ബെൽ ബോട്ടം

 

നമ്മുടെ ചില മന്ത്രിമാരും വലിയ ഓഫീസർമാരും ഒക്കെ "ഈഗോ" കൊണ്ട്  തൻ്റെ നിലനിൽപ്പിൻ്റെ പ്രശ്നം ആയത് കൊണ്ട് പോലും ആവാം  മിടുക്കന്മാർ നിറഞ്ഞ നമ്മുടെ  അന്വേഷണ ഏജൻസി കളുടെ പല "ഓപ്പറേഷൻ"സും മുടക്കി കളയും.. 

ഡിപ്ലോമറ്റിക് വഴിയിൽ കൂടി മാത്രമേ പലതും സാധ്യമാകുകയുള്ളൂ എന്ന ഫിലോസഫി ഡ്യൂട്ടിയിൽ ഉള്ള കാലത്തോളം പിന്തുടർന്ന് നമ്മുടെ കയ്യിലുള്ള പല സംവിധാനങ്ങളും ഉപയോഗിക്കാതെ " വിലപേശലും " മറ്റു കൊണ്ട് കാര്യം മാത്രം സാധിക്കുന്നവാൻ അറിയുന്നവർ.

എൺപതുകളിൽ നടന്ന ഒരു ഏറോപ്ലയിൻ ഹൈ ജാക്ക് കഥ പറയുകയാണ് ബെൽ ബോട്ടം എന്ന ചിത്രത്തിലൂടെ രഞ്ജിത്ത് തിവാരി.

ഇരുന്നൂറിൽ പരം യാത്രക്കാരെ കൊണ്ട്  ഹൈ ജാക് ചെയ്ത വിമാനം ദുബൈ എയർപോർട്ടിൽ ലാൻഡ് ചെയ്യുന്നു.അന്നത്തെ പ്രധാനമന്ത്രി ഇന്ദിരാഗാന്ധി പാകിസ്താൻ പ്രധാനമന്ത്രി സിയ ഹക്ക് ൻ്റെ  വിലപേശൽ നിർദേശം തള്ളി  ഇന്ത്യയുടെ  "റോ" ഏജൻസിയിലെ  ബെൽ ബോട്ടം എന്ന കോഡ് ഉള്ള ഉദ്യോഗസ്ഥൻ നയിക്കുന്ന പുലീകുട്ടികളിൽ വിശ്വാസം അർപ്പിക്കുന്നു.

ആ വിശ്വാസം തകർക്കുവാൻ ഇലക്ഷൻ ആണ് വരുന്നത് നമ്മൾ ശ്രദ്ധിച്ചു കൈകാര്യം ചെയ്യണം എന്ന് ഡിപ്ളോമറ്റുകൾ ഉപദേശിക്കുപോൾ  ഉരുക്ക് വനിത പറയുന്നുണ്ട്.." ഒരു ഇലക്ഷന് വേണ്ടിയല്ല നമ്മൾ ചിന്തിക്കേണ്ടത് നൂറു കൊല്ലങ്ങൾക്ക് വേണ്ടിയാണ്" എന്ന്..

പാകിസ്ഥാൻ്റെ സഹായത്തോടെ വിമാനങ്ങൾ കടത്തി കുറെ പണം ഇൻഡിയിൽ നിന്നും അടിചെടുക്ക ൽ പതിവായത് തന്നെയാണ് ഇന്ദിരയെ അത്തരത്തിൽ ചിന്തിപ്പിക്കാൻ പ്രേരിപ്പിച്ചതും.

 അക്ഷയ്കുമാർ എന്ത് കൊണ്ട് മുപ്പതു കൊല്ലം കഴിഞ്ഞിട്ടും കൂടുതൽ ശമ്പളം വാങ്ങുന്ന ബോളിവുഡ് സൂപ്പർ താരമായി ഇന്നും നിലനിൽക്കുന്നു എന്നതിന് തെളിവായി അദ്ദേഹത്തിൻ്റെ ചിത്രങ്ങൾ പരിശോധിച്ചാൽ മാത്രം മതി. ആ കഠിനാധ്വാനം ഈ ചിത്രത്തിലും തുടരുന്നു.

ടൈറ്റിൽ കാർഡിൽ ലാറ ദത്ത എന്ന് കാണിക്കുന്നുണ്ട് എങ്കിലും സിനിമ കഴിയുന്നത് വരെ അവരെ  കണ്ടുപിടിക്കാൻ കഴിഞ്ഞില്ല...പിന്നെയും സംശയം കൊണ്ട് തുടക്കം മുതൽ നോക്കിയപ്പോൾ ആണ് ആളെ മനസ്സിലായത്.അത്രക്ക് മേക്കോവറിലാണ് താരം പ്രത്യക്ഷപെട്ടു കളഞ്ഞത്..

പ്ര .മോ. ദി. സം