വിശുദ്ധ രാത്രികൾ

 

അവാർഡ് ജേതാവ് ഡോക്റ്റർ എസ് സുനിൽ കഥയും തിരക്കഥയും സംഭാഷണവും സംവിധാനവും നിർവഹിച്ച പുതിയ ചിത്രമാണ് വിശുദ്ധ രാത്രികൾ.

സമൂഹത്തിൽ ഒരു സ്ഥാനവും പണവും ഉണ്ടെങ്കിൽ എന്ത് വലിയ പ്രശ്നത്തിൽ നിന്നും നമുക്ക് ഊരി പോരുവാൻ നമ്മുടെ നാട്ടിൽ പലതരം വഴികൾ തുറന്നു കിടക്കുന്നുണ്ട്.അതിൽ പലപ്പോഴും ബലിയാടുകൾ ആകേണ്ടീ വരുന്നത് പാവപെട്ട സാധാരണ ജനങ്ങളും.സമൂഹത്തിലെ ഉന്നതൻ എന്ത് തൊന്ന്യവാസം കാണിച്ചാലും അവന്റെ പേരോ നാടോ മാധ്യമങ്ങൾ ഒഴിവാക്കുന്ന പ്രവണത ഇൗ അടുത്ത കാലങ്ങളിൽ വളരെ കൂടുതലുമാണ്. എന്നാല് സാധാരണക്കാരനാണ് വല്ലതും ചെയ്തതെങ്കിൽ അവന്റെ അപ്പൻ അപ്പൂപ്പൻ മാരുടെ പേരും മേൽവിലാസവും വരെ വെണ്ടക്ക അക്ഷരത്തിൽ വരുകയും ചാനലുകാർ  അവനെ കഴിയും വിധം തേജോവധം ചെയ്യുകയും ചെയ്യും.

അതാണ് ഇന്ന് നമ്മുടെ നാടിന്റെ സ്ഥിതി.പണം വലിയൊരു മാനദണ്ഡം തന്നെയാണ്..അത് കൊണ്ട് പലതരം അധികാരങ്ങളും കയ്യിൽ വരും..നിയമങ്ങൾ വഴിമാറും..

അങ്ങനെയുള്ള അഞ്ച് കഥകൾ ആണ് വിശുദ്ധ രാത്രികളിൽ സംവിധായകൻ പറഞ്ഞു വെക്കുന്നത്.കാമവും ജാതിയും രാഷ്ട്രീയവും അധികാരവും  അടിച്ചമർത്തലും വഞ്ചനയും ഒക്കെ പറയുന്ന വ്യത്യസ്ത കഥകൾ .

വെള്ളിത്തി രയിലെ ചില പരിചിത മുഖങ്ങൾ ഉണ്ടെങ്കിലും മറ്റു പലരും നമുക്ക് അറിയാത്ത ആളുകൾ ആണെങ്കിൽ പോലും സന്ദർഭത്തിന് അനുസരിച്ച് അനായാസം അഭിനയം കാഴ്ച വെച്ചിരിക്കുന്നു.

നമ്മുടെ മുഖത്തിന് നേരെ പിടിച്ച കണ്ണാടി ആയത് കൊണ്ട് തന്നെ ചിത്രം കാണുമ്പോൾ അടുത്ത് നടന്ന പല സംഭവങ്ങളും നമ്മുടെ മനസ്സിലൂടെ കടന്നു പോകും..യാഥാർത്ഥ്യ സംഭവങ്ങളുടെ ഒരു പൊളിച്ചെഴുത്ത് കൂടിയാണ് ഇൗ ചിത്രം.

തിയേറ്റർ റിലീസിൽ വലിയ ഹോപ് പ്രതീക്ഷിക്കാത്ത ചിത്രം ആയത് കൊണ്ട് തന്നെ ഒ ടീ ടീ പ്ലാറ്റ്ഫോമിൽ കൂടുതൽ പേര് ഇൗ ചിത്രം കാണുന്നത് തന്നെ അണിയറക്കാർ വലിയ ആസ്വാശ ത്തോടെ സ്വീകരിക്കും.

പ്ര .മോ .ദി .സം

കോൾഡ് കേസ്‌

 

കോവിഡ് മഹാമാരി മൂലം രാജ്യം വിറങ്ങലിച്ചു നിന്നിട്ട് ഒരു വർഷം പിന്നിട്ടു.പല തൊഴിൽ മേഖലയും സ്തംഭിച്ചു നിന്നപ്പോൾ  നമ്മുടെ സിനിമ മേഖലയും അതിൽ പെട്ടുപോയി..

എന്നാലും അതിജീവനത്തിന് വേണ്ടി അവരും പറ്റാവുന്ന  ചട്ടകൂടുകൾക്കിടയിൽ നിന്നും സിനിമകൾ ഉണ്ടാക്കി തുടങ്ങി.  കോവിഡ് അല്പം  മാറി പുതു സിനിമകൾക്ക് വേണ്ടി തിയേറ്ററുകൾ തുറന്നു എങ്കിലും മഹാമാരിയുടെ രണ്ടാം വരവ് ചില ചിത്രങ്ങളെ  വീണ്ടും ഒ ടി ടീ പ്ലാറ്റ്ഫോം റിലീസിന് നിർബന്ധിത യായി.

ചില ചിത്രങ്ങൾ തിയേറ്ററിൽ പോയി തന്നെ കാണണം.ഇരുട്ട് മുറിയും ചെറിയ തണുപ്പും സൗണ്ട് സിസ്റ്റവും  പോപ് കോണും ഒക്കെ ആവശ്യപ്പെടുന്ന ചിത്രങ്ങളുണ്ട്..പക്ഷേ ഗതികേട് കൊണ്ട് ഒ ടീ ടീ യില് തന്നെ റിലീസിന് വിധിക്കപ്പെട്ടതു കൊണ്ട് മാത്രം നമ്മുടെ  ആസ്വാദനത്തെ ബാധിക്കുന്ന ചിത്രമാണ് തനു ബാലക് എന്ന പുതുമുഖ സംവിധായകൻ ഒരുക്കിയ കോൾഡ് കേസ്.

എങ്കിലും കോവിഡ് എന്ന മഹാമാരിയെ തിരക്കഥയില്  സമർത്ഥമായി  നവാഗതനായ ശ്രീനാഥ് വി നാഥ് ഉപയോഗപ്പെടുത്തിയത് ശ്രദ്ധേയം.പക്ഷേ മാസ്ക് ഉപയോഗിതർ പരിമിതമായി പോകുന്നത് സംവിധാനത്തിലെ പോരായ്മയാണ്.

യുക്തിയും വിശ്വാസവും പലപ്പോഴും ഏറ്റു മുട്ടാറുണ്ട്.യുക്തിയാണോ വിശ്വാസം ആണോ പലപ്പോഴും ജയിക്കുന്നത് എന്ന് തീർച്ചപ്പെടുത്തി വെക്കുന്നത് പ്രയാസം തന്നെയാണ്.രണ്ടു ഭാഗത്തും ന്യായവും അന്യായവും ഉണ്ടാകും.എന്നാലും ഓരോ ഭാഗത്തും പോയി നിന്ന് ശ്രദ്ധിച്ചാൽ രണ്ടു പേരുടെ ഭാഗത്തും അവർ പറയുന്ന യാഥാർത്ഥ്യത്തിൽ ചേർന്ന് നിൽക്കും.

ഒരു മീൻപിടിത്തകാരന് കായലിൽ നിന്നും കിട്ടുന്ന ഒരു തലയോട്ടി ആരുടേത് എന്നുള്ള അന്വേഷണം പോലിസ് നടത്തുമ്പോൾ സമാന്തരമായി ആത്മാവിലും പ്രേതത്തിലും വിശ്വാസം ഉള്ള ജേർണലിസ്റ്റ് കൂടി നടത്തുമ്പോൾ എന്തൊക്കെ സാമ്യതകൾ ഉണ്ടാകും,ആരാണ് മരിച്ച ആളെയും അതിനു പിന്നിൽ ഉള്ളവരെയും കണ്ടെത്തുക എന്നൊക്കെ പ്രേക്ഷകനിൽ സസ്പെൻസ് സൃഷ്ടിച്ചു കഥ മുന്നോട്ട് പോകുന്നു.

തുടക്കം അല്പസ്വല്പം ഇഴച്ചിലുകൾ കുറ്റാന്വേഷണ കഥയുടെ ഭാഗമാണെന്നും മറ്റും മുൻപ്  കണ്ട പല സിനിമകളിലും നമ്മൾ അനുഭവിച്ചു.അത് ഇവിടെയും തുടരുന്നുണ്ട്..എങ്കിലും നല്ല രീതിയിൽ സസ്പെൻസ് മുന്നോട്ടെക്കു രണ്ടാം പകുതി കൊണ്ടുപോകുന്നു.

പൃഥ്വിരാജ്,അതിഥി ബാലൻ, ആത്മീയ രാജൻ,അലൻസിയർ,അനിൽ നെടുമങ്ങാട്,ലക്ഷ്മിപ്രിയ,സുചിത്ര പിള്ള,രാജേഷ് ഹെബ്ബാർ,മാല പാർവതി തുടങ്ങി നല്ലൊരു താരനിര നല്ലവണ്ണം ചിത്രത്തെ മുന്നോട്ട് കൊണ്ടു പോകുന്നുണ്ട്. പ്രകാശ് അലക്‌സിന്റെ സംഗീതവും ചിത്രത്തോട് ചേർന്ന് പോകുന്നത് പുതിയൊരു അനുഭവം ഉണ്ടാക്കുന്നു.

ഇൗ കോവിഡ് കാലത്ത് നമ്മളെ പുളകം കൊള്ളിക്കാൻ ഇൻവെസറ്റിഗേറ്റീവ് ത്രില്ലറിന് കഴിഞ്ഞേക്കും...ആകെ ഒരു പോരായ്മയായി തോന്നുക തിയേറ്റർ അനുഭവം ഇല്ല എന്നത് തന്നെയായിരിക്കും.

ഇപ്പൊൾ ദാഹിച്ചാലും ഒറ്റയ്ക്ക് ആണേൽ തണുത്ത വെള്ളം കുടിക്കാൻ ഫ്രിഡ്ജ് തുറക്കില്ല. ഫ്രിഡ്ജ് കാണുമ്പോൾ എന്തോ ഒരു "ഭയം"....അത്  കൂടി ഇൗ സിനിമ സമ്മാനിച്ചു...ഇടക്ക്  ഇടക്ക് അത് കുലുങ്ങുന്നുണ്ടോ എന്നൊരു സംശയവും ഉണ്ട്‌..

പ്ര.മോ. ദി .സം

ഒരു പക്കാ കഥൈ

 

 അവിവാഹിതയായ ഒരു പെൺകുട്ടിയുടെ "പിരിയഡ്" നാലഞ്ചു ദിവസം തള്ളിപ്പോയി എങ്കിൽ കുട്ടിയെക്കാളും അമ്മയ്ക്കായിരിക്കും അതിൻറെ  വേവലാതി. പലപ്പോഴും അത് എന്ത് കൊണ്ട് എന്ന് കുട്ടിക്ക് അറിയാമായിരിക്കും   എന്നാല് തീ തിന്നുന്ന ആ അമ്മയ്ക്കോ?

 വൈകാതെ തന്നെ ആ കുട്ടി ഗർഭിണി ആണെന്ന് കൂടി അറിയുമ്പോൾ എന്തായിരിക്കും ആ കുടുംബത്തിന്റെ സ്ഥിതി.പക്ഷേ ആ കുട്ടി അങ്ങിനെ ഒരു വിധത്തിലും ഉള്ള "പ്രവർത്തനങ്ങളിൽ "ഏർപെട്ടിട്ട് കൂടി ഇല്ലെങ്കിൽ ഇത് എങ്ങിനെ സംഭവിക്കും..? ഇപ്പോഴും കന്യക എന്ന് മെഡിക്കൽ സയൻസ് കട്ടായം പറയുന്ന കുട്ടിക്ക് എങ്ങിനെ ഗർഭം ഉണ്ടായി.?

അങ്ങിനെ ദിവ്യഗർഭത്തിൽ ജനിക്കുന്ന കുട്ടിയും "അൽഭുതം" തന്നെ  ആയിരിക്കണം എന്നാണല്ലോ .. സമൂഹവും അങ്ങിനെ ഒരു തീരുമാനം ആണല്ലോ സാധാരണ കൈക്കൊള്ളുക.അങ്ങിനെ ഉള്ള ഒരു കഥ പറയുകയാണ് ബാലാജി ധനതീരൻ എന്ന സംവിധായകൻ.

നമ്മുടെ നാട്ടിൽ കുറെ അവതാര ദൈവങ്ങളും സ്വയം പ്രഖ്യാപിത ദൈവങ്ങളും ഉണ്ട്.അത് ഒരു മതത്തിൽ മാത്രമല്ല എല്ലാ മതത്തിലും വിശ്വാസങ്ങളെ ചൂഷണം ചെയ്തു കൊണ്ട് കീശ വീർപ്പിക്കുന്ന അനേകം പേരുണ്ട്.ജനങളുടെ അന്ധമായ വിശ്വാസങ്ങളെ മുതലെടുത്തു ധന സമ്പാദനം തന്നെയാണ് അവരുടെ ലക്ഷ്യവും.അത് കൊണ്ട് തന്നെ അവതാരങ്ങൾ ഒന്നിന് പിറകെ ഒന്നായി ഉണ്ടാക്കേണ്ടത് അവരുടെ ലക്ഷ്യം ആയിരിക്കും.

നമ്മുടെ ജയറാമിന്റെ മകൻ കാളിദാസ് ചെറുപ്പത്തിൽ ദേശീയ അവാർഡ് ഒക്കെ വാങ്ങിയെന്നും മറ്റും എവിടെയോ വായിച്ചിട്ടുണ്ട്.പക്ഷേ ഇപ്പൊൾ ഉള്ള കാളിദാസ് അഭിനയം എന്തെന്ന് അറിയാത്ത ഒരു നടനാണ്.മുൻപത്തെ ചിത്രങ്ങളിൽ ഉള്ള പോലെ ഇതിലും അത് ആവർത്തിക്കുന്നു.ശങ്കരന് ഒത്ത ചക്കി പോലെ മേഘ ആകാശ് എന്ന നായികയുടെ സ്ഥിതി അതിലും പരിതാപകരം. എത് രംഗങ്ങളിലും ഒരേ മുഖഭാവം..രണ്ടു  പേരെയും തിരഞ്ഞെടുത്തതിൽ സംവിധായകന്  വലിയ തെറ്റ് പറ്റി.

സ്വയം "അവതാരം" എന്ന് വിശ്വസിക്കുന്ന കുട്ടിയും കൂട്ടുകാരനും അത്യുജ്വല അഭിനയം  തന്നെ കാഴ്ചവെച്ചു.അതേ പോലെ കാളിയുടെയും മേഖയുടെ യും മാതാപിതാക്കളും..

തമിഴിൽ നല്ല തീമുകൾ ഉള്ള സിനിമകൾ വരുന്നുണ്ട്. കാസ്റ്റിങ് അതിൽ വലിയൊരു പങ്ക് വഹിക്കുന്നുണ്ട്.പലപ്പോഴും പാളി പോകുന്ന കാസ്റ്റു കള് തന്നെയാണ് ചിത്രത്തിന്റെ വിധി നിർണയിക്കുന്നത്.

പ്ര .മോ .ദി .സം

കാവൽ തുറൈ ഊങ്കൾ നൻപൻ

 

പോലിസ്..എല്ലാവർക്കും അവരെ പേടിയാണ്..പോലിസ് സ്റ്റേഷനിൽ കയറുക എന്ന് പറഞ്ഞാല് മുമ്പൊന്നും പലർക്കും ചിന്തിക്കുവാൻ പോലും പറ്റാത്ത കാര്യമായിരുന്നു.അത് കൊണ്ട് തന്നെ നീതി ലഭിക്കേണ്ട പല കാര്യങ്ങളും സാധാരണക്കാരന് അക്കാലത്ത് കിട്ടിയില്ല.

സമൂഹത്തിൽ പലതരം മാറ്റങ്ങൾ വന്നു തുടങ്ങിയപ്പോൾ പോലീസിനെയും പബ്ലിക്കിനെയും ചങ്ങാത്തത്തിൽ ആക്കണമെന്ന് സർക്കാരിന് തോന്നി..പേടിയില്ലാതെ സ്റ്റേഷനിൽ പോയി പരാതി പറയുവാനും പരിഹാരം ചെയ്യുവാനും വേണ്ടി ജനമൈത്രി പോലിസ് സ്റ്റേഷൻ നാട്ടിൽ അങ്ങോളം ഇങ്ങോളം ഉണ്ടായി.ജനമൈത്രി പോലീസ് സ്റ്റേഷൻ ഉണ്ടായിട്ടു കാര്യമില്ലല്ലോ അവിടെ ഉള്ള  പോലീസുകാർക്ക് നാട്ടുകാരോട്  "മൈത്രി" തോന്നണ്ടേ.. അങ്ങിനെ ഒരു മൈത്രി ഇല്ലെങ്കിൽ പിന്നെ ഇത് കൊണ്ട് എന്ത് ഗുണം.

അങ്ങിനെ ജനങ്ങൾക്ക് പോലിസ് "സുഹൃത്ത്" ആകേണ്ട തമിൾ കഥ പറയുകയാണ് ആർഡിഎം എന്ന സംവിധായകൻ.സുരേഷ് രവി, രവീണ രവി,മൈമെ ഗോപി എന്നിവർ അഭിനയിച്ച ത്രില്ലർ ആണ് "കാവൽ തുറെ ഊന്കൾ നൻപൻ"

വീട്ടുകാരെ വെറുപ്പിച്ചു ഒളിച്ചോടി കല്യാണം കഴിച്ചു സന്തോഷത്തോടെ വലിയ സ്വപ്നങ്ങൾ കണ്ട് ജീവിക്കുന്ന ദമ്പതികളുടെ ഇടയിൽ ആകസ്മികമായി  പോലിസ് കടന്നു വരുന്നതും പിന്നീട് ഉണ്ടാകുന്ന പ്രശ്നങ്ങളും ആണ് സിനിമയുടെ കാതൽ.

അവിചാരിതമായ സംഭവങ്ങൾ മനസ്സിനെ പിടിച്ചുലച്ച്‌ സമനില തെറ്റി നിൽക്കുമ്പോൾ നമ്മുടെ പെരുമാറ്റം പലപ്പോഴും തെറ്റായ രീതിയിൽ ആയിരിക്കും..അത് സ്വയം മനസ്സിലാക്കുവാൻ നമുക്കോ നമ്മൾ കണ്ടുമുട്ടുന്ന ആൾക്കാർക്കോ ഒന്നും ഉൾക്കൊള്ളുവാൻ കഴിഞ്ഞു എന്ന് വരില്ല.അത് പോലിസ് ഉദ്യോഗസ്ഥർ ആണെങ്കിൽ പ്രത്യേകിച്ചും...

പിന്നെ അവർ അവരുടെ ഡിപ്പാർട്ട്മെന്റ് വഴിയിലുള്ള പെരുമാറ്റവും അധികാരം ഉപയോഗിച്ചുള്ള കളികളും ആയിരിക്കും. മനോനില ഒക്കെ മാറി പ്രസന്റും ഫ്യുച്ചറും ഒക്കെ ചിന്തിക്കുന്ന ആളുകൾ എന്ത് സംഭവിച്ചാലും മാക്സിമം ക്ഷമിച്ചു കൊണ്ട്  പിടിച്ചു നിൽക്കും..എങ്ങിനെ എങ്കിലും ഇതിൽ നിന്നും ഊരിപോരുവാൻ വേണ്ടി കിണഞ്ഞു  ശ്രമിക്കും. 

പക്ഷേ ഒരിക്കലും വിടാതെ ഉടുമ്പിനെ പോലെ പിടിച്ചു വെക്കുകയും ഉപദ്രവം തുടരുകയും   ചെയ്യുക ആണെങ്കിൽ ആരുടേത് ആയാലും കൺട്രോൾ തെറ്റി പോകും..അന്നേരം പോലിസ് ആണോ പട്ടാളം ആണോ എന്നൊന്നും ചിന്തിക്കുവാൻ ആരും  മിനക്കെട്ടെന്ന് വരില്ല. പക്ഷേ അതിന്റെ അന്തിമ ഫലം മിക്കപ്പോഴും ഭയാനകം ആയിരിക്കും.

നമ്മുടെ പോലീസിൽ നല്ലവരും ചീത്തവരും ഉണ്ട്..നല്ല ആളുകൾക്ക് പോലീസിൽ വലിയ പ്രാധാന്യം ഒന്നും ഉണ്ടാകില്ല .മനസാക്ഷി എന്നത് പല പോലീസുകാർക്കും ഉണ്ടെന്ന് തോന്നാത്ത പ്രവർത്തികൾ നമ്മുടെ കൺമുന്നിൽ ദിനം പ്രതി നടക്കുമ്പോൾ നമ്മൾ പ്രതി കൂട്ടിലാക്കുന്നത് മുഴുവൻ ഡിപ്പാർട്ട്മെന്റ്നേ തന്നെ ആയിരിക്കും.നല്ലവർക്കും മനസാക്ഷി ഉള്ളവർക്കും പലപ്പോഴും അവരുടെ കൂട്ടത്തിൽ നിലനിൽക്കുക പ്രയാസം ആയിരിക്കും.

പണം ഉള്ളവന്റെ കയ്യിലെ പാവ എന്ന ചീത്ത പേര് പോലീസുകാർ മാറ്റാത്ത് കാലത്തോളം എത്ര ജനമൈത്രി സ്റ്റേഷൻ  ഉണ്ടായിട്ടും വലിയ കാര്യം ഉണ്ടെന്ന് തോന്നുന്നില്ല.

പ്ര .മോ. ദി .സം

ഇനിയും ഇങ്ങിനെ ഉള്ളവരെ ആവശ്യമുണ്ടോ വനിതകൾക്ക്...

 

നമുക്ക് നമ്മുടെ സങ്കടങ്ങൾ ആരോടെങ്കിലും പറയുമ്പോൾ കേൾക്കുന്ന പലരിൽ നിന്നും പരിഹാരം കിട്ടുകയില്ല എങ്കിൽ പോലും എല്ലാം തുറന്നു പറയുമ്പോൾ നല്ല ആശ്വാസം കിട്ടും.

അങ്ങിനെ കേൾക്കുന്ന ആളിൽ നിന്നും നീതിയും പരിരക്ഷയും കൂടി ഉറപ്പാക്കാൻ  കഴിയും എന്ന പ്രതീക്ഷയോടെ വിളിക്കുന്ന ഒരു പെൺകുട്ടികൾക്ക് കിട്ടേണ്ട ആശ്വാസത്തിന് പകരം കിട്ടുന്നത് ശകാരവും കുറ്റപ്പെടുത്തും വിധം ഉള്ള സംസാരവും കൂടി ആണെങ്കിൽ എന്തായിരിക്കും ആ കുട്ടികളുടെ അവസ്ഥ.

വനിതാകമ്മീഷൻ  അധ്യക്ഷ എന്ന് പറഞ്ഞാല് നാടിന്റെ  രാജ്ഞി ഒന്നുമല്ല.. വനിതകളുടെ ഉന്നമനത്തിനും അവർക്ക് നേരിടേണ്ടി വരുന്ന പ്രശ്നങ്ങളും വിഷമങ്ങളും ഇല്ലാതാക്കുവാൻ പ്രവർത്തിക്കുന്ന ഒരു അധികാരി മാത്രം.

നികുതിപ്പണം എങ്ങിനെയെങ്കിലും ഇഷ്ട്ടകാരിൽ മാത്രം എത്തണം എന്ന് പാർട്ടികൾ ചിന്തിക്കുമ്പോൾ പലപ്പോഴും ആ സ്ഥാനത്ത് ഇരിക്കുന്നത് പാർട്ടി അടിമകൾ മാത്രമായിരിക്കും.. തികച്ചും  അനർഹര്‍ ...അത് കൊണ്ട് തന്നെ ആ സ്ഥാനത്ത് ഇരിക്കുന്നത് എന്തിനാണ് എന്നോ അതിൻറെ ധർമം എന്താണ് എന്നോ ഒരു പിടിയും ഉണ്ടാകില്ല.

അങ്ങനെയുള്ള ആളുകൾ ഇരിക്കുമ്പോൾ ഒരിക്കലും ആ കമ്മീഷനെ കൊണ്ട് ഒരു ഉപകാരവും നാട്ടുകാർക്കോ സമൂഹത്തിനോ  ഉണ്ടാവുകയില്ല..

സിപിഐഎം എന്ന പാർട്ടിക്ക് ഇൗ കമ്മീഷൻ അധ്യക്ഷ മൂലം വർഷങ്ങളായി പേരുദോഷം മാത്രമേ ഉണ്ടായിട്ടുള്ളൂ..മുൻപ് എന്റെ പാർട്ടിയാണ് പോലീസും കോടതിയും എന്ന് പറഞ്ഞു നമ്മുടെ നിയമ വ്യവസ്ഥയെ തന്നെ വെല്ലു വിളിച്ചു..അതും പീഡിതയായ ഒരു സ്ത്രീയെ പരിഗണിക്കാതെ പാർട്ടി നേതാവിനെ അനുകൂലിച്ചു കൊണ്ട്...പിന്നെ ഒരിക്കൽ കിടപ്പ് രോഗി തന്നെ ഓഫീസിൽ വന്നു കണ്ടാൽ മാത്രമേ പരിഹാരം ഉണ്ടാകൂ എന്ന് വാശി പിടിച്ചു..അങ്ങിനെ ചെറുതും വലുതുമായി പാർട്ടിയെയും ജനങ്ങളെയും അപമാനിച്ചു.അത് കൊണ്ട് ഇനിയും അവരെ ആ സ്ഥാനത്ത് തുടരുവാൻ അനുവദിക്കണമോ എന്ന് ചിന്തിക്കേണ്ട വിഷയമാണ്

ജയപ്രകാശ് കോടിയേരി Jayaprakesh Kodiyeri എന്ന സുഹൃത്ത് തൻെറ പോസ്റ്റിൽ പറഞ്ഞത് പോലെ സ്വർണം കായ്ക്കുന്ന മരം ആയാലും പുരക്ക് മേലേക്ക് ചാഞ്ഞ താണെങ്കിൽ അത് മുറിച്ചു കളയുക തന്നെ വേണം.

പ്ര .മോ. ദി .സം

ജഗമെ തന്തിരം

കാർത്തിക് സുബ്ബ് രാജ് എന്നൊരു യുവസംവിധായകൻ വ്യത്യസ്ത ചിത്രങ്ങൾ കൊണ്ട് തമിഴിൽ കുറച്ചായി തരംഗങ്ങൾ സൃഷ്ടിക്കുന്നുണ്ട്. നമ്മുടെ നിരൂപകരും മാധ്യമങ്ങളും പലരെയും പൊക്കി പിടിച്ചു കുറച്ചു ദിവസം ആഘോഷിക്കും..അങ്ങിനെ ഒരു പൊക്കി പിടുത്തം മാത്രമാണ് സുബ്ബരാജ് എന്ന് ഇപ്പൊൾ തോന്നി പോകുന്നുണ്ട്.

വ്യക്തിപരമായി പറഞ്ഞാല് വിഷയവും ആശയങ്ങളും  ഒക്കെ കൊള്ളാം എങ്കിലും സിനിമ ഇഴഞ്ഞു നീങ്ങി ബോറടിപ്പിക്കാതെ സുബു  പ്രേക്ഷകരെ വിടില്ല..അത് സൂപ്പർ സ്റ്റാർ രജനിയുടെ സിനിമ ആയാലും വിജയ് സേതുപതിയെ വെച്ചുള്ള സിനിമ ആയാലും....

ജഗമേ തന്തിരം എന്ന ധനുഷ് ചിത്രവും നീങ്ങുന്നത് അതേ വഴിയിൽ കൂടി തന്നെയാണ്. ലാഗ് കൊണ്ട് പെരുന്നാൾ ഉണ്ട്..പിന്നെ ഇടക്കിടക്ക് കുറെ വെടിയും പുകയും..ഇതൊക്കെ അവിടെ സംഭവിക്കുമോ എന്ന് ചോദിക്കരുത്...സിനിമയിൽ ചോദ്യമില്ല.പ്രത്യേകിച്ചും തമിഴിൽ..

ധനുഷ് അസാധാരണ പ്രതിഭയുള്ള ഒരു നടനാണ്..പല ചിത്രങ്ങളും അദ്ദേഹത്തിന്റെ മിടുക്ക് കൊണ്ട് മാത്രം ബോക്സ് ഓഫീസ് വിജയം കണ്ടിട്ടുണ്ട്..ചിത്രങ്ങൾ തിരഞ്ഞെടുത്തു അഭിനയിക്കുന്നതിൽ വളരെ മിടുക്കൻ ആണെങ്കിലും ചിലപ്പോൾ ഒക്കെ പാളി പോകാറുണ്ട്..അങ്ങിനെ പറഞ്ഞാല് ഒരിക്കലും ധനുഷിന് സൂട്ട്‌ ആകാത്ത ഒരു റോളാണ് ഇതിലെ സുരുളി.ശരിക്കും പാളി.

പിന്നെ തമിഴിൽ ആകുമ്പോൾ ആരു നായകൻ ആയാലും ഒരു പത്തിരുപത് പേരെ ഒക്കെ ഒറ്റയ്ക്ക് നേരിടുന്നതിൽ ,അവരെ പരാജയപ്പെടുത്തി നായകൻ വിജയിക്കുന്നത് മലയാളിക്ക് പോലും പ്രശ്നം ഇല്ലാത്തത് കൊണ്ടു ചിത്രം ഓടിയേക്കും.മലയാളത്തിൽ ആണെങ്കിൽ അവർ ലോജിക്ക് ഒക്കെ പറഞ്ഞേക്കും.

അഭയാർഥികൾ ഒരു പ്രശ്നം തന്നെയാണ്..അവരെ സ്വീകരിക്കുവാൻ  ലോകത്തിൽ എല്ലാ രാജ്യങ്ങൾക്കും പ്രശ്നമുണ്ട്.ലോകത്ത് സ്വന്തമായി ഒരു നാട് പോലും ഇല്ലാത്ത അവർ അതിജീവനത്തിന് വേണ്ടി സാഹസപെട്ട് പലരുടെയും വാതിലിൽ മുട്ടും..ഒരിക്കലും തുറക്കില്ല എന്ന് കരുതി അവർ രാജ്യങ്ങളിൽ അതിക്രമിച്ചു കടന്നു കയറും..പിന്നീട് ചിലരൊക്കെ നിയമ വഴിയിൽ പൗരത്വം നേടും.

അവിടെ അവരെ സംരക്ഷിക്കുവാൻ  സഹായിക്കുവാൻ ആരെങ്കിലും ഉണ്ടെങ്കിൽ വരുന്നവരുടെ എണ്ണവും കൂടും.അത് ഒരിക്കലും തദ്ദേശീയർക്കും മറ്റും ഇഷ്ടപ്പെട്ടു എന്ന് വരില്ല. അങ്ങിനെ അവർക്കിടയിൽ പക വളരും.പല രാജ്യങ്ങളിലും ഇത് ഇപ്പൊൾ സർവ സാധാരണമാണ്.

പീറ്റർ ,ശിവദാസ് എന്നീ യുകെ യിലെ  രണ്ടു  ഡോണ് മാഫിയക്ക് ഇടയിൽ നാട്ടിൽ നിന്നും സൂരുളി എന്ന മറ്റൊരു വഴക്കാളി എത്തുന്നതും തുടർന്നുണ്ടാകുന്ന സംഭവ വികാസങ്ങളും ആണ് ചിത്രം പറയുന്നത്. അതി നാടകീയത കൊണ്ട് സമ്പന്നമാക്കി ചിത്രത്തെ കൊല്ലാ കൊല ചെയ്യുന്നുണ്ട്.

നമ്മുടെ ജോജുവിനേ ടൈറ്റിൽ കാർഡിൽ പരിചയപ്പെടുത്തുന്നത് പോലും "ജോസഫ് ജോജു" എന്നാണ് ..ജോസഫ് തമിഴിൽ നല്ല പേര് കിട്ടിയ ചിത്രം ആയിരിക്കും.കൂട്ടിനു മലയാളത്തിൽ നിന്നും ഐശ്വര്യ ലക്ഷ്മിയും വിദേശത്ത് നിന്ന്  ജെയിംസ് കോസ്മോ എന്ന ഇംഗ്ലീഷ് നടനും ഉണ്ട്.

മൊത്തത്തിൽ രണ്ടരമണിക്കൂർ കൂടുതൽ ഉള്ള ചിത്രം ഒന്ന് വെട്ടി ഒതുക്കി പാകപ്പെടുത്തി എങ്കിൽ കാണാൻ നല്ല ഹരം വന്നേനെ...

നമ്മുടെ  ഓരോരത്തരുടേയും കാഴ്ചകളും അനുഭവങ്ങളും ആസ്വാദനവും  വ്യത്യസ്തമായിരിക്കും..അതുകൊണ്ട് സിനിമ കണ്ടു മാത്രം ചിത്രത്തെ വിലയിരുത്തുക..നിരൂപണങ്ങൾ വായിച്ചു മാത്രം സിനിമ കാണുന്നത്  കാണാതിരിക്കുന്നത്‌ നല്ല പ്രവണതയല്ല.

പ്ര. മോ  ദി .സം

E Sanjeevani

e Sanjeevani OPD

ചെറിയ ഒരു തുമ്മലിനു വരെ ആശുപത്രിയിൽ പോയി കൊണ്ടിരുന്ന മലയാളികൾ ഒന്നൊന്നര വർഷമായി വലിയ പനി വന്നാൽ പോലും ആശുപത്രിയുടെ പരിസരത്ത് പോകാറില്ല.

കാരണം കൊറോണ തന്നെ..ആശുപത്രിയിൽ ഏതൊക്കെ ആൾകാർ ആണ് വരുന്നത് എന്ന് നിശ്ചയം കാണില്ല.കൂടാതെ പലതരം രോഗങ്ങളും ഉള്ള ആൾകാർ വരുന്നത് കൊണ്ട് തന്നെ അത് നമ്മിലേക്ക് പകരും എന്നൊരു ഭീതി മുന്നത്തേക്കാൾ ഇന്ന് ജനങ്ങൾക്ക് ഉണ്ട്.മുൻപ് സ്വകാര്യ ആശുപത്രിയിൽ പോയി ചികിത്സിക്കുന്നത് ഗമയായി കണ്ടവർ പോലും ഇന്ന് വീട്ടിൽ ഒതുങ്ങി കൂടുകയാണ്.

അഡ്മിറ്റ് ആകുമ്പോൾ നെഗറ്റീവ് ആയിരുന്ന ആൾ മരിക്കുമ്പോൾ അല്ലെങ്കിൽ ചികിത്സക്ക് ഇടയിൽ പോസിറ്റീവ് ആകുന്ന കുറെ കേസുകൾ വന്നത് കൊണ്ട് കൂടി ജനങ്ങൾക്ക് ആശുപത്രിയെ അകറ്റി നിർത്താൻ പ്രേരകമായി.

ഇങ്ങിനെ പേടിക്കുന്ന ഒരു കൂട്ടം ഉണ്ടാകും എന്ന് മുൻകൂട്ടി കണ്ടത് കൊണ്ടാവാം കേന്ദ്ര സർകാർ

 e Sanjeevani OPD

എന്ന പേരിൽ ഒരു ആപ്പ് തുടങ്ങിയിട്ടുണ്ട്.തുടങ്ങിയിട്ട് കുറച്ചായി എങ്കിലും പലർക്കും അതിനെ കുറിച്ച് അറിയുകപോലും ഇല്ല.

പ്ലേ സ്റ്റോറിൽ പോയി e Sanjeevani എന്ന് ടൈപ്പ് ചെയ്താൽ ആപ്‌ കിട്ടും അത് ഡൗൺ ലോഡ് ചെയ്ത് അതിൽ പറയുന്ന പ്രകാരം മുന്നോട്ട് പോയി  രജിസ്റ്റർ ചെയ്താൽ ഏതു രോഗത്തിനും ചികിത്സാ വീട്ടിൽ ഇരുന്നു തന്നെ നടത്താം. അതും ഡോക്റ്ററുടെ  കൃത്യമായ ഉപദേശത്തിൽ...

ഇത് വായിക്കുന്നത് മലയാളികൾ ആയത് കൊണ്ട് തന്നെ "വിവരം" ഉള്ളത് കൊണ്ട് ആപ് ഡൗൺ ലോഡ് ചെയ്താൽ തന്നെ കാര്യങ്ങൽ മനസ്സിലാക്കി പ്രവർത്തിക്കും.എന്നാലും ചിലത് പറയാം.

രജിസ്റ്റർ ചെയ്തു കഴിഞ്ഞാൽ നിങ്ങളുടെ മൊബൈൽ നമ്പറിൽ ഒരു OTP വരും..പിന്നെ നിങ്ങൾക്കുള്ള രോഗം തിരഞ്ഞെടുക്കുക. അപോൾ ഒരു ടോക്കൺ നമ്പർ തരും.സമയം ആകുമ്പോൾ വീഡിയോ കോളിൽ കൂടി ഡോക്ടറുമായി നേരിട്ട് സംസാരിക്കാം.നമ്മൾ രെജിസ്റ്റർ ചെയ്യുമ്പോൾ നമ്മുടെ സംസ്ഥാനം കൊടുത്താൽ ഇവിടുത്തെ ഡോക്ടറെ തന്നെ ലൈനിൽ കിട്ടും.മലയാളത്തിൽ തന്നെ നമുക്ക് അവരുമായി സംസാരിച്ചു ആവശ്യമുള്ള  ചികിത്സ ആവശ്യപ്പെടാം.

ചികിത്സിച്ചു കഴിഞ്ഞാൽ അവർ മരുന്ന് കുറിച്ച് തരും.സാധാരണ ഡോക്ടർ തരുന്നതുപോലെ ആർക്കും മനസ്സിലാകാത്ത ഭാഷയിൽ അല്ല നല്ല ഇംഗ്ലീഷ് പ്രിൻറ് ഔട്ട് ..അതും ഡോക്ടറുടെ പേരും ആശുപത്രിയും ഒപ്പും അടക്കം.അത് മെഡിക്കൽ ഷോപ്പിൽ കൊടുത്തു മരുന്ന് വാങ്ങി കഴിച്ചു രോഗം വേഗം സുഖപ്പെടുത്താൻ പറ്റും.

ആവശ്യമുള്ളവർ ആപ്പ് ഡൗൺ ലോഡ് ചെയ്ത് ആശുപത്രി സന്ദർശനം ഒഴിവാക്കി രോഗശമനം നേടുക.തികച്ചും സൗജന്യമായ സേവനമാണ്.

കൃത്യമായി പറഞ്ഞു തരുവാൻ പറ്റിയോ എന്ന് നിശ്ചയമില്ല..ആപ്പിനെ കുറിച്ച് ആൾക്കാരെ അറിയിക്കുവാൻ വേണ്ടിയാണ് ഇൗ കുറിപ്പ്. ഇത്ര നല്ല ആപ്പ് ആയിട്ടും പലരും ഉപയോഗപ്പെടുത്തുന്നുണ്ട് എന്ന് തോന്നുന്നില്ല...പലർക്കും അറിയില്ല എന്നത് മറ്റൊരു കാര്യം.

  എല്ലാവർക്കും പ്രയോജനപ്പെടുന്ന ഇൗ ആപ്പ് വിവരങ്ങൾ മറ്റുള്ളവരിലേക്ക് എത്തിക്കുവാൻ എല്ലാവരും ശ്രമിക്കുക.

പ്ര .മോ .ദി .സം

പണ രാഷ്ട്രീയം

 

നമ്മുടെ രാഷ്ട്രീയം ചീഞ്ഞ് നാറു ന്നില്ലേ?മുൻപൊക്കെ അന്യസംസ്ഥാനങളിൽ മാത്രം കേട്ടു കൊണ്ടിരിക്കുന്ന കുഴൽ പണവും കള്ളപണവും ഒക്കെ നമ്മുടെ നാട്ടിലും എത്തിയിരിക്കുന്നു.

മുൻപും കുഴൽ പണവും കള്ള പണവും ഒക്കെ ഉണ്ടായിരുന്നു എങ്കിലും  ചില  ഉള്ളുകള്ളികൾ ഉണ്ടെങ്കിലും രാഷ്ട്രീയ പാർട്ടികളിൽ അതിൻറെ കളങ്കം ആരും ചാർത്തിയിരുനില്ല. 

 ഇപ്പൊൾ പുറത്ത് വരുന്ന വിവരങ്ങൾ പ്രകാരം കഴിഞ്ഞ കുറച്ചു വർഷങ്ങളായി നമ്മുടെ രാഷ്ട്രീയക്കാർ കളിക്കുന്നത് മുഴുവൻ കള്ളപ്പണം കൊണ്ട് തന്നെയാണ്..സ്വർണക്കടത്ത്,ഈന്തപ്പഴം,ഖുർആൻ എന്നിവയിൽ തുടങ്ങി ഇപ്പൊൾ കുഴൽ പണം വരെ എത്തി നിൽക്കുന്നു നമ്മുടെ രാഷ്ട്രീയ ബാന്ധവം.

ഒരു സീറ്റ് പോലും ഉറപ്പില്ലാത്ത സ്ഥലത്ത് നാന്നൂറ് കോടി ചിലവാക്കാൻ തീരുമാനിച്ചു എന്നത് ശരിയാണെങ്കിൽ എന്തായിരിക്കും അതിനു പിന്നിലെ ചിന്തകളും പ്രവർത്തനങ്ങളും...ജയിക്കും എന്ന് ഒരു ഉറപ്പും ഇല്ലാത്ത സീറ്റിന് വേണ്ടി പിടിവലി കൂടി ആകുമ്പോൾ നമ്മൾ ചിന്തിക്കണം.

കഴിഞ്ഞ വർഷം തിരഞ്ഞെടുപ്പിന് തൊട്ടു മുൻപ് എന്തൊക്കെ പുകിലുകൾ ആയിരുന്നു, വിജിലൻസ് വരുന്നു, കസ്റ്റംസ് വരുന്നു ,ഇൗ ഡി വരുന്നു..

ഉന്നതരെ ചോദ്യം ചെയ്യുന്നു അറസ്റ്റ് ചെയ്യുന്നു....

അങ്ങിനെ അങ്ങിനെ 

 ഒരു സർക്കാരിനെ മുഴുവൻ സംശയ നിഴലിൽ നിർത്തി അവസാനം "പവനായി ശവമായി" മാറുന്നു. 

സത്യത്തിൽ അന്വേഷണം ഒക്കെ ഏതോ ഉന്നതനിൽ എത്തും എന്ന് വന്നപ്പോൾ പത്തി മടക്കിയ അവസ്ഥയിൽ ആയി പോയത് അല്ലെ? പ്രതീക്ഷയോടെ കാത്തു നിന്ന സാധാരണക്കാർ 3G ആയത് മിച്ചം..സത്യം എന്താണെന്ന് ഇന്നും അറിയില്ല പക്ഷേ ഇഴഞ്ഞു പോകുന്ന അന്വേഷണം നമ്മളെ ചിന്തിപ്പിക്കുന്നു ഇതൊരു പ്രഹസനം ആയിരുന്നില്ലേ എന്ന്..

മിത്രങ്ങളെ നിങൾ കരുതുന്നുണ്ടോ? ഇൗ കൊടകര കുഴൽ പണം കേസും നല്ല രീതിയിൽ മുന്നോട്ടു പോകും എന്ന്...രാഷ്ട്രീയക്കാർ ഇപ്പൊൾ പരസ്പരം പഴി ചാരിയും പ്രസ്താവനകൾ ഇറക്കിയും കുറച്ചു കാലം മുന്നോട്ടു കൊണ്ട് പോകും..പിന്നെ ഒരു സുപ്രഭാതത്തിൽ ആവിയായി പോകും..നോക്കിക്കോ..

ആരോപണ വിധേയരും ആരോപിച്ചവരും വീണ്ടും അടുത്ത കൂട്ടുകൃഷി ക്കു വേണ്ടി ഒരുമിക്കും.

അതാണ് കുറച്ചായി രാഷ്ട്രീയം..പരസ്പര സഹായ സഹകരണ സംഘങ്ങൾ ആവുന്ന വൃത്തികെട്ട രാഷ്ട്രീയം

പ്ര .മോ. ദി .സം

മതിൽ

രാഷ്ട്രീയമെന്നും പറഞ്ഞാല് ചിലർക്ക് ഗുണ്ടായിസം ആണ്.അധികാരം കൂടി കയ്യിൽ ഉണ്ടെങ്കിൽ പിന്നെ പറയുകയും വേണ്ട..അതിൻറെ ഹുങ്കിൽ അവൻ പറ്റാവുന്നത് ഒക്കെ വെട്ടി പിടിക്കുവാൻ നോക്കും .ആദ്യം മാന്യമായി പിന്നെ ഗുണ്ടായിസം കൊണ്ട്..ഇതിനെ ഒക്കെ ആരെങ്കിലും എതിർത്താൽ പിന്നെ അവന്റെ കാര്യം കട്ടപ്പൊക.

എന്നാലും ചില ഒറ്റയാൻ ശബ്ദങ്ങൾ ഉണ്ടാകും.അവർ വീറോടെ വിജയം വരെ പൊരുതും.ചിലപ്പോൾ പകുതി വെച്ച് അവൻ പരാജയപ്പെട്ടു വീണു പോയേക്കാം..എന്നാലും ഇൗ ഡിജിറ്റൽ യുഗത്തിൽ രാഷ്ട്രീയത്തിന്റെ ഗുണ്ടായിസം  മുൻപത്തെക്കാൾ  അല്പം കുറഞ്ഞിട്ടുണ്ട് എന്ന് തന്നെ പറയാം..ചുറ്റിലും ഉള്ള ക്യാമറ കണ്ണുകൾ എല്ലാം മൂ ന്നാമനെ പോലെ കാണുന്നു എന്നാ പേടിയും കാരണം ആയേക്കും.

ഒരുത്തൻ പിറക്കുമ്പോൾ വീട് ഇല്ലെങ്കിലും മരിക്കുമ്പോൾ എങ്കിലും വീട് വേണം അല്ലെങ്കിൽ ശവം അനാഥമായി പോകും എന്ന ഉപദേശം അനുഭവത്തിൽ തൊട്ടറിഞ്ഞ ആൾ  ചോര നീരാക്കി നാല്പത്തി അഞ്ചു വർഷത്തിന് ശേഷം  പണിത വീടിന്റെ മതിലിൽ രാഷ്ട്രീയക്കാർ ചുവരെഴുത്ത് നടത്തുമ്പോൾ അതിനെതിരെ പ്രതികരിച്ചത് കൊണ്ട് ഒരു സാധാരണക്കാരന് ഉണ്ടാകുന്ന പൊല്ലാപ്പ് ആണ് ചിത്രത്തിന്റെ കഥ.

അധികാരവും ശക്തിയും കൊണ്ട് പ്രബലരായ അവരെ ബുദ്ധികൊണ്ട് ചങ്ങാതികൂട്ടം നേരിടുന്നത് രസകരമാണ്.മുൻപ് മലയാളത്തിൽ കൂടി ഇത്തരം ചിത്രങ്ങൾ വന്നിട്ടുണ്ടെങ്കിലും നല്ലരീതിയിൽ തന്നെ മിത്രൻ ജവഹർ എന്ന സംവിധായകൻ ഇൗ തമിൾ സിനിമ  അവതരിപ്പിച്ചിരിക്കുന്നു.

തമിൾ സൂപ്പർ സ്റ്റാർ രജനി,കമൽ,അജിത്ത് തുടങ്ങിയവരെ മുതൽ യുവതലമുറയിലെ ശ്രദ്ധേയരായ താരങ്ങളെ കൊണ്ട് തന്റെ സംവിധാന മികവ് കാട്ടി ഇപ്പൊൾ കുറച്ചായി അഭിനയത്തിൽ കൂടി ഒരു കൈ നോക്കുന്ന കെ എസ് രവികുമാർ  ആണ് ചിത്രത്തിലെ നായകൻ.

സാധാരണഗതിയിൽ അവഗണിക്കുന്ന ഇത്തരം ചിത്രങ്ങൾ കാണുവാൻ പ്രേരിപ്പിച്ചത് കോവിടിൽ വീട്ടിൽ കുടുങ്ങി പോകുന്നത് കൊണ്ടുണ്ടാകുന്ന വിരസത തന്നെ ആണ്..എങ്കിലും നമ്മളെ ബോറടിപ്പിക്കാതെ ഇൗ ചിത്രം വലിയൊരു സന്ദേശം നമ്മളിൽ എത്തിക്കുന്നു

പ്ര .മോ .ദി .സം

ദി ലാസ്റ്റ് ടൂ ഡേയ്സ്

 

ദീപക് പറമ്പോൽ എന്ന മലയാളത്തിലെ യുവനടന്റെ ഒരു ഇന്റർവ്യൂ അടുത്ത ദിവസം കാണുവാൻ ഇടയായി.

വിനീത് ശ്രീനിവാസന്റെ ആദ്യ ചിത്രത്തിൽ കൂടി അരങ്ങേറ്റം കുറിച്ച നടൻ വിനീതിന്റെ തന്നെ "തട്ടത്തിൻ മറയത്ത്" കഴിഞ്ഞപ്പോൾ മലയാള സിനിമയിൽ അവസരങ്ങളുടെ ചാകര വരുമെന്ന് സ്വപ്നം കണ്ടു നാട്ടിലേക്ക് വണ്ടി കയറി.പക്ഷേ സ്വപ്നം സ്വപ്നമായി തന്നെ അവസാനിക്കും എന്നായപ്പോൾ രണ്ടു സുഹൃത്തുക്കളുമായി അവസരത്തിനായി  മലയാള സിനിമയുടെ ഹബ് ആയ കൊച്ചിയിൽ താമസം ആരംഭിച്ചു.

എന്നിട്ടും സിനിമയിൽ നിന്ന് മാത്രം കാര്യമായ വിളി  മാത്രം വന്നില്ല. രണ്ടു സുഹൃത്തുക്കൾ ജോലിക്ക് പോകുമ്പോൾ എന്നെങ്കിലും എനിക്ക് മലയാളത്തിൽ ഒരു ഇരിപ്പിടം കിട്ടും എന്ന പ്രതീക്ഷയിൽ ദീപക് അവിടെ തന്നെ നിന്നു.

കുറെ "ക്കോക്കസുകൾ" നിയന്ത്രിക്കുന്ന മലയാള സിനിമയിൽ അഭിനയിക്കാൻ അറിയുന്ന ദീപക്കിന് ഇപ്പോഴും   അവസരം കൊടുക്കുന്നുണ്ട് എന്ന് തോന്നുന്നില്ല.ഒന്ന് രണ്ടു ചിത്രങ്ങളിൽ നായകനായി വന്നു കുറെ ചിത്രങ്ങളിൽ ചെറിയ റോളുകളും..എങ്കിലും പ്രേക്ഷകർ ഓർമ്മിക്കുന്ന ഒരു മുഖമായി മാറുവാൻ ദീപക്കിന് ഇപ്പൊൾ കഴിഞ്ഞിട്ടുണ്ട്.

ചിലപ്പോൾ ദീപക് എന്ന നടന് ഒരു ബ്രേക്ക് നൽകിയേക്കും "ദ ലാസ്റ്റ് ടൂ ഡയിസ് "എന്ന ഇൗ ചിത്രം.ദീപക്കിന്റെ മാസ്മരിക പ്രകടനം ഒന്നും ഇല്ലെങ്കിലും ഒരു മിനിട്ട് പോലും ബോറടിപ്പിക്കാതെ ചെറിയ സമയത്തിനുള്ളിൽ നല്ലൊരു ക്രൈം ത്രില്ലർ തന്നെയാണ് സന്തോഷ് ലക്ഷ്മണൻ എന്ന സംവിധായകൻ പറയുന്നത്.

രാഷ്ട്രീയം എന്നാൽ ചിലർക്ക് അതൊരു ബിസിനസ് ആണ്..അധികാരത്തിനു വേണ്ടി പാർട്ടിയെ പിളർത്തി പുതിയ പാർട്ടി ഉണ്ടാക്കി മൽസരിച്ചു ജയിച്ചു വിലപേശി  "ഉന്നതങ്ങളിൽ" എത്തുന്ന രാഷ്ട്രീയക്കാരും പാർട്ടികളും നമ്മുടെ കൺമുന്നിൽ തന്നെ ഉണ്ട്.

അങ്ങിനെ പുതുതായി രൂപം കൊണ്ട പാർട്ടിയിലെ അടുത്ത ഇലക്ഷനിൽ മത്സരിക്കുവാൻ പോകുന്ന മൂന്ന് ചെറുപ്പക്കാർ മിസ്സ് ആവുന്നതും അത് അന്വേഷിക്കാൻ എത്തുന്ന പോലിസ് ഉദ്യോഗസ്ഥന്റെ യും ആ നാട്ടിലെ ചില സംഭവ വികാസ ങ്ങളുടെയും കഥയാണ് ഇത്.

ആലപ്പുഴയുടെ  കുട്ടനാടിന്റെ വശ്യ സൗന്ദര്യവും നാടിന്റെ ഭംഗിയും ക്യാമറമാൻ നന്നായി പകർത്തിയിട്ടുണ്ട്...അതുപോലെ ത്രസിപ്പിക്കുന്ന ബാക് ഗ്രൗണ്ട് മ്യൂസിക് തന്നെയാണ് ചിത്രത്തിന്റെ മറ്റൊരു എനർജി.

ദീപക്കിനു പുറമെ അതിഥി രവി,ധർമജൻ,മുരളി ഗോപി,നന്ദൻ ഉണ്ണി, മേജർ രവി,ഹരി കൃഷ്ണൻ,വിനീത് മോഹൻ,ശ്യംഭവി സുരേഷ്,സുർജിത്ത് എന്നിവരും റോളുകൾ ഭംഗിയായി കൈകാര്യം ചെയ്തിരിക്കുന്നു.

വെറും ഒന്നേകാൽ മണിക്കൂറിനുള്ളിൽ നല്ലൊരു ക്രൈം ത്രില്ലർ കാഴ്ച വെച്ച അണിയറക്കാർ പ്രത്യേക അഭിനന്ദനം അർഹിക്കുന്നു.

പ്ര .മോ .ദി .സം

അഭിപ്രായ സ്വാതന്ത്ര്യം

നമ്മുടെ നാട്ടിൽ അഭിപ്രായ സ്വാതന്ത്രം ഉണ്ട്..അത് കൊണ്ട് തന്നെ ആർക്കും  എന്ത് അഭിപ്രായം  വേണമെങ്കിലും പറയാം.അത് കൊണ്ട് തന്നെ പലരുടെയും അഭിപ്രായങ്ങളിൽ വ്യത്യാസം ഉണ്ടാകും..എന്റെ അഭിപ്രായം മാത്രമേ മറ്റുള്ളവനും ഉണ്ടാകാവൂ എന്ന് വാശി പിടിക്കുമ്പോൾ ആണ് സഭ്യതയുടെ അതിരുകൾ കൈമോശം വന്നു പോകുന്നത്.

"നിലപാടുകൾ" എന്നത് നട്ടെല്ലിന്റെ സ്ഥാനത്ത് വാഴപ്പിണ്ടി ഉള്ളവൻ പലപ്പോഴും മാറ്റി മറിച്ച് കൊണ്ടിരിക്കും..അത് കൊണ്ട് അങ്ങിനെ ഉള്ളവരെ ഫോളോ ചെയ്യുമ്പോൾ സൂക്ഷിക്കുക..അവസാനം ഫോളോ ചെയ്തവൻ അപമാനിതനായി പോകും..

പലർക്കും നിലപാടുകൾ നിലനിൽപ്പിന്റെ പ്രശ്നങ്ങൾ മാത്രമാണ്..നാളെ അത് മറ്റൊരു അവസരത്തിൽ  അവന്മാർ മാറ്റി പറയും..അത് കൊണ്ട് നമുക്ക് നമ്മുടേതായ നിലപാടുകൾ വേണം.അതിൽ ഉറച്ചു നിൽക്കണം.

നമ്മുടെ സംഘടനയോ നേതാവോ പറയുന്നത് ശരി ആണെങ്കിൽ മാത്രം കൈക്കൊള്ളണം.അല്ലെങ്കിൽ തെറ്റ് ചൂണ്ടിക്കാട്ടി അത് തിരുത്താൻ നിവർന്നു നിന്ന് ആവശ്യപ്പെടണം.അല്ലാതെ അതൊക്കെ വേദവാക്യം എന്ന് കരുതി പിന്തുടർന്നാൽ അവർ തെറ്റുകൾ ചെയ്തു കൊണ്ടേയിരിക്കും..നമ്മൾ അടിമകളും 

തിരുത്തേണ്ടത് തിരുത്തിയിരിക്കണം വ്യക്തി ആയാലും സംഘടന ആയാലും...അതിനു പ്രേരി പ്പിക്കേണ്ടത് നമ്മളാണ്..നമ്മൾ മാത്രം.

നമ്മൾക്ക് തെറ്റ് സംഭവിച്ചാൽ അത് ഉൾകൊണ്ട് തെറ്റ് തിരുത്തുവാൻ നമ്മളും തയ്യാറാകണം

പ്ര .മോ. ദി .സം

കർണൻ

ദളിതരുടെ കാര്യത്തിൽ നമുക്ക് ആവശ്യം വരുമ്പോൾ നൂറു നാവാണ്.അല്ലാത്തപ്പോൾ അവരെ നമ്മുടെ ഒന്നിച്ചു നിർത്തുവാൻ മടിക്കും..സ്പീക്കറും പ്രസിഡന്റും ഒക്കെ ദളിതൻ എന്ന് എന്തിന് വിളിച്ചു പറയുന്നു എന്നും മനസ്സിലാകുന്നില്ല.ഒരു തരത്തിൽ ജാതി പറഞ്ഞു അവരെ അപമാനിക്കുന്നതിന് തുല്യമല്ലെ?

 പണ്ട് മഹാഗുരു പറഞ്ഞത് പോലെ ഒരു ജാതി ഒരു മതം എന്ന് നമ്മുടെ ഓരോ മനസ്സിലും ഉണ്ടാകേണ്ടത് അല്ലേ? മനുഷ്യനായി സഹജീവികളെ കാണുവാൻ ഇത്രയും നൂറ്റാണ്ട് എത്തിയിട്ടും നമുക്ക് എന്ത് കൊണ്ട് കഴിയുന്നില്ല.?ഉള്ളിന്റെ ഉള്ളിൽ  എത്ര വല്യ സഖാവ് ആണെങ്കിലും ആവശ്യം വരുമ്പോൾ അവന്റെ ഉള്ളിലെ കൂതറ സ്വഭാവം പുറത്ത് ചാടുക സ്വാഭാവികം.

നമ്മുടെ കേരളത്തിൽ ഇതിന് കുറച്ചു സമാധാനം ഉണ്ടെങ്കിലും അന്യസംസ്ഥാനത്ത് ഇത് അതിൻറെ പരമകോടിയിലാണ്.അവർ ഒരു ഗ്രാമത്തെ തന്നെ അങ്ങ് വേർതിരിച്ചു നിർത്തി കളയും..അവരെ ഒറ്റപെടുത്തി കളയും..അവിടെ കിടന്നു അവരങ്ങു നരകിക്കും.

പണ്ടത്തെ പോലെ ഒന്നും മിണ്ടാതെ ഇപ്പോളത്തെ തലമുറ നിന്നെന്ന് വരില്ല..അവർ മുന്നും പിന്നും നോക്കാതെ ഇങ്ങനത്തെ കാര്യത്തിൽ  അങ്ങ് പ്രതികരിക്കും..അതിൻറെ വരും വരായ്‌ക അവർ ഒരിക്കലും ചിന്തിക്കാൻ നിൽക്കില്ല.സമൂഹത്തിൽ അവർക്കും തുല്യനീതി വേണം..കർണനും അങ്ങിനെ മാത്രമാണ് ചിന്തിച്ചത്..പക്ഷേ ജാതി മനസ്സിൽ സൂക്ഷിക്കുന്നവരാണ് എതിർ ഭാഗത്ത് ഉണ്ടായിരുന്നത്.അവിടെയാണ് കർണൻ തോറ്റു പോകുന്നത്.

താഴ്ന്ന ജാതയിൽപ്പെട്ട വരുടെ സ്ഥലം ആയത് കൊണ്ട് അത് വഴി പോകുന്ന ബസ്സ് പോലും നിർത്താതെ ആ ഗ്രാമം ഒറ്റപ്പെട്ടു പോകുമ്പോൾ ബസ്സിനു കല്ലെറിഞ്ഞു കൊണ്ട് ഒരു കുട്ടി പ്രതികരിക്കുന്നു..അതിൽ നിന്നും ഉടലെടുക്കുന്ന പ്രശ്നങ്ങൾ ആണ് കർണൻ.

കഥക്കും ഒന്നും വല്യ പുതുമ ഇല്ലെങ്കിലും സിനിമയുടെ മേക്കിംഗ്  ആണ് സിനിമ കാണുവാൻ പ്രേരിപ്പിക്കുന്നത്.ഒട്ടേറെ ലാഗുകളും ക്‌ലീഷേയും  കൊണ്ട്  സമ്പന്നമായ ചിത്രം ധനുഷിന്റെ പ്രകടനം കൊണ്ട് കണ്ടിരിക്കാം.

മലയാളത്തിൽ തിരഞ്ഞെടുത്തു അഭിനയിക്കുന്ന രജീഷ് വിജയൻ ഇതിന് എന്തിന് തലവെച്ച് കൊടുത്തു എന്ന് മനസ്സിലാകുന്നില്ല..ധനുഷിന്റെ ഒന്നിച്ചുള്ള ചിത്രം മിസ്സ് ചെയ്യാതെ ഇരുന്നതാവാം.

അജിത്ത്,വിജയ്  എന്നിവർ വർഷങ്ങളായി  വാഴുന്ന കോളിവുഡിൽ സ്വന്തം കഴിവ് കൊണ്ട് മാത്രം തന്റേതായ ഇരിപ്പിടം കണ്ടെത്തിയ ധനുഷ് തന്റെ ചിത്രങ്ങൾ തിരഞ്ഞെടുക്കുന്നത് വളരെ സൂക്ഷിച്ചാണ്.അത് കൊണ്ട് തന്നെ ധനുഷിന്റെ സിനിമക്ക് ആരാധകര് കൂടുതലുണ്ട്..അതിൻറെ ഒക്കെ ഫലമായി രണ്ടു ദേശീയ അവാർഡും കയ്യിലുണ്ട്.

ധനുഷ് സിനിമയിൽ വ്യത്യസ്തത ഉണ്ടാകും എന്ന് നൂറു ശതമാനം ഉറപ്പുമാണ്.കഥയും ഒന്നും പുതുമ ഇല്ലെങ്കിൽ പോലും തന്റേതായ മാജിക് കൊണ്ട് ഓരോ സിനിമയും പ്രേക്ഷകരെ ഇഷ്ടപ്പെട്ടത് ആക്കുവാൻ കഠിനാധ്വാനം ചെയ്യുന്നുണ്ട് എന്ന് ഉറപ്പാണ്.അത് കൊണ്ട് തന്നെയാണ് പത്തിരുപത് വർഷങ്ങൾക്കിപ്പുറം   " വൺ ഫിലിം വണ്ടർ " എന്ന് പറഞ്ഞ സിനിമ ലോകത്തെ വായടപ്പിച്ച് മുൻനിരയിൽ തുടരുന്നതും..

മാരി സെൽവരാജ് എന്ന സംവിധായകൻ വീണ്ടും തരംഗം സൃഷ്ടിച്ച സിനിമയാണ് കർണൻ."പരിയേരും പെരുമാൾ" എന്ന ആദ്യ ചിത്രത്തിൽ തന്നെ തമിൾ സിനിമയിൽ തന്റെ വരവറിയിച്ച് ഇപ്പൊൾ കർണനിൽ അത് തുടരുന്നു.

ഗൗരി, ലാൽ,യോഗി ബാബു,നടരാജ്, ലക്ഷിമിപ്രിയ എന്നിവരും ധനുഷിന് നല്ല സപ്പോർട്ട് ആയി സിനിമയിൽ ഉണ്ട്.

പ്ര .മോ. ദി .സം

ഓപ്പറേഷൻ ജാവ

നല്ല വിദ്യാഭ്യാസം ഉള്ള ഏതൊരു വ്യക്തിയുടെയും വലിയ സ്വപ്നങ്ങളിൽ ഒന്നാണ്  സ്ഥിരമായ ഒരു ജോലി.. എത്ര നന്നായി പഠിച്ചു വിജയിച്ചു എങ്കിൽ പോലും നല്ലൊരു ജോലി കിട്ടുവാൻ നമ്മുടെ നാട്ടിൽ വല്യ പ്രയാസമാണ്. 

നമ്മുടെ നാട്ടിൽ പഠിച്ചു ജയിച്ചു വരുന്നവർക്ക് ഇവിടെ തന്നെ ജോലി  കൊടുക്കുവാൻ വേണ്ടുന്ന ഒന്നും സർകാർ നല്ലരീതിയിൽ ചെയ്യുന്നുമില്ല..മറ്റു സംസ്ഥാനങ്ങളെ പോലെ വ്യവസായങ്ങളെ പ്രോത്സാഹിപ്പിക്കുവാൻ എന്തോ രാഷ്ട്രീയ കേരളത്തിന് വലിയ മടിയാണ്.. അത് കൊണ്ട് തന്നെ നമ്മുടെ യുവാക്കൾ ജോലി തേടി അന്യസംസ്ഥാനത്തും രാജ്യത്തും കടക്കുകയാണ്...

അതിനും ഒരു പരിധി ഒക്കെ ഉണ്ടല്ലോ..അങ്ങിനെ നിവൃത്തി കേട് കൊണ്ട് ചിലർ ഇവിടെ തന്നെ ആയിപോകുന്നു.ഉന്നത വിദ്യാഭ്യാസം ഉണ്ടായിട്ടും പല കാരണങ്ങൾ കൊണ്ട് അവർക്ക് തുച്ഛമായ വരുമാനത്തിൽ ആട്ടും തുപ്പും സഹിച്ചു ഇവിടെ തന്നെ തുടരേണ്ടി വരുന്നു.പല സ്ഥാപനങ്ങളും ഇത് വലിയ രീതിയിൽ മുതലെടുക്കുന്നു.കാര്യംകഴിഞ്ഞാൽ കറിവേപ്പില പോലെ അവരെ കളയുവാനും അവർക്ക് മടി കാണില്ല..

അങ്ങിനെ എൻജിനീയറിങ് പാസായി കമ്പ്യുട്ടറിൽ വലിയ പരി ജഞാനമുള്ള രണ്ടു യുവാക്കളുടെ നിവൃത്തികേട് ആണ് തരുൺ മൂർത്തി എന്ന പുതുമുഖ സംവിധായകൻ പറയുന്നത്.

ഇവർക്ക് രണ്ടു പേർക്കും സൈബർ സെല്ലിൽ താൽകാലിക ജോലി കൊടുക്കുകയും ഇവരുടെ കഴിവ് കൊണ്ടു സൈബർ സെല്ലിന് നല്ല പേര് കിട്ടുമെങ്കിലും ചില നിയമത്തിന്റെയും സിസ്റ്റത്തിന്റെ യും ഇടപെടലുകൾ അവരെ അവിടുന്ന് കളയുന്നത് ആണ് കാണുന്നത്.

ഒരു സിനിമ എങ്ങിനെ എടുക്കണം എന്നു നന്നായി മനസ്സിലാക്കി ആ പണിക്ക് ഇറങ്ങിയ ഒരു സംവിധായകനെ ഇൗ ചിത്രത്തിൽ ഉടനീളം കാണുവാൻ കഴിയും.. 

ലൗ, ക്രൈം,സെന്റി മെന്റ്സ്,കുടുംബ ജീവിതം,വിരഹം,തേപ്പ് അങ്ങിനെ ഒരു സാധാരണക്കാരന് വേണ്ടുന്ന ഒക്കെ കോർത്തിണക്കി നല്ലൊരു എന്റർടെയ്നർ തന്നെയാണ് തരുൺ ഒരുക്കിയിരിക്കുന്നത്.

രണ്ടായിരത്തി ഇരുപത്തി ഒന്നിലെ ആദ്യത്തെ ബ്ലോക് ബസ്റ്റർ ചിത്രം ഇതായിരിക്കും..സൂപ്പർ താരങ്ങളുടെ നിര പോയിട്ട് ജനപ്രിയ താരങ്ങൾ ആരും ഇല്ലാതെ അഭിനയിക്കാൻ അറിയുന്ന ഒരു കൂട്ടം ആൾക്കാർ നിറഞ്ഞാടുന്ന ചിത്രമാണ് ഇത്.

ഇർഷാദ്, ബിനൂ പപ്പൻ,ബാലു വർഗീസ്, ലൂക്ക് മാൻ ,ഷൈൻ ടോം ചാക്കോ,വിനായകൻ എന്നിവരാണ് തകർത്തു അഭിനയിച്ച ചിലർ..ഇതിൽ എത്ര പേരെ പ്രേക്ഷകർക്ക് പരിചയമുണ്ട്? എന്നിട്ട് പോലും സൈബർ സെൽ കഥ പറയുന്ന ഇൗ ചിത്രം കേരളക്കര ആഘോഷിച്ചു എങ്കിൽ അതിനു കാരണം ചിത്രത്തിന്റെ അണിയറക്കാർ ഇവരിൽ വെച്ച് പുലർത്തിയ വിശ്വാസം തന്നെയാണ്.

അടുപ്പിച്ച് കണ്ട മലയാളത്തിലെ സൂപ്പർ താരം അടക്കം പേരെടുത്ത ആൾക്കാരുടെ മറ്റു സിനിമകൾ മുഴുവൻ അറും ബോറാ എന്ന് പ്രേക്ഷകർക്ക് പറയേണ്ടി വന്നത് സംവിധായകനും നിർമാതാവും വിശ്വസിച്ചത് താരങ്ങളെ മാത്രമായിരുന്നു നടന്മാരേയല്ല...ഇവിടെ നേരെ തിരിച്ചും..

ബോറടി ഇല്ലാതെ നല്ലവണ്ണം ആസ്വദിക്കുവാൻ വേണ്ടുന്ന ചേരുവകൾ ഒക്കെ നിറച്ച ചിത്രമാണ് ഒപ്പേറേഷൻ ജാവ

ജാവ സിമ്പിൾ ആണ് എങ്കിലും പവർ ഫുൾ ആണെന്ന് കണ്ട എല്ലാവരും പറയും തീർച്ച

പ്ര .മോ .ദി .സം

മോഹൻകുമാർ ഫാൻസ്

ചുരുങ്ങിയ ദിവസം കൊണ്ട് മൂന്ന് കുഞ്ചാക്കോ ബോബൻ സിനിമ വന്നാൽ കൺഫ്യൂഷൻ ഉണ്ടാകും.അതിൽ ഒന്ന്  എന്റർ ടൈനറും ഒന്ന് ക്രൈം ത്രില്ലറും  മറ്റൊന്ന് സമൂഹത്തിൽ ഇപ്പോൾ നടക്കുന്ന സംഭവം ഒക്കെ ആയി വ്യത്യസ്തത കൈകാര്യം ചെയ്തത് കൊണ്ട്  മൂന്നും മുഷിവ് അനുഭവപ്പെടില്ല.

കോവിഡ്‌ മഹാമാരി നമ്മളെ പിടിച്ചുലച്ചു നാശമാക്കി ഇല്ലെങ്കിൽ തിയേറ്ററിൽ കൂടി ഇതൊക്കെ നല്ല അഭിപ്രായം പറയിച്ചെനെ...രണ്ടു ചിത്രങ്ങൾ തിയേറ്ററിൽ വന് എങ്കിലും മഹാമാരി കാരണം പിൻവലിച്ചത് ആണ്.

മോഹൻകുമാർ ഫാൻസ് എന്ന പേര് ചിലപ്പോൾ കാണികളെ തിയേറ്ററിൽ നിന്നും അകറ്റിയത് പോലെ തോന്നുന്നു.പക്ഷേ ചിത്രം കണ്ടു കഴിഞ്ഞാൽ ആ പേര് തന്നെയാണ് ഇൗ ചിത്രത്തിന് വേണ്ടത് എന്ന് നമ്മൾ ഉറപ്പിക്കും.

സൺഡേ ഹോളിഡേ,ബൈസിക്കിൾ തീവ്സ്,വിജയ് സൂപ്പറും പൗർണമി യും തുടങ്ങി കാണാൻ കൊള്ളാവുന്ന ചിത്രങ്ങൾ എടുത്ത ജിസ് ജോയ് എന്ന സംവിധായകൻ ബോബി സഞ്ജയ് എഴുതിയ  കഥ എടുത്ത് ഉണ്ടാക്കിയ ചിത്രം ആണ് മോഹൻ കുമാർ ഫാൻസ്.

മമ്മൂട്ടിയും ലാലും  നിറഞാടിയപ്പോൾ മലയാള സിനിമയിൽ പാർശ്വവൽകരിക്ക പെട്ട കുറെ നടന്മാർ ഉണ്ടു.അങ്ങിനെ സൈഡ് ആയിപോയ ഒരു നടന്റെ കഥയാണിത്.ഒരു അവസരത്തിന് വേണ്ടി പത്ത് മുപ്പതു വർഷം കാത്തു നിന്ന് അയാള് കിട്ടിയ അവസരം നന്നായി വിനിയോഗിക്കുന്നു എങ്കിലും തലവര നന്നാകാത്തത് കൊണ്ട് പാതിവഴിയിൽ പ്രതീക്ഷകൾക്ക് ഫുൾ സ്റ്റോപ്പ് ആയിപോകുന്നതാണ് ഇതിവൃത്തം.

സിനിമയിലെ പലതരം പാരവെപ്പും 

അർഹിച്ച അംഗീകാരങ്ങൾ എങ്ങിനെ ഒക്കെ  പലർക്കുംഅകന്നു പോകുന്നു എന്ന് തുടങ്ങി സിനിമയിലെ അണിയറയിലെ ഓരോ  കള്ളകളികളും പറയുവാൻ സംവിധായകൻ ശ്രമിക്കുന്നുണ്ട്.ഇനിയും ഇവിടെ നിന്നും തന്നെ ഭാവിയിലെ ചോറ് തിന്നുവാൻ ആഗ്രഹിക്കുന്നത് കൊണ്ട് അത്ര ആഴങ്ങളിൽ ഇറങ്ങി ചെല്ലുന്ന പരിപാടി കാണിച്ചില്ല എന്ന് മാത്രം.

സിദ്ധിഖ്,കുഞ്ചാക്കോ ബോബൻ,ടീ. ജീ രവി, ശ്രീനിവാസൻ,മുഖേഷ്,രമേശ് പിഷാരടി,വിനയ് ഫോർട്ട് തുടങ്ങി നല്ലൊരു താര നിര അവരുടെ റോളുകൾ നന്നാക്കി.പ്രത്യേകിച്ചും വിനയ് ഫോർട്ട്..പുതിയ നടിയും മോശമാക്കിയില്ല ..

പാട്ടുകളും കൊള്ളാം പക്ഷേ ആവശ്യത്തിൽ അധികം ആയി പോയി എന്ന് തോന്നുന്നു.

 ലിസ്ററൻ സ്റ്റീഫന്റെ മാജിക് ഫ്രെയിം എന്ന മലയാളത്തിലെ ഒന്നാംകിട ബാനറിന്റെ കീഴിൽ കുറച്ചു പേര് ചേർന്ന് നിർമിച്ചതാണ് ഇൗ ചിത്രം..ഇപ്പൊൾ വൻകിട ബാനറുകൾ ആണെങ്കിലും ചെറിയൊരു തോതിൽ പണം ചെലവഴിക്കാൻ മാത്രമേ പലർക്കും ധൈര്യം ഉള്ളൂ.

അതെന്താണ്  വലിയ നിർമാതാക്കൾ റിസ്ക് എടുക്കാത്തത് എന്ന് സിനിമയിൽ മുകേഷിന്റെ കഥാപാത്രത്തിന്റെ ഗതി കണ്ടാൽ മനസ്സിലാക്കാം..

അങ്ങിനെയാണ് മലയാള സിനിമ..വാഴുവാൻ കഴിവുകളാത്രം പോരാ ഭാഗ്യവും വേണം.

പ്ര .മോ .ദി .സം

പുതിയ സർകാർ

 

അടുത്ത ഇടതുപക്ഷ സർകാർ എന്തായാലും അടുത്താഴ്ച സത്യപ്രതിജ്ഞ അധികാരത്തിൽ വരും.ഇപ്പോഴും പല കാര്യത്തിലും സസ്പെൻസ് നിലനിർത്തിക്കൊണ്ട് മന്ത്രിമാരെ ഇനിയും തീരുമാനിച്ചിട്ടില്ല.. മുന്നണി തീരുമാനിച്ചു കഴിഞ്ഞിരിക്കും എന്നാലും പുറത്ത് അറിയിച്ചിട്ടില്ല..

മന്ത്രി സഭയിൽ പുതുമുകുളങ്ങൾ വരുന്നത് സ്വാഗതം തന്നെ. ഒരു പ്രവർത്തന പരിചയവും വേണ്ടാത്തത് മന്ത്രി പണി ആണെന്ന് എല്ലാവർക്കും അറിയാം.ഭരിക്കുന്നത് മുഴുവൻ ഉദ്യോഗസ്ഥർ ആയിരിക്കും.അവരെ ഏകോപിപ്പിച്ച് കൊണ്ട് പോകുവാൻ ഉള്ള പ്രാഗൽഭ്യം മാത്രമാണ് മന്ത്രി പണി. കഴിവുള്ളവൻ പെരെടുക്കും അല്ലാത്തവൻ അവരോപ്പം കൂടി ആ വകുപ്പ് കുട്ടിചോർ ആക്കും.

മുഖ്യമന്ത്രിയും ആരോഗ്യ മന്ത്രിയും മാറില്ല എന്ന് വിശ്വസിക്കുന്നു..പിണറായി തന്നെ അടുത്ത തവണയും മുഖ്യമായി  ഭരിക്കും, മറ്റുള്ളവരെ കൊണ്ട് അത് പറ്റില്ല എന്നുറപ്പുള്ളത് കൊണ്ടാണ് ജനങ്ങൾ വോട്ട് ചെയ്തു ഇടതുപക്ഷത്തെ തന്നെ അധികാരത്തിൽ നിലനിർത്തിയത്. ഇന്നത്തെ സാഹചര്യത്തിൽ കേരളത്തെ നയിക്കുവാൻ പറ്റിയ മറ്റൊരു നേതാവ് ഇല്ല എന്ന് അവർക്കറിയാം.

അതേ പോലെ ആരോഗ്യ രംഗത്ത് ഇത്രയും നല്ല ഭരണം ഉണ്ടായതും ലോകപ്രശംസ ലഭിച്ചതും ടീച്ചറുടെ മികവ് തന്നെയാണ്..നിപ്പയും കോ വിഡ് മഹാമാരിയും പ്രളയകാ ലത്തെ സാക്രമിക രോഗങ്ങളും ഒക്കെ നമ്മെ കൂടുതൽ കഷ്ട്ടത്തിൽ കൊണ്ട് പോവാത്തത് ആരോഗ്യ രംഗത്തെ മികവ് തന്നെയാണ്.. 

ശ്രദ്ധിക്കേണ്ട വലിയൊരു വിഷയം ധനകാര്യം ആണ്.വെറും കള്ളും ലോട്ടറിയും കൊണ്ട് മാത്രം മുന്നോട്ട് പോകുവാൻ ആണ് കഴിഞ്ഞ ധനമന്ത്രി കൂടുതലും ശ്രമിച്ചത്..അദ്ദേഹം ചിത്രത്തിൽ പോലും ഇല്ലാത്ത സ്ഥിതിയിൽ പഴയ മാമൂലുകൾ മാറ്റി  ഇനി നമുക്ക് വരുമാനം ഉണ്ടാക്കാൻ പുതിയ മാർഗങ്ങൾ കൂടി കണ്ടെത്തണം..

നമ്മൾ വർഷങ്ങൾ ആയി എന്തിനും ഏതിനും മറ്റുള്ളവരെ മാത്രം ആശ്രയിച്ച് കഴിയുന്ന സംസ്ഥാനമാണ്..അതിനു മാറ്റം വരണം.നമ്മുടെ പ്രതിഭകൾ ജോലി തേടി "അന്യസംസ്ഥാന തൊഴിലാളികൾ " ആകുന്നതിന് ഒരു ഫുൾ സ്റ്റോപ്പ് വരണം.ഇവിടെ പുതിയ തൊഴിൽ രംഗങ്ങൾ സൃഷ്ടിക്കുന്ന സംരംഭങ്ങൾ വരണം. അതിനു മുൻ കൈ എടുക്കണം... എല്ലാ കാലത്തും എല്ലാ സർക്കാരും ഇൗ കാര്യത്തിൽ മാത്രം ശ്രദ്ധിക്കുന്നില്ല .

ഇനി വിദേശത്ത് നിന്നും വരുന്ന പണത്തിനു വലിയ കുറവ് ഉണ്ടാകും.മഹാമാരി നമ്മുടെ കുറെയേറെ പ്രവാസികളുടെ ജീവിതം വഴിയിൽ നിർത്തിയിരിക്കുന്ന അവസ്ഥയാണ്.അത് കൊണ്ട് തന്നെ പുതിയ വരുമാന മാർഗ്ഗങ്ങൾ നമ്മൾ കണ്ടെത്തണം.

വിദ്യാഭ്യാസ രംഗത്ത് നമുക്ക് നല്ല റിക്കാർഡ് ഉണ്ട്..കഴിഞ്ഞ തവണത്തെ രവീന്ദ്രനാഥ് അത് നല്ല രീതിയിൽ കൊണ്ട് പോയതും ആണ്.അതിനും മീതെ ഒരാളെ ചില  രാഷ്ട്രീയ കമ്മിറ്റ്മെന്റ് പേരിൽ പ്രതിഷ്ഠിച്ചത് ഗവർമേണ്ടിന് ഉണ്ടാക്കിയ ചീത്തപ്പേര് ചില്ലറയല്ല.അത് കൊണ്ട് തന്നെ രാഷ്ട്രീയ  നീക്ക് പോക്കുകൾ കൊണ്ട് പദവി സൃഷ്ടിക്കുന്നതിന് പകരം കഴിവുള്ളവരെ കൊണ്ട് വരണം.

പ്രഗൽഭനായ ജി സുധാകരനും ഇത്തവണ ഇല്ല.അദ്ദേഹത്തിന്റെ വകുപ്പും കൊടുക്കേണ്ടത് അഴിമതിയിൽ കൂടി കയ്യിട്ടു വാരാത്ത ആളെ ആയിരിക്കണം..

 പല വർഷങ്ങൾ ആയി നമ്മുടെ എല്ലാ പ്രതീക്ഷ കളും തെറ്റിക്കുന്നത് ഗതാഗത വകുപ്പ് ആണ്.നന്നാക്കിയാൽ നന്നാവുന്ന വകുപ്പ് തന്നെയാണ് എന്ന് മറ്റു സംസ്ഥാനങ്ങൾ പല തവണ  തെളിയിച്ചതാണ്.ഇവിടെയും തെളിയിക്കാൻ കഴിഞ്ഞതുമാണ്..തൊഴിലാളി സംഘടനകളുടെ അനാവശ്യ ഇടപെടൽ നിർത്തിക്കാൻ നട്ടെല്ലുള്ള ഒരാള് വന്നാൽ നമ്മുക്ക് ഗതാഗത മേഖലയിൽ വലിയ മാറ്റങ്ങൾ ഉണ്ടാക്കാം.

അങ്ങിനെ മുന്നണി ജാതി മത സമവാക്യങ്ങൾ വിസ്മരിച്ചു കഴിവുണ്ട് എന്നു തെളിയിക്കാൻ പറ്റിയ കുറെപേർ ജയിച്ചു വന്നിട്ടുണ്ട്.അവർക്ക് അർഹമായ പരിഗണന കിട്ടണം..നമുക്ക് നല്ലൊരു കേരളത്തെ സൃഷ്ടിക്കാം.

മുഖ്യമന്ത്രി ഉപദേശക സമിതികളുടെ ബാഹുല്യം കുറച്ചു സ്വന്തമായി തീരുമാനം കൈകൊണ്ടാൽ ഭരണം നല്ല രീതിയിൽ കൊണ്ട് പോകാം.പിണറായിയുടെ തീരുമാനങ്ങൾ മുൻപ് പാർട്ടിയെ വലിയ രീതിയിൽ വളർത്തിയതാണ്.ഉപദേശ തീരുമാനങ്ങൾ ആണ് അദ്ദേഹത്തെ പലപ്പോഴും അപഹാസ്യ നാക്കിയത്‌.

വാൽകഷ്ണം:  പാർട്ടിയുടെ വലിയ നേതാവ് ഒരിക്കലും ജനകീയൻ ആയിരിക്കണം എന്നില്ല.പാർട്ടിക്ക് വലിയവൻ ആയത് കൊണ്ടായിരിക്കും  അയാള് ഉന്നത കമ്മിറ്റിയിൽ ഉൾപെട്ടി ട്ടുണ്ടാകുക.നാൽപതിനായിരം വോട്ടിന്  മറ്റൊരാൾ ജയിച്ച സ്ഥലത്ത് നിന്ന് കഷ്ടിച്ച് കയറിപറ്റി എന്നാല് ജനങ്ങൾക്ക് അയാളെ വിശ്വാസം ഇല്ല എന്നതാണ് മനസ്സിലാക്കുവാൻ പറ്റുന്നത്.കുറെയേറെ അവിടുത്തെ പാർട്ടി സഖാക്കൾക്കും...അങ്ങിനെ ഉള്ള ആളെ മന്ത്രി ആക്കുമ്പൊഴും ഒരു പുനർവിചിന്തനം നല്ലതാണ്. മന്ത്രി എന്നത് ജനങ്ങൾക്ക് വേണ്ടിയുള്ളതാണ് പാർട്ടിക്ക് വേണ്ടിയല്ല.

പ്ര .മോ .ദി .സം

നിഴൽ

 

കഥ നമുക്ക് ഇഷ്ട്ടമാണ്.ചില കഥകൾ നമ്മെ ചിന്തിപ്പിക്കും കരയിപ്പിക്കും പേടിപ്പിക്കും.അമ്മ മക്കളോട്  കഥ പറയും അപ്പൂപ്പന് അമ്മൂമ്മ കൊച്ചു മക്കൾക്ക് കഥ പറഞ്ഞു കൊടുക്കും..അങ്ങിനെ പല വിധത്തിലുള്ള കഥകൾ. 

അവർ അതൊക്കെ മറ്റുള്ളവരുമായി ഷെയര് ചെയ്തു എന്നും വരും.പക്ഷേ ഒരു ചെറിയ കുട്ടി പറയുന്ന കഥ  അവന്റെ വയസ്സും വളർച്ചയും കൂടി നോക്കുമ്പോൾ നമുക്ക് ദഹിക്കുന്നില്ല എങ്കിലോ?നമ്മിൽ ചിന്തകള് ഉണ്ടാക്കും. ആ ചിന്തകള് സംശയത്തിലാണ് അവസാനിക്കുക.പിന്നെ അതിനെ കുറിച്ച് അറിയാനുള്ള വെപ്രാളം ആയി.

 എന്തൊക്കെ സംഭവിച്ചാലും നമ്മളിൽ  ചിലർ  അങ്ങിനെയാണ്.ഒരാളെ അങ്ങ് ഇഷ്ട്ടപെട്ടു പോയാൽ ഒരു നിഴൽ പോലെ കൂടെ നിൽക്കും.അവരുടെ സന്തോഷത്തിലും സന്താപത്തിലും പ്രശ്നങ്ങളിലും നമ്മൾ കേരിയങ്ങു  ഇടപെടും.

 ചില മാനസിക പ്രശ്നങ്ങൾ ബുദ്ധിമുട്ടിക്കുന്ന മജിസ്ട്രേറ്റിന്റെ അടുക്കൽ സുഹൃത്ത് വഴി  എത്തുന്ന ഒരു  യാദൃശ്ചിക സംഭവം അദ്ദേഹത്തിന് താൽപര്യം തോന്നുന്നു.അതിൻറെ പിന്നാലെ  പോകുന്ന അദ്ദേഹത്തിന് ഇന്റെരസ്റ്റ് ആയ ചില വിഷയം അതിൽ നിന്നും കിട്ടുന്നതോടെ അദ്ദേഹം അതുമായി മുന്നോട്ടെക്ക് പോകുകയാണ് .. ആ യാത്രയിലെ രസകരവും ഉദ്വേഗവും നിറഞ്ഞ സംഭവങ്ങളാണ് പുതുമുഖ സംവിധായകൻ അപ്പു എൻ ഭട്ടതിരി എസ് സജീവ് എന്ന എഴുത്തുകാരനെ കൊണ്ട് പറയിപ്പിക്കുന്നത്.

തുടക്കം മുതൽ ഒടുക്കം വരെ  സൂരജ് കുറുപ്പിന്റെ സംഗീതം സിനിമക്ക് നല്ല മൈലേജ് കൊടുക്കുന്നുണ്ട്. കുഞ്ചാക്കോ,നയൻതാര,സൈജു കുറുപ്പ്,ലാൽ തുടങ്ങിയവർ ഒഴിച്ച് പലരും പുതിയ മുഖങ്ങൾ ആണ്.അവരവരുടെ വേഷം അവർ നന്നാക്കി അവതരിപ്പിച്ചിട്ടുണ്ട്.

ചില സ്ഥലങ്ങളിൽ ലാഗിങ് കേറി വരുന്നുണ്ട് എങ്കിലും ബി ജി എം കൊണ്ട് തൊട്ട് അടുത്ത രംഗങ്ങൾ  അത് മാറ്റിയെടുക്കാൻ സംവിധായകൻ ശ്രമിച്ചിട്ടുണ്ട്.. തീർച്ചയായും ഒരു തവണ കാണുവാൻ പറ്റിയ സിനിമ തന്നെയാണ് നിഴൽ.

വാക്കഷ്ണം: സിനിമ തീരുമ്പോൾ ചിത്രീകരിച്ച മണിക്കൂറും ഇതിന്റെ പിന്നിൽ അണിനിരന്ന ആളുകളുടെ എണ്ണവും ഒക്കെ കാണിക്കുന്നത് വ്യാജ പതിപ്പുകൾ കാണാതെ പൈസ കൊടുത്ത് കാണുവാൻ വേണ്ടിയാണ്.

നെറ്റ് പൈസ കൊടുത്ത് നി റക്കുന്ന മലയാളി എവിടെ എങ്കിലും സിനിമ വന്നാൽ  ഡൗൺ ലോഡ് ചെയ്തു കാണും എന്നുറപ്പാണ്. അത് കൊണ്ട് ഒ ടീ ടീ റിലീസ് ചെയ്തിട്ട് അവർക്കെതിരെ കേസ് കൊടുത്തത് കൊണ്ട് ഒരു കാര്യവുമില്ല..ഇതിന്റെ സുരക്ഷ ഉറപ്പ് വരുത്തുക കൂടി വല്യ പൈസ കിട്ടുന്ന അണിയറക്കാർ ഉറപ്പ് വരുത്തണം..അല്ലാതെ വർഷങ്ങളായി ഇൗ കരച്ചിൽ നമ്മൾ കേൾക്കുന്നു.

പ്ര .മോ. ദി .സം

നായാട്ട്

 

പോലിസ് എന്നത് ഭരണപക്ഷത്തിന്റെ കയ്യിലെ വെറും പാവകൾ മാത്രമാണോ എന്നുള്ള സംശയം പണ്ട് മുതലേ പലർക്കും ഉള്ളതാണ്.മാറി മാറി വരുന്ന പോലിസ് സേനയുടെ രാഷ്ട്രീയ നിലപാടുകൾ കാണുമ്പോൾ നമുക്ക് അങ്ങിനെ തോന്നിയില്ലെങ്കിൽ മാത്രമേ അൽഭുതം ഉള്ളൂ.

സാധാരണക്കാരായ കുറെയേറെ പോലീസുകാർ എത്ര ആത്മാർത്ഥമായും തന്റെ ജോലി നല്ല രീതിയിൽ അവസാനിപ്പിക്കണം എന്ന് വിചാരിച്ചാൽ പോലും അതിനും മുകളിൽ നിന്നും വരുന്ന ഓരോരോ നിർദേശങ്ങൾ കൊണ്ട് അവരുടെ റൂട്ടുകൾ എങ്ങോട്ടോ മാറി മറിഞു പോകുന്നു.ഒരിക്കലും സമാധാനം കിട്ടാതെ അവർ രാഷ്ട്രീയക്കാർക്ക് വേണ്ടി പണിയെടുക്കുന്നു.

" പോലീസിൽ നല്ലവണ്ണം "പണി" എടുക്കുന്നവർക്ക്  പണി കിട്ടി കൊണ്ടേയിരിക്കും അല്ലാത്തവർക്ക് ഗുഡ് ബുക്ക് എൻട്രിയും"

 എന്ന് മണിയൻ എന്ന കഥാപാത്രം പറഞ്ഞു പോകുന്നത് പോലും ഇൗ കാരണങ്ങൾ കൊണ്ടാണ്.

സാധാരണ ജനങ്ങൾ കുറ്റം ചെയ്താൽ ഓടിച്ചിട്ട് പിടികുന്ന പോലിസ് അവരുടെ സേനയിലെ മൂന്ന് പേര് പ്രതികൾ ആയാൽ എന്ത് ചെയ്യും? അതൊരിക്കലും തീരുമാനിക്കുന്നത്  സേന ആയിരിക്കില്ല

 രാഷ്ട്രീയം,സാഹചര്യം,സേനയിലെ പിടിപാടുകൾ തുടങ്ങി പലതരം പ്രശ്നങ്ങൾ അവർക്ക് മുന്നിൽ ഉണ്ടാകും..അവയൊക്കെ പിന്തുടർന്ന് വരുമ്പോഴേക്കും കേസ്  വട്ടപൂജ്യം ആയി പോയിട്ടുണ്ടാകും..പിന്നെ ഭരണത്തെയും രാഷ്ട്രീയത്തെയും മതത്തെയും ജാതിയെയും ഒക്കെ വെളുപ്പിച്ചു കൊണ്ട് വരുബോൾ നിരപരാധികൾ പ്രതികളും അപരാധികൾ പുറത്തിറങ്ങി വിലസുന്നത് ഒക്കെയാണ് കാണേണ്ടി വരിക.ചിലപ്പോൾ നിരപരാധികളുടെ ജീവൻ നഷ്ട്ടവും.

ഇന്ന് സമൂഹത്തിൽ നടക്കുന്ന പല കുറ്റങ്ങൾക്ക് വിത്തും വളവും നൽകുന്നത് ജാതി മത  രാഷ്ട്രീയം ആണെങ്കിലും അത് കത്തിച്ചു വഷളാക്കി ക്രിമിനൽ സ്വഭാവ ത്തിലേക്  എത്തിക്കുന്നത്  കുറെ  മാധ്യമ ഹിജഡകളുടെ കൂട്ടങ്ങൾ നൽകുന്ന വ്യാജവാർത്തകൾ കൂടിയാണ്.

മാർട്ടിൻ പ്രക്കാട്ട് കുറച്ചു കാലങ്ങൾക്കു ശേഷം വന്നു പറയുന്നത് സാമൂഹിക വിഷയങ്ങൾ തന്നെയാണ്.തുടക്കം മുതൽ ഒടുക്കം വരെ ഒരുതരം ആകാംഷ മൂഡ് വർക് ചെയ്യിക്കുന്നു എങ്കിലും ക്ലൈമാക്സിൽ ചെറിയൊരു കല്ലുകടി അനുഭവപ്പെടും.

കുഞ്ചാക്കോ ബോബൻ, ജോജു,നിമിഷ,അനിൽ,തുടങ്ങി കണ്ടു ശീലിച്ച മുഖങ്ങളും  അല്ലാത്ത കുറെ പേരും കൂടി സിനിമയെ മൊത്തത്തിൽ ഒന്ന് ഉഷാർ ആക്കിയിട്ടുണ്ട്..

ഓൺ ലൈൻ റിലീസ് ഇന്നലെ ആയതിനാൽ കൂടുതൽ കാര്യങ്ങൽ എഴുതുന്നില്ല.. ഇൗ കൊറോണ ലോക് ഡൗൺ കാലത്ത് തീർച്ചയായും ബോറടി ഇല്ലാതെ നൂറ്റി ഇരുപത്തി ഒന്ന് മിനിറ്റ് ആസ്വദിക്കാം.

പ്ര. മോ .ദി. സം

നിങ്ങ എന്ത് കരുതലാണ് ഭായി...

ദിവസങ്ങൾക്ക് ശേഷം കണ്ട ആത്മാർത്ഥ സുഹൃത്ത് ഒരു ഹായ് മാത്രം പറഞ്ഞു അപ്രത്യക്ഷനായ പ്പോൾ മനസ്സൊന്നു മുറിഞ്ഞു..

അല്ലേലും അങ്ങിനെ ആണല്ലോ..പലരും പാതിവഴിയിൽ എന്നോടുള്ള സൗഹൃദം മുറിക്കുന്നത് ഒരു കാരണവും ഇല്ലാതെ ആണല്ലോ..

എന്തായിരിക്കും അവന്റെ ഇങ്ങനത്തെ പെരുമാറ്റത്തിന് കാരണം എന്ന് തലപുകക്കുമ്പോൾ

അവന്റെ കോൾ വന്നു

"എടാ നിന്റെ അടുത്ത് വന്നാൽ നമ്മൾ കൂടുതൽ സംസാരിക്കും..ചിലപ്പോൾ തൊട്ടും പിടിച്ചും സൗഹൃദം പങ്കിടും..ഇന്നലെ മുതൽ വൈഫ്ന്‌   ചെറിയൊരു അസ്വസ്ഥത..കൊറോണയുടെ എല്ലാ ലക്ഷണങ്ങളും ഉണ്ടു...അതാ ഞാൻ....."

മനസ്സിൽ തികട്ടി വന്ന സംശയം എല്ലാം മറ നീക്കി കൊണ്ടിരിക്കുമ്പോൾ ചോദിച്ചു പോയി..

"നിങ എന്ത്  കരുതലാണ് ഭായി...."

 -പ്രമോദ് കുമാർ കൃഷ്ണപുരം