വിജയ്,അജിത്ത്,രജനി ഒക്കെ മാസ്സ് കാണിച്ചു കേരളത്തിൽ നിന്നും കോടികൾ കൊണ്ട് പോകുമ്പോൾ അതുപോലെ ഒന്ന് ഇവിടെയും ഉണ്ടാക്കണം എന്ന് മലയാളീസ് സംവിധായകർ ,നടന്മാർ ,ടെക്നീഷ്യൻസു് ഒക്കെ ആഗ്രഹിക്കും.ചിലരൊക്കെ മുൻപ് പരീക്ഷിച്ചു എങ്കിലും പ്രേക്ഷകർ മലയാളം നടന്മാർ ഈ ഗണത്തിൽ പെടുന്നതൂ അംഗീകരിച്ചില്ല. നമ്മുടെ ഇടി പടങ്ങളിൽ പോലും അവർക്ക് ലോജിക് നോക്കുന്ന പരിപാടി ഉണ്ടായിരുന്നു..
വർഷങ്ങളായി ഇത് പോലെ പലരും മലയാളത്തിൽ ഉണ്ടാകണം എന്നു മനസ്സിൽ കൊണ്ട് നടന്ന ആഗ്രഹ സഫലീകരണം മാത്രമാണ് ഈ സിനിമ.മുൻപ് അജയ് വാസുദേവ് എന്ന സംവിധായകൻ മമ്മൂക്കയെ വെച്ച് ഇത്തരം സിനിമകൾ ശ്രമിച്ചു കൈ ചെറുതായി പൊള്ളി എങ്കിലും ഇതൊക്കെ ഇവിടെ നടക്കും എന്നു വൈശാഖ് അടക്കം ചിലർ മുന്നേ സൂചന തന്നതാണ്.
മുൻപ് മലയാളം നടന്മാർ ഇങ്ങിനെയുള്ള സിനിമ ചെയ്താൽ സ്വീകരിക്കാൻ മലയാളീസ് തൽപര്യപെടില്ല.അതറിഞ്ഞു കൊണ്ട് പലരും ഇത്തരം ചിത്രങ്ങൾ കുടുംബ കഥയുമായി കൂട്ടി കുഴച്ച് ഉണ്ടാക്കി സ്ത്രീ പ്രേക്ഷകരെ കൂടി ആകർഷിച്ചു....ചിലതൊക്കെ കുടുംബ പ്രേക്ഷകരെ ആകർഷിക്കാനുള്ള പരുവത്തിൽ കൂടി ഉണ്ടാക്കിയത് ആയിരുന്നു.
എന്നാലും മലയാളം ആയതുകൊണ്ട് ലോജിക്കും കഥയും ഒക്കെ പറഞ്ഞു അവർ പലപ്പോഴും ഇത്തരം ചിത്രത്തെ തള്ളി മാറ്റും.എന്നാലോ തമിഴു തെലുഗു ലോജിക് ഇല്ലാത്ത സിനിമകൾ സൂപ്പർ ഹിറ്റ് അടിപ്പിക്കും. മലയാളത്തിൽ മാത്രം ഒരു പ്രത്യേകതരം ഭ്രഷ്ട്.
അഞ്ചു മാസത്തിനുള്ളിൽ ആയിരം കോടി എന്ന റിക്കാർഡ് കളക്ഷനും കൊണ്ട് ഭാരതത്തിൽ മലയാള സിനിമ മുന്നേറുമ്പോൾ ഈ സിനിമക്ക് ഇന്ത്യയിൽ മുഴുവൻ നല്ല കളക്ഷനും കിട്ടിയേക്കും. അത് കൊണ്ട് കൂടിയാണ് നല്ല ചിലവിൽ ഈ ചിത്രം ഒരുക്കിയത്. കാരണം ഇന്ന് പ്രേക്ഷകർ മാറി..ലോജിക് ഒന്നും അവനു ഇപ്പൊൾ ആവശ്യമില്ല...അവനു തിയേറ്ററിൽ പോയി രസിക്കണം. അർമധിക്കണം...
മമ്മൂട്ടിയുടെ ഈ എഴുപത് കഴിഞ്ഞ വയസ്സിൽ പ്രതീക്ഷിക്കാത്ത മാസും രാജ് ബി ഷെട്ടിയുടെ വില്ലൻ ക്ലാസ്സും കൊണ്ട് നിബിഡമായ സിനിമയിൽ അഭിനയം കൊണ്ട് തകർത്തത് ബിന്ദു പണിക്കർ ആണ്.കൂടെ സിനിമക്ക് ഇണങ്ങിയ മ്യൂസിക്ക് കൂടി ആകുമ്പോൾ മരണ മാസ്സ്.
സേതുപതിയെ ശബ്ദം കൊണ്ട് രണ്ടാം ഭാഗം ഉണ്ടാകും എന്നു കൂടി സിനിമയുടെ അവസാന ഭാഗത്തിൽ പറയിപ്പിക്കുന്നുണ്ട്. ഈ സിനിമയുടെ വിജയം പോലെ ആയിരിക്കും അനന്തര നടപടികൾ.
പ്ര.മോ.ദി.സം
No comments:
Post a Comment