ജാൻ.എ.മൻ

 

വലിയ ചിത്രങ്ങൾ അരങ്ങ് തകർക്കുന്ന സമയത്ത് വന്ന ഒരു കൊച്ചു ചിത്രം  വലിയതോതിൽ ജനശ്രദ്ധ നേടുകയും  ചില ചിത്രങ്ങൾക്ക് വേണ്ടി സൈഡ് ആക്കിയെങ്കിലും ജനങ്ങളുടെ ആവശ്യം കണ്ടു തിരിച്ചു വന്നു കളക്ഷനിൽ ബഹുദൂരം പോയി ഹിറ്റ് ആകുകയും ചെയ്യുന്നത് അപൂർവതയാണ്.അങ്ങിനെ ഒരു സൗഭാഗ്യം ലഭിച്ച ചിത്രമാണ് നവാഗതനായ ചിദംബരം ഒരുക്കിയ ജാൻ. എ.മൻ.

കാനഡയിൽ നഴ്സ് ആയി ജോലി ചെയ്യുന്ന ജോമോൻ "ഒറ്റപ്പെട്ട" ജീവിതത്തിൽ നിന്നും ഒന്ന് റിലീവ് ആകുവാൻ നാട്ടിലെത്തി തൻ്റെ മുപ്പതാം ജന്മദിന ആഘോഷം സുഹൃത്തുക്കളുമായി അടിച്ചു പൊളിച്ചു ആഘോഷിക്കുവാൻ സുഹൃത്തിൻ്റെ വീട്ടിൽ എത്തുന്നു .ഒരുക്കങ്ങൾ പുരോഗിക്കുമ്പോൾ തൊട്ടപ്പുറത്തെ വീട്ടിലെ വല്യപ്പൻ മരണമടയുന്നു .

സ്വതവേ സ്വാർത്ഥമായ ജോയ് അതൊന്നും വകവെക്കാതെ ആഘോഷ പരിപാടികൾ മുന്നോട്ട് കൊണ്ടു പോകുന്നു.മരണവും ആഘോഷവും ഒന്നിച്ചു പോകുമ്പോൾ ഉണ്ടാകുന്ന സംഭവ വികാസങ്ങൾ ആണ് സിനിമ പറയുന്നത്.

ബാലു വർഗീസ് വേറിട്ട ലുക്ക് കൊണ്ടും അഭിനയം കൊണ്ടും ശ്രദ്ധ നേടുന്നു . ബേസിൽ തമ്പി തൻ്റെ പതിവ് "ഷോ" കാട്ടി ഇവിടെയും തകർത്തിട്ടുണ്ട്.ഇടക്കിടക്ക് അഭിനയിക്കാൻ വരാതെ സിനിമയിൽ അഭിനയം കൊണ്ട് നിറഞ്ഞു നിൽക്കാൻ ഉള്ള കാലിബറോക്കെ ബാസിലിനുണ്ട് .

ലാൽ ,ഗണപതി, അർജുൻ അശോകൻ തുടങ്ങി  അറിയുന്നവരും  അറിയാത്തവരായി  അഭിനയിച്ച ആളുകൾ മുഴുവൻ തകർത്ത ഈ ചിത്രം ജനശ്രദ്ധ നേടിയില്ലെങ്കിൽ മാത്രമേ അൽഭുതം ഉള്ളൂ..

രണ്ടു മണിക്കൂർ നല്ലൊരു ആസ്വാദനം നൽകുന്ന സിനിമയിൽ അവസാനത്തെ കൂട്ട തല്ല് അല്പം കല്ലുകടിയായി അനുഭവപ്പെടും എങ്കിലും പിന്നീട് അങ്ങോട്ട് വീണ്ടും ട്രാക്കിലേക്ക് വരുന്നുണ്ട്.

പ്ര.മോ.ദി .സം