ചിത്രത്തിൻ്റെ അവസാനം നായകൻ കൂട്ടുകാരോട് ചോദിക്കുന്നുണ്ട്.."നിങ്ങളെ ഞാൻ ചതിച്ചോ? പണം കടം വാങ്ങി യിട്ടുണ്ടോ?"..ഇല്ലല്ലോ ...ഇനി ഇവിടെ നിൽക്കണ്ട..എന്നാ പിന്നെ വിട്ടോ?
ശരിക്കും അത് പറയുന്നത് നമ്മളോട് ആണ്..പൈസ വാങ്ങി ടിക്കറ്റ് എടുത്ത് അവസാനം ചതിച്ച മാതിരി അന്തം കുന്തം ഇല്ലാത്ത ക്ലൈമാക്സ് ഉണ്ടാക്കി 3G ആക്കിയിട്ടു അവൻ്റെ ഒരു വിട്ടോ എന്ന്...
വിനീത് കുമാർ എന്ന നടൻ നടനെന്ന നിലയിൽ പല കാരണങ്ങൾ കൊണ്ട് വലിയ ഉയരങ്ങളിൽ എത്താൻ കഴിഞ്ഞില്ല.. അയാൾ ഞാനല്ല എന്ന ഫഹദ്
ഫാസിൽ ചിത്രം സംവിധാനം ചെയ്ത് ആ മേഖലയിൽ എങ്കിലും ഭാവി ഉണ്ടെന്ന് തെളിയിച്ച നടനാണ്.. പക്ഷേ എന്ത് കൊണ്ടോ പിന്നെ ക്യാമറക്കു പിന്നിൽ കണ്ടില്ല.വർഷങ്ങൾക്കു ഇപ്പുറം ഡിയർ ഫ്രണ്ട് എന്ന ചിത്രത്തിൽ കൂടി കളഞ്ഞു കുളിച്ചതും നടനെന്ന നിലയിൽ ഫോളോ ചെയ്യാൻ പറ്റാത്ത അതേ കാരണങ്ങൾ കൊണ്ടുതന്നെയാണ്
ടോവിനോ എന്ന മിനിമം ഗ്യാരണ്ടി യുള്ള നടനെ കിട്ടിയിട്ടും അദ്ദേഹം തൻ്റെ അനായാസ അഭിനയ ശൈലി കൊണ്ട് പടത്തെ കഴിയുന്നത്ര രസകരമായി മുന്നോട്ടെക്ക് കൊണ്ട് പോയിട്ടും കാമ്പില്ലാത്ത അവസാനം ചിത്രത്തെ മൊത്തം പടുകുഴിയിൽ കൊണ്ടിടുകയാണ്.
പല സന്ദർഭങ്ങളിൽ പരിചയപ്പെട്ട സുഹൃത്തുക്കൾ ബാംഗ്ലൂരിൽ തുടങ്ങുന്ന സ്റ്റാർട്ട് അപ്പ് കമ്പനിക്ക് വലിയ ഓർഡർ കിട്ടി കുറച്ചു ദിവസങ്ങൾക്ക് അപ്പുറം അതിൽ ഒരുവനെ കാണാതെ പോകുന്നു .അയാളെയും അന്വേഷിച്ചു പോലീസ് എത്തുന്നതും അയാള് എന്തിന് അപ്രത്യക്ഷമായി എന്ന കൂട്ടുകാരുടെ അന്വേഷണവും ആണ് ഡിയർ ഫ്രണ്ട് പറയുന്നതും..
നല്ല രീതിയിൽ രസകരമായി തുടങ്ങിയ ചിത്രം പകുതി കഴിഞ്ഞു കൈവിട്ടു പോകുകയാണ്..പിന്നെ എങ്ങിനെ എങ്കിലും തീർക്കുവാനുള്ള പരാക്രമങ്ങൾ രസം കൊല്ലി ആയി മാറുന്നു.നല്ലൊരു എണ്ടിങ് പ്രതീക്ഷിക്കുന്ന കാണികളെ വല്ലാതെ പരീക്ഷിച്ചു ചിത്രം അവസാനിപ്പിക്കുമ്പോൾ നായകൻ്റെ മേലെ പറഞ്ഞ ഡയലോഗ് ആയിരിക്കും ഓരോ പ്രേക്ഷകനും കേൾക്കുക..
ഇനി ഇവിടെ നിൽക്കണ്ട...എന്നാ പിന്നെ വിട്ടോ...
പ്ര .മോ .ദി .സം
No comments:
Post a Comment