ചട്ടമ്പി

 

ശ്രീനാഥ് ഭാസി മികച്ച നടൻ ആണെന്ന് തോന്നിയിട്ടില്ല. എന്നാലും അദ്ദേഹം കിട്ടുന്ന റോളുകൾ കുളമാക്കാതെ നോക്കാറുണ്ട്. എങ്കിലും ഇതിലും മികച്ച അഭിനയ പ്രതിഭകൾക്ക് കിട്ടുന്നതിൽ കൂടുതൽ അവസരം അയാൾക്ക് മലയാള സിനിമ കൊടുക്കുന്നുണ്ട്.അതിൻ്റെ പിന്നിലെ കാരണം എന്തെങ്കിലും ആകട്ടെ അതുകൊണ്ട് തന്നെ അഹങ്കാരം അൽപം കൂടുതൽ ഉണ്ടു എന്ന് അദ്ദേഹത്തിൻ്റെ ഇൻ്റർ വ്യൂ കണ്ടാൽ  ശരീരഭാഷ കണ്ടാൽ മനസ്സിലാകും.

തനിക്ക് പിന്നിൽ ആരൊക്കെ ഉണ്ടു എന്ന തോന്നൽ തന്നെയാണ് അദ്ദേഹത്തെ ഇൻ്റർവ്യൂ എടുക്കുന്ന കൊച്ചിനോട് തെറി പറയാനും അധിക്ഷേപിക്കാൻ ഒക്കെ പ്രേരിപ്പിച്ചു കാണുക..ഇന്നലെ ഒരു സൂപ്പർ സ്റ്റാർ പോലും അദ്ദേഹത്തെ  സപ്പോർട്ട് ചെയ്തപ്പോൾ മനസ്സിലാക്കാം അദ്ദേഹം വലിയ പുള്ളി ആയിരുന്നു എന്ന്.കാരണം ഇതിന് മുൻപ് പലരെയും വിലക്കിയിട്ടും വായ തുറക്കൻ മടിച്ചവർ ഈ "ചട്ടമ്പി" ക്കു വേണ്ടി വക്കാലത്ത് പറയുന്നത് എന്തെങ്കിലും കാരണം ഇല്ലാതെ ആവില്ലല്ലോ.

വാൾ എടുത്തവൻ വാളാൽ തന്നെ ഒടുങ്ങുന്ന പ്രതികാരത്തിൻ്റെ കഥയാണ് ചട്ടമ്പി പറയുന്നതും.തൻ്റെ നിഴലിൽ നിന്നുവളർന്നവൻ തന്നെക്കാൾ വലിയ വൃക്ഷം ആകുമ്പോൾ ഉണ്ടാകുന്ന വൻ വൃക്ഷത്തിൻ്റെ അസ്വസ്ഥത തന്നെയാണ് ചിത്രത്തിൻ്റെ കഥാതന്തു.

തൻ്റെ എല്ലാ പ്രവർത്തികൾക്ക് ഒന്നിച്ചു നിന്നവൻ വഴിമാറുന്നു എന്ന തോന്നൽ ഉണ്ടാകുമ്പോൾ അയാളോട് ഉരസിയത് കൊണ്ട് തൻ്റെ ജീവിതത്തിന് തന്നെ ഭീഷണി  ആകുമ്പോൾ അയാളെ "ഇല്ലായ്മ" ചെയ്യുവാൻ ആരും ആഗ്രഹിക്കും.പക്ഷേ അത് മറ്റൊരു വിധത്തിൽ  പോകൂമ്പോൾ   ഉണ്ടാകുന്ന സംഭവവികാസങ്ങൾ ആണ് ചിത്രത്തിൽ ആകർഷണീയത ഉണ്ടാക്കുന്നത്.

പ്ര .മോ. ദി. സം