ക്യൂൻ എലിസബത്ത്

 

അതുവരെ ഫ്ളാറ്റിൽ താമസിക്കുന്നവർക്കും കൂടെ ജോലി ചെയ്യുന്നവർക്കും "ഡെവിൾ" ആയിരുന്ന ഒരാള് പെട്ടെന്ന് ഒരു ദിവസം എല്ലാവരുടെയും പ്രിയപ്പെട്ടവൾ ആകുന്നു..ജീവിച്ചു തീർക്കാൻ ഇനിയും അധികം ദിവസങ്ങൾ ഇല്ല എന്നു ബോധ്യം വന്നാൽ പലരും അങ്ങിനെ ആയിരിക്കും..ആവോ?

ഓഫീസിലും വീട്ടിലും കണിശ ക്കാരി ആയ എലിസബത്ത് തനിക്ക് തോന്നുന്ന പോലെ ഉള്ള ജീവിതം ആയിരുന്നു..എല്ലാറ്റിനും എന്തിനും ദേഷ്യപ്പെട്ടു എല്ലാവരെയും അടക്കി ഭരിച്ചു അവള് രാജ്ഞി യായീ ജീവിച്ചു. ചെറുപ്പത്തിൽ വീട്ടിൽ നിന്നുള്ള അവഗണന അവളെ ഒറ്റയ്ക്ക് ജീവിക്കാനും തീരുമാനമെടുക്കാൻ ഒക്കെ പ്രേരിപ്പിച്ചു.

ഒരു ബിസിനെസ്സ് ട്രിപ്പ്ൽ വന്ന വയറു വേദനയുടെ റിസൾട്ട് അവൾക്ക് മാറാരോഗം ആണെന്ന് കാട്ടുന്നു..അത് മുതൽ അവള് മാറുകയാണ്.താൻ അവഗണിച്ചവരെ ഒക്കെ കൂടെ കൂട്ടുന്നു..ചുരുങ്ങിയ സമയത്തിനുള്ളിൽ ജീവിച്ചു തീർക്കാൻ ഉള്ളത് കൊണ്ട് അടിച്ചു പൊളിച്ചു ജീവിക്കുന്നു.

"പെണ്കുട്ടികളെ വീട്ടുകാർ അടക്കി നിർത്തി വളർത്തുന്നത് ,അവർക്ക് ഒറ്റക്ക് പലതും തീരുമാനിക്കാൻ അവസരം കൊടുക്കാത്തത്  അവരോട് വീട്ടുകാർക്ക് സ്നേഹം ഇല്ലാത്തത് കൊണ്ടല്ല അവരോട് സ്നേഹ കൂടുതൽ ഉള്ളത് കൊണ്ടാണ്" എന്ന ഒരു ഡയലോഗ് ഉണ്ട് ഈ സിനിമയിൽ..അതിൽ നിന്നും ഇന്ന് ഒരു പെൺകുട്ടിയുടെ രക്ഷിതാവിൻ്റെ ആകുലതകൾ മനസ്സിലാക്കാം.

വർഷങ്ങൾക്ക് ശേഷം മലയാളത്തിൽ തിരിച്ചു എത്തിയ മീര ജാസ്മിൻ,നരേൻ കെമിസ്ട്രി നല്ലപോലെ വർക്ക് ആയിട്ടുണ്ട്..ഒരു ചെറിയ ചിത്രം അതിൻ്റെ എല്ലാ ഗുണങ്ങളും കലർത്തി കൊണ്ട് പത്മകുമാർ നല്ലപോലെ ചെയ്തിട്ടുണ്ട്..പത്മകുമാർ സിനിമകൾ ആയതു കൊണ്ട് നല്ല പാട്ടുകൾ ഉണ്ടാകും എന്ന് പ്രത്യേകിച്ച് പറയേണ്ടല്ലോ..

പ്ര.മോ.ദി.സം 

ടോബി

 

ഒരു സ്ഥലത്ത് ഒരു "പാവം" കുറുക്കൻ രാജാവ് ഉണ്ടായിരുന്നു..മറ്റുള്ളവരുടെ കാര്യങ്ങളിൽ ഇടപെട്ട് അല്ലറ ചില്ലറ ഉപദ്രവങ്ങൾ ഉണ്ടായിരുന്നു എന്നതൊഴിച്ചാൽ  പ്രജകൾക്ക് വല്യ ബുദ്ധിമുട്ടുകൾ സൃഷ്ട്ടിച്ചിരുന്നില്ല. പക്ഷേ ചിലർ ഈ കുറക്കൻ്റെ   പ്രവർത്തികൾ കൊണ്ട് വല്ലാതെ അസ്വസ്ഥർ ആയി..കുറുക്കനെ എങ്ങിനെ എങ്കിലും കൊല്ലുവാൻ തീരുമാനിച്ചു. നിശ്ചയിച്ച പ്രകാരം കുറുക്കനെ വകവരുത്തിയ ശേഷം അവർ ആ സ്ഥലത്തെ രാജാവായി..അധികാരം കയ്യിൽ കിട്ടിയപ്പോൾ അവർ അധികാരം ഉപയോഗിച്ച് കളിക്കുവാൻ തുടങ്ങി. ആ നാടിനെ തന്നെ കയ്ക്കുള്ളിൽ ആക്കി എല്ലാവരെയും ഉപദ്രവിച്ചു കൊണ്ട് വാണൂ..

ചെറിയ പ്രശ്നങ്ങൾ കണ്ടത് കൊണ്ട് നമ്മൾ അത് വലുതായി കണ്ട് വേറെ ആളെ നേതാവ് ആയി വാഴിക്കും.അവസാനം പൊറുതി മുട്ടി പഴയ ആൾ തന്നെ വന്നാലോ എന്ന് ആഗ്രഹിക്കും..ഇന്നത്തെ ഭരണത്തിൻ്റെ സ്ഥിതിയാണ് പറഞ്ഞു വന്നത്...വലിയ ഇത്തരം മിടുക്ക് കൊണ്ട് അധികാരത്തിൽ എത്തിയവർ പിന്നിട് മർക്കട മുഷ്ടി കൊണ്ട് ജനത്തെ നിയന്ത്രിക്കുന്നതും അവരെ കഷ്ടപ്പെടുത്തിയ ഇന്നിൻ്റെ അവസ്ഥ.

ടോബി വളർന്ന സാഹചര്യം കൊണ്ട് അവൻ എന്തും ചെയ്യുവാൻ പേടിയോ മടിയോ ഇല്ലാത്ത ആൾ ആയി..ഉപേക്ഷിക്കപ്പെട്ട കുഞ്ഞിനെ വളർത്തി വലുതാക്കി അവൻ മകളായി പരിപാലിച്ചു. അതോടെ അവൻ നല്ലൊരു അച്ഛനായി ജീവിച്ചു കൊണ്ടിരുന്നു.

നാട്ടിലെ ഉപദ്രവകാരികളായ "കുറുക്കനെ " കൊല്ലുവാൻ അവനും മകൾക്കും സ്വന്തം കൂര വാഗ്ദാനം ചെയ്തപ്പോൾ അതിലവൻ വീണു. അവൻ അവൻ്റെ ബുദ്ധിയും ശക്തിയും കൊണ്ട് കുറുക്കനെ കൊന്നു.

ജയിലിൽ പോയി കൂര ലഭിച്ചു എങ്കിലും പുതിയ ഭരണം അവനും മോൾക്കും അസ്വസ്ഥതകൾ സൃഷ്ടിച്ചു. അതിന് ചോദിക്കാൻ പോയ ടോബി  അധികാര മുഷ്ടി കൊണ്ട് പലതവണ ജയിലിൽ ആയി.അതൊക്കെ സഹിച്ചു എങ്കിലും തൻ്റെ മകൾ തന്നെ തള്ളി പുതിയ ജീവിതം തുട ങ്ങിയപ്പോൾ അയാള് തകർന്നു പോയി.

"അധികാരം" തൻ്റെ കുടുംബത്തിലേക്ക് കൂടി ഇടപെടൽ തുടങ്ങി എന്നറിഞ്ഞപ്പോൾ  ടോബി തൻ്റെ പഴയ സ്വഭാവത്തിലേക്ക് മടങ്ങിപ്പോകുന്ന അവസ്ഥയിൽ എത്തുന്നു. നാടിൻ്റെ രക്ഷ കയായ "മാരിയമ്മ,"യായി അവതാരമെടുക്കുന്ന ടോബി തൻ്റെ നാടിനെ രക്ഷിക്കുന്നു.

രാജ് ബി ഷെട്ടി മുഖ്യവേഷത്തിൽ എത്തുന്ന ചിത്രം മുൻ ഷെട്ടി ചിത്രങ്ങൾ പോലെ വലിയ ഹൈപ്പു കിട്ടിയില്ല എങ്കിലും കന്നഡ ചിത്രങ്ങളുടെ ഇപ്പോഴത്തെ പ്രാഗൽഭ്യം തെളിയിക്കുന്നുണ്ട്.

പ്ര.മോ.ദി.സം 

സമകാലികം -7

 

**രാമക്ഷേത്ര നിർമാണത്തിൻ്റെ ഓരോ ഘട്ടത്തിലും അനേകം വിമർശനങ്ങൾ ഉയർ

ത്തിയവർ പ്രതിഷ്ഠ ദിനത്തോട് അടുത്തെത്തിയപ്പോൾ  പറയുന്നു അത് രാജീവ്ജിയുടെ സ്വപ്നമായിരുന്നു എന്ന്...ബിജെപി ഇതിലൂടെ വോട്ടു പെട്ടികൾ നിറക്കും എന്ന വേവലാതിയിൽ നിന്നുണ്ടായതാണ് ഇതൊക്കെ..അല്ലാതെ ഹിന്ദുക്കളോട് ഉള്ള സ്നേഹം കൊണ്ട് ആയിരിക്കില്ല..ഈ ക്ഷേത്ര നിർമ്മാണം കൊണ്ട് ആർക്കാണ് ഗുണം എന്ന് അടുത്ത തിരഞ്ഞെടുപ്പ് കഴിയുമ്പോൾ അറിയാം."വർഗീയത"  വിജയിക്കുമോ എന്ന് കണ്ടറിയാം എന്ന്  വർഗീയം പാർട്ടി പേരിൽ പോലും കൊണ്ട് നടക്കുന്ന പാർട്ടി നേതാവ്.

ക്ഷേത്രം നിർമ്മിച്ചാൽ ആത്മഹത്യ ചെയ്യും എന്നുവരെ ഒരു കോൺഗ്രസ്സ് വക്കീൽ പ്രസ്താവന ഇറക്കി കണ്ടൂ..ഏതായാലും ജനുവരിയിൽ അദ്ദേഹത്തിൻ്റെ ആത്മഹത്യ പ്രതീക്ഷിക്കാം..

ക്ഷേത്രത്തിൻ്റെ "ഉൽഘാടന" ത്തിന് ക്ഷണിച്ചവർ ഒക്കെ ഇപ്പൊൾ ത്രിശങ്കു സ്വർഗത്തിൽ ആണ്..അതിൻ്റെ പേരിൽ പ്രസിഡൻ്റും എംപി യ്യും വാക്ക് പൊരു തുടങ്ങി..കോൺഗ്രസ്സ് പങ്കെടുത്താൽ അത് ലീഗിനെ വിഷമിപ്പിക്കും പങ്കെടുത്തില്ല എങ്കിൽ കേരളത്തിൽ ഒഴിച്ച് "വിവരമറിയും" എന്നൊരു പേടി പാർട്ടിക്ക് ഉണ്ട് താനും..യെച്ചൂരി ആണെങ്കിൽ പോകുന്നില്ല

എന്ന് തീർത്തു പറഞ്ഞു..സീതയും രാമനും പേരിലുള്ള നേതാവാണ് എന്ന് കൂടി ഓർക്കണം.

** ഇലക്ഷൻ ആയതു കൊണ്ടായിരിക്കാം കേന്ദ്ര സർക്കാറിന് ജനങ്ങളോട് സ്നേഹം തുടങ്ങിയിട്ടുണ്ട്..കൊപ്രയുടെ താങ്ങ് വില കൂട്ടി.. ലോഡ് കണക്കിന് അരിയും മറ്റു  സാധനങ്ങളും എത്തുന്നുണ്ട് എന്നാണ് അറിവ് അതും ഇരുപത്തി അഞ്ചു രൂപക്ക് അരി ജനങ്ങൾക്ക് കിട്ടുന്ന മാതിരി..എന്തായാലും

 " കെ അരി" എന്നൊരു ബോർഡ് വെക്കുന്നതു കൂടി ശ്രദ്ധിക്കണം.തൃശ്ശൂരിൽ മേയറും മന്ത്രിയും വന്നു ഉൽഘാടനം ചെയ്യാൻ ഒരുക്കിയ സപ്ലൈകോവിൽ  സാധനം ഇല്ലാത്തത് കൊണ്ട് മടങ്ങിപ്പോയി എന്നും കരകബി ഉണ്ടായിരുന്നു.

**കർണാടകയിൽ വലിയ കോളിളക്കം സൃഷ്ടിച്ച ഹിജാബു നിരോധനം സര്ക്കാര് എടുത്തു കളഞ്ഞു..തിരഞ്ഞെടുപ്പിൽ കോൺഗ്രസിന് വളരെ സഹായം ഈ ഹിജാബ് നൽകിയിരുന്നു.നമ്മുടെ വസ്ത്രവും ഭക്ഷണവും ജീവിതവും നമ്മുടെ അവകാശമാണെന്ന്  ഉറക്കെ വിളിച്ചു പറയുന്നവര് ഈ ഹിജാബ് ധരിക്കുന്നത് ആരെങ്കിലും നിർബന്ധിച്ചത് കൊണ്ടാണോ എന്നത് കൂടി തിരക്കാവുന്നതാണ്.

***ഇന്ത്യയിൽ ഏറ്റവും കൂടുതൽ ആളുകൾ ജോലി ചെയ്യുവാൻ ഇഷ്ട്ടപ്പെടുന്ന സ്ഥലം കേരളം ആണെന്ന് ഒരു സർവേ കണ്ടൂ..സത്യത്തിൽ കേരളത്തിലെ ആൾക്കാർക്ക് മാത്രമാണ് ഇവിടെ ജോലി ചെയ്യാൻ താൽപര്യം ഇല്ലാത്തത്..അവർ കേരളത്തിന് പുറത്തും ഇന്ത്യാ ക്ക് പുറത്തും പോയി കേരളം വികസിക്കാൻ വേണ്ടി അടിമ പണി ചെയ്യുന്നു.വികസിത കേരളത്തിൽ മറ്റുള്ളവർ വന്നു കൊയ്യുന്നു.

****നമുക്ക് പ്രധാന മന്ത്രി യായീ രാഹുലിനെ വേണ്ട എന്ന് ഇന്ത്യാ മുന്നണി പറയാതെ പറഞ്ഞ സ്ഥിതിക്ക് അവരുടെ പ്രീതി പറ്റാൻ വേണ്ടി ആയിരിക്കണം രാഹുൽ അടുത്ത യാത്ര തുടങ്ങാൻ പോകുകയാണ്.പതിനാല് സംസ്ഥാനങ്ങളും എൺപത്തി അഞ്ചു ജില്ലകളിൽ കൂടിയും "ന്യായ"മായി കടന്നു പോകുന്ന യാത്ര കഴിഞ്ഞാൽ എങ്കിലും ഭാവി പ്രധാനമന്ത്രിക്ക് രാഷ്ട്രീയത്തിൽ  ഭാവി ഉണ്ടാകുമോ..ആവോ?

*****പുതിയ മന്ത്രിമാർ എന്തായാലും ഈ ആഴ്ച തന്നെ ഉണ്ടാകും.. മുൻപ് കിട്ടിയ വകുപ്പിൽ  ഒക്കെ പ്രാഗൽഭ്യം തെളിയിച്ച ഗണേഷ് കുമാറിന് സിനിമ കൂടി കൊടുത്താൽ അന്തവും കുന്തവും ഇല്ലാതെ ആ വകുപ്പ് കൈകാര്യം ചെയ്യുന്ന ഇപ്പോളത്തെ മന്ത്രിക്ക് ഒരു ആശ്വാസം ആയേക്കും.

*****പലസ്തീനിലെ ജനങ്ങൾ ഇപ്പോഴും മരിച്ചു കൊണ്ടിരിക്കുന്നു എങ്കിൽ കൂടി മുൻപ് കാണിച്ച ആവേശം ഇപ്പൊൾ പലർക്കും അവിടുത്തെ ജനങ്ങളോട് ഇല്ല.. ലൈം ലൈറ്റ്റ്റിൽ വരാൻ രാഷ്ട്രീയക്കാർ നടത്തിയ പെടാപാട് എന്നല്ലാതെ എന്ത് പറയാൻ...?ഇവിടുത്തെ രാഷ്ട്രീയക്കാർക്ക് അവിടുത്തെ ജനങ്ങളോടുള്ള സ്നേഹം ആയിരുന്നില്ല അത് എന്ന് മുൻപേ  മനസ്സിലാക്കിയവർ ഇന്നും പലവിധത്തിൽ രണ്ടു രാജ്യത്തെയും അശരണരെ സഹായിക്കുന്നുണ്ട്..ഒരു രാഷ്ട്രീയ മേൽവിലാസവും കൂടാതെ..

പ്ര.മോ.ദി.സം