലം വെറുതെ ഇരിക്കുമ്പോള്‍ തിന്നേണ്ടത് കൂടി ഇപ്പോള്‍ ഉണ്ടാക്കണം ,അതിന്റെ നെട്ടോട്ടമാണ് .

പച്ച പിടിച്ച നാട് കാണുന്നത് തന്നെ ഐശ്വര്യമാണ് ,പച്ചകാരുടെ കൊടിയല്ല പറയുന്നത് ,നന്മയുടെയും ഐശ്വര്യത്തിന്റെയും പ്രതീകം ആണ് പച്ച ,അത് കൊണ്ടാണ് പച്ചപിടിച്ചു എന്ന് പറയുമ്പോള്‍ രക്ഷപെട്ടു എന്ന് മനസ്സില്‍ ആക്കുന്നത് ,കുടിയന്മാരുടെ "പച്ച "യുമായി ഈ പച്ചയെ കൂട്ടിവായിക്കരുത് ..രാഷ്ടീയമേലാളന്മാര്‍ പച്ചയെ എടുത്തു വഷളാക്കി ,അത് കൊണ്ട് തന്നെ കേരളത്തിന്‌ ഇപ്പോള്‍ പച്ച കാണുമ്പോള്‍ വെറുപ്പാണ് ,ഞാന്‍ പറഞ്ഞത് ഭൂരിപക്ഷത്തിന്റെ അഭിപ്രായം ആണ് ,കാരണം കേരളത്തില്‍ പച്ച ന്യുനപക്ഷം ആണല്ലോ ,അതിന്റെ മറവില്‍ ആണല്ലോ സമുദായത്തെ പച്ചപിടിപ്പിക്കാന്‍ പാര്‍ട്ടി  ഉണ്ടാക്കിയത് .വിവരം ഉള്ള മുസ്ലിം സഹോദരങ്ങള്‍ ഒക്കെ വേറെ പാര്‍ട്ടികളില്‍ ആണ് അത് കൊണ്ട് തന്നെ വിവരം ഉള്ളവരെ കാഫര്‍ ആയി പച്ച പാര്‍ട്ടി കാണുന്നു
  അഞ്ചു കൊല്ലം കഴിഞ്ഞാല്‍ അക്രമരാഷ്ട്രീയത്തിന്റെ  സഖാക്കളെ തന്നെ കേരളം തിരിച്ചു കൊണ്ടുവരും ,കാരണം തമ്മില്‍ അടിക്കുന്ന ബി .ജെ..പി യെയോ മറ്റുള്ളവരേയോ ഇന്നും വിശ്വസിക്കുന്നില്ല ,അപ്പോള്‍ പച്ചയായതൊക്കെ ചുവക്കും ,അതുവരെയെങ്കിലും  കേരളം പച്ചപിടിച്ചു കിടക്കും ,അല്ലെങ്ങില്‍ അവര്‍ക്ക് "പച്ച"പരവതാനി വിരിച്ചുകൊടുകേണ്ട ഗതികേടില്‍ കോണ്‍ഗ്രസ്‌ കിടപ്പിക്കും .

വാല്‍കഷ്ണം:: കേരളത്തിലേക്ക് വരുമ്പോള്‍ പച്ച ചുരീദാര്‍ ധരിച്ച ഭാര്യക്ക് മാച്ച് ആവാന്‍ പച്ച ഷര്‍ട്ട്‌ ധരിച്ച എന്നെ നാട്ടു കാര്‍ കളിയാക്കി " വെളിയില്‍  ആണെങ്കിലും കേരളത്തെ കുറിച്ച് നല്ലവണ്ണം മനസ്സിലാക്കിയാണ് കുടുംബത്തിന്റെ വരവ് "




2 comments:

  1. ചില പച്ചയായ സത്യങ്ങള്

    ReplyDelete
  2. എങ്കിലും പരമമായ ഒരു അസത്യം താങ്കള്‍ പറഞ്ഞു: തമ്മില്‍ തല്ലുന്നതാണ് ബി.ജെ.പി.യുടെ ഏക പോരായ്മ! അല്ലെങ്കില്‍ നമുക്ക് അവരെ വിജയിപ്പിക്കാമായിരുന്നു. മറ്റു പാര്‍ട്ടികളില്‍ ഒന്നും തമ്മില്‍ തല്ലില്ലല്ലോ!!

    ReplyDelete