ഉടൻപിറപ്പെ

അണ്ണന് വേണ്ടി തങ്കച്ചിയും തങ്കച്ചിക്ക് വേണ്ടി അണ്ണനും  ജീവിക്കുന്ന ഒരു വീട്. സമൂഹത്തിൽ എന്ത് അനീതി കണ്ടാലും നമ്മുടെ  "സുരേഷ് ഗോപി" പോലെ ഉടനടി തീർപ്പാക്കി കൊടുക്കുന്ന അണ്ണൻ..അവിടെ അദ്ദേഹം നീതിയെയോ ന്യായത്തിൻ്റെയോ അവസാന വാക്കായ കോടതി കയറാതെ തനിക്ക്  തോന്നുന്നത് അടിച്ചിട്ടായാലും  വെട്ടിയിട്ടായാലും വെറുപ്പിച്ചു ആയാലും സാധാരണക്കാർക്ക് വേണ്ടി ചെയ്തു കൊടുക്കും.

അത് കൊണ്ട് തന്നെ നാട്ടുകാർക്ക് അയാള് കൺകണ്ട ദൈവം ആണെങ്കിലും അധികാരികൾക്കും മറ്റും ആയാൽ ശത്രുക്കൾ ആയിരിക്കും. ആ കുടുംബത്തിലേക്ക് നീതിയും ന്യായവും അണുവിട തെറ്റാതെ പരിപാലിക്കുന്ന ഒരാള് തങ്കച്ചിയെ കല്യാണം കഴിച്ചു വന്നാൽ എന്തായിരിക്കും സ്ഥിതി..

അതുമായി ബന്ധപ്പെട്ട് ഉണ്ടാകുന്ന പ്രശ്നങ്ങളും അണ്ണൻ തങ്കച്ചി ബന്ധത്തിൽ പിന്നീട് ഉണ്ടാകുന്ന മാറ്റങ്ങളുമാണ് ശരവണൻ സംവിധാനം ചെയ്ത ഈ അമ്പതാമത്  ജ്യോതിക ചിത്രം പറയുന്നത്.

സമുദ്രക്കനി ,ശശി കുമാർ എന്നിവർ നായകന്മാരായി അഭിനയിച്ച ഈ ചിത്രം പതിവ് ശശികുമാർ ഷോ തന്നെ ആണ് കൂടുതലായും  കാണിക്കുന്നത്. കഥയോ അവതരണമോ  വലിയ പുതുമ ഇല്ലാത്ത ഈ ചിത്രം തീരെ പ്രതീക്ഷിക്കാത്ത ക്ലൈമാക്സ് കൊണ്ട് വ്യത്യസ്തത കൊണ്ടു വരാൻ ശ്രമിച്ചിട്ടുണ്ട്.

മുൻപ് തമിൾ സിനിമയിൽ തന്നെ നൂറാവർത്തി  നമ്മൾ കണ്ട അണ്ണൻ തങ്ക്ച്ചി സെൻ്റിമെൻ്റ്സ് വീണ്ടും  കാണിച്ചു  സാധാരണക്കാരെ കയ്യിലെടുക്കാൻ വേണ്ടി മാത്രമാണ് സൂര്യയും ജ്യോതികയും ചേർന്ന് നിർമ്മിച്ച ഈ ചിത്രം ശ്രമിക്കുന്നത്.

പ്ര .മോ. ദി .സം