നമ്മുടെ കേരളത്തെ ആകെ അതിശയിപ്പിച്ചു രസിപ്പിച്ചു ഹിറ്റായ ഫാസിലിൻ്റെ ക്ലാസിക് മണിചിത്രത്താഴു ഓരോരോ ദേശക്കാർ അവർക്ക് ഇണങ്ങുന്ന വിധത്തിൽ മാറ്റി മറിച്ചു പലരൂപത്തിൽ ഹിറ്റ് ആക്കിയിട്ടുണ്ട്..അതൊന്നും നമ്മുടെ ഒറിജിനൽ പ്രോഡക്റ്റ്ന് അടുത്ത് കൂടി വരില്ല എങ്കിൽ പോലും സിനിമ എന്ന ഒരു കലാരൂപത്തിൻ്റെ വിട്ടുവീഴ്ചകൾ അവർക്ക് അതിൽ അനിവാര്യം ആയിരുന്നു.
ഹിന്ദിയിൽ ഭൂല് ബുലയ്യ എന്ന ചിത്രവും അതേ പോലെ അവരുടെ അഭിരുചി അനുസരിച്ച് ഹിറ്റ് ആക്കിയ ചിത്രം ആണ്.അതിൻ്റെ തുടർച്ച അല്ലെങ്കിൽ കൂടി അതേ പേരിനൊപ്പം 2 എന്ന് ചേർത്തത് കൊണ്ട് കൺഫ്യൂഷൻ അടിച്ചു പോകും.. ആ ചിത്രവുമായി ഒരു ബന്ധവും ഇല്ല
പ്രേതബാധ കൊണ്ട് വളരെ കാലമായി പൂട്ടിയിട്ട ബംഗ്ലാവിൽ ബസ്സ് ആക്സിഡൻ്റ് മൂലം "മരിച്ചു' പോയ അവിടുത്തെ പേരകുട്ടിയുടെ അവസാന ആഗ്രഹം എന്ന പേരിൽ വീണ്ടും അതെ കുടുംബം വന്നു താമസിക്കുന്നതും അവർക്ക് പ്രേതത്തിൻ്റെ പല വിധത്തിലുള്ള അനുഭവങ്ങൾ ഉണ്ടാകുന്നതും അതിനിടയിൽ പുതിയ കുറെ സത്യങ്ങൾ വെളിപ്പെടുന്നത് ഒക്കെയാണ് ചിത്രം പറയുന്നത്.
ഗ്രാഫിക് സീനുകൾ കൊണ്ട് നമ്മെ പേടിപ്പിക്കാൻ അകമഴിഞ്ഞ് ശ്രമിക്കുന്നു എങ്കിലും ലോറൻസിൻ്റെ തമിൾ സിനിമ ഒക്കെ കാണുന്ന നമ്മൾക്ക് ഇവിടെ ഒന്നും അനുഭവപ്പെടില്ല
പിന്നെ ഒരു എൻ്റർടൈന്മെൻ്റ് നമുക്ക് വേണ്ടി ഒരുക്കിയത് അല്ലെ എന്ന വിചാരത്തിൽ അധികം ലോജിക് ഒന്നും കണ്ടു പിടിക്കാൻ ശ്രമിക്കാതെ ഇരുന്നാൽ ചിത്രം ആസ്വദിക്കാം.
പ്ര .മോ. ദി .സം
No comments:
Post a Comment