കേശു ഈ വീടിൻ്റെ നാഥൻ എന്ന ചിത്രത്തിൻ്റെ തുടക്കത്തിൽ ദിലീപി നോട് ജോണി ആൻ്റണി ചോദിക്കുന്നുണ്ട്
"സ്വന്തമായി സിനിമ നിർമിക്കുന്നത് കൊണ്ട് എന്ത് പോക്രിത്തരവും കാണിക്കാലോ.."
സൽമാൻ ഖാൻ നിർമിച്ച അന്തിം എന്ന ചിത്രത്തിൽ സൽമാൻ ഒതുങ്ങി നിന്ന് അളിയനെ പൂണ്ടു വിlളയാടുവാൻ വിട്ടിരിക്കുകയാണ്..ആയുഷ് ശർമ എന്ന അളിയൻ എന്നാല് കഥാപാത്രത്തിന് വേണ്ടുന്ന സംഭാവന നൽകിയിട്ടുണ്ട്.
ചെറുപ്പം മുതൽ ജന്മികളുടെ അവഗണനയും ആട്ടും തുപ്പും അനുഭവിച്ചു വളർന്ന രാഹുൽ സാഹചര്യങ്ങളുടെ സമ്മർദ്ദത്താൽ പൂനെയിൽ എത്തിപെടുകയും അവിടെ മാഫിയ സംഘത്തിൻ്റെ ഭാഗമാവുകയും ചെയ്യുന്നു.വെട്ടിയും കൊന്നും പിടിച്ച് പറിച്ചും മാഫിയ സംഘത്തിൻ്റെ നെടുംതൂൺ ആവുന്ന അവനെ ചെയ്തത് പ്രവർത്തികൾ തിരിഞ്ഞു കൊത്തുകയാണ് .
ഹിന്ദി സിനിമകളിൽ പറഞ്ഞു പറഞ്ഞു തഴമ്പിച്ച കഥ മഹേഷ് മഞരേക്കർ വീണ്ടും പറയുന്നത് സൽമാൻ പിന്നിൽ ഉണ്ടെന്ന ധൈ ര്യം കൊണ്ട് തന്നെയാണ്.എന്നാല് സൽമാൻ ചിത്രത്തിൽ സൽമാൻ്റെ പെർഫോർമൻസ് അധികം ഇല്ല.കാര്യമായി ഒരു സ്റ്റണ്ട് സീനിൽ മാത്രമേ കാര്യമായ സൽമാൻ വരുന്നുള്ളൂ...ബാക്കി ഒക്കെ അളിയൻ ചെയ്യട്ടെ എന്ന് കരുതി സർദാർ പോലീസ് ആയ സൽമാൻ ഒതുങ്ങി നിൽക്കുകയാണ്.
സൽമാൻ്റെ ആരാധകർക്ക് അല്പം വിഷമം ഉണ്ടാക്കും എങ്കിലും ഒരു ഡോൺ കഥ നല്ല രീതിയിൽ പറയുവാൻ നന്നേ അണിയറക്കാർ പരിശ്രമിച്ചു എന്ന് തന്നെ പറയാം
പ്ര .മോ. ദി .സം
No comments:
Post a Comment