ക്യാൻസർ പിടിപെട്ടു മരണം സുനിശ്ചിതമായ രണ്ടു ടീനേജ് പിള്ളേർ ഇനിയുള്ള കാലങ്ങൾ സന്തോഷത്തോടെ ജീവിക്കുവാൻ വേണ്ടി നാടും വീടും വിട്ട് ആരും കാണാത്ത ഇടത്ത് പോയി ജീവിതം തുടങ്ങുന്നു.ഇടക്കിടക്ക് അവർ ലോക്കേഷൻ മാറ്റുന്നത് കൊണ്ട് കുറച്ചു സ്ഥലങ്ങൾ കാണാൻ പറ്റും.
അവരുടെ ഇണക്കങ്ങളും പിണക്കങ്ങളും അവർ ആ യാത്രയിൽ കണ്ടുമുട്ടുന്ന ആൾക്കാരും സ്ഥലങ്ങളും ഒക്കെ ചേർന്ന് നയന മനോഹരമായ പ്രകൃതി ഭംഗി ഉള്ള ഒരു മ്യൂസിക്കൽ സ്റ്റോറിയാണ് ഇപ്രാവശ്യം ജയരാജ് എന്ന സംവിധായകൻ പറയുന്നത്.
നടന്ന സംഭവത്തിൽ നിന്നും ഇൻസ്പയർ ആയ സിനിമ എന്ന് തുടക്കം എഴുതി കാണിക്കുന്നുണ്ട്..സംഭവത്തിൽ നിന്നും മാത്രമല്ല വർഷങ്ങൾക്കു മുൻപ് മണിരത്നം ഒരുക്കിയ ഗീതാഞ്ജലി എന്ന സിനിമയും ഇതേ കഥ തന്നെയാണ്..അപ്പൊ ആ സിനിമയിൽ നിന്നും കൂടി ഉത്തേജനം കിട്ടി എന്ന് എഴുതി കാണിച്ചാൽ നന്നായിരുന്നു.
വാഗമൺ,ഗവി എന്നീ നയന മനോഹരമായ സ്ഥലങ്ങൾ ഒപ്പിയെടുത്ത ക്യാമറാമാനും ഇഴഞ്ഞു നീങ്ങുന്ന സിനിമയെ കാണാൻ പ്രേരിപ്പിക്കുന്ന സംഗീതവും ഉള്ളത് കൊണ്ട് അഭിനയിക്കാൻ പാടുപെടുന്ന കാളിദാസ് ജയറാമിനെയും പുതുമുഖം കാർത്തികയെയും തൽകാലം വിസ്മരിക്കാൻ പറ്റും.
പ്ര .മോ .ദി .സം
No comments:
Post a Comment