ഇങ്ങിനെ ഒരു വാക്ക് മലയാളത്തിൽ കേട്ടിട്ടില്ല എന്ന സംശയത്തിൽ പലരോടും ചോദിച്ചു എങ്കിലും വീക്കം ആണോ എന്നാണ് തിരിച്ചു ചോദിച്ചത്..അവസാനം ഗൂഗിൽ മാമനെ തപ്പിയപ്പോൾ ടൈറ്റിൽ എഴുത്തിൽ തന്നെ കാണിച്ചിട്ടുണ്ട് ബലാലെ എന്ന ഓർമിപ്പിച്ചത്.അതോടെ കാര്യം മനസ്സിലാക്കി.
ഇൻ്റർവ്യൂകൊണ്ട് പ്രേക്ഷകരെ ഉണ്ടാക്കിയത് കൊണ്ട് മാത്രം വീണ്ടും അഭിനയിക്കാൻ കൂടുതൽ അവസരം ലഭിക്കുന്ന ധ്യാൻ ശ്രീനിവാസൻ, ടിവി താരമായ ഡയിൻ,ഡയാന,ദിനേശ് പ്രഭാകർ,ശീലൂ എബ്രഹാം,ജഗദീഷ് എന്നിവർ കേന്ദ്രകഥാപാത്രമായ ചിത്രം ഒരു സൈക്കോ കൊലയാളിയുടെ കഥ പറയുന്നു.
ഇരട്ട കൊലപാതകം പോസ്റ്റ്മോർട്ടം ചെയ്യേണ്ടി വരുന്ന ഫോരൻസിക് വിദ്യാർഥികളുടെ ചെറിയ അശ്രദ്ധ കേസിനെ വഴി തെറ്റിക്കുന്ന അവസ്ഥയിൽ എത്തുന്നു .അവരെ തേടി പോലീസും കൊലയാളിയും സഞ്ചരിക്കുമ്പോൾ കൊലയാളിയെ തേടി അവരും പുറപ്പെടുന്നു.
ദിനേശ് പ്രഭാകർ എന്ന നടൻ ആണ് ത്രൂ ഔട്ട് സിനിമ മുന്നോട്ട് കൊണ്ട് പോകുന്നത്...തന്നെ സ്നേഹിക്കുന്ന ഒരാളുടെ "സ്നേഹം" മറ്റുള്ളവരും പങ്കുവെക്കുന്നു എന്നറിയുമ്പോൾ തകർന്നു പോകുന്ന നിർമല ഹൃദയം ഉള്ള ഒരാൾക്ക് ആ സ്നേഹം പങ്കുവെക്ക പെടാതിരിക്കാൻ ചെയ്യേണ്ടിവരുന്ന "പൊല്ലാപ്പുകൾ "ആണ് കഥ..ദിനേശ് ശരിക്കും നമ്മളെ ഞെട്ടിക്കുന്നു.
നിർമാതാവ് ആയത് കൊണ്ട് മാത്രം പ്രാധാന്യമുള്ള വേഷം ശീലു വീണ്ടും അഭിനയിച്ചു കുളമാക്കുന്ന കാഴ്ചയും നമ്മൾ കാണേണ്ടി വരുന്നു.ഇനിയെങ്കിലും പ്രാധാന്യമുള്ള കഥാപാത്രങ്ങൾ അർഹതപെട്ടവർക്ക് കൊടുക്കണം.
പ്ര .മോ. ദി. സം
No comments:
Post a Comment