കോൾസ്

നമ്മുടെ നാട്ടിൽ കുറെയേറെ കോൾ സെൻ്ററുകൾ ഉണ്ട്.അവയിൽ പലതിലും ലക്ഷകണക്കിന് പേര് ജോലിചെയ്തു കുടുംബം പോറ്റുന്നുണ്ട്..അവരുടെ ജോലിയുടെ നിലനിൽപ്പിനായി അവർ പലപ്പോഴും നമ്മളെ വിളിച്ചു "ബുദ്ധിമുട്ടിക്കാൻ " ശ്രമിക്കാറുണ്ട്.

സത്യത്തിൽ നമ്മൾ  ഇങേതലക്ക് ഏതു അവസ്ഥയിൽ ആണുള്ളത് എന്ന് അവർക്ക് അറിയുവാൻ പാടില്ല..ചിലപ്പോൾ ജോലിയിൽ ആയിരിക്കും ,മരണ വീട്ടിലോ മീറ്റിംഗുകൾ പങ്കെടുക്കുന്നവർ ഒക്കെ ആയിരിക്കും..ഒന്നോ രണ്ടോ തവണ കട്ട് ചെയ്താൽ പോലും വീണ്ടു നമ്മളെ വിളിക്കുമ്പോൾ മാത്രമാണ് നമ്മളിൽ പലരും അസഹ്യത പ്രകടിപ്പിക്കുന്നത്.പക്ഷേ അവർ അവരുടെ ജോലി " തുടരാൻ" വേണ്ടി നമ്മളെ വിളിച്ചു ശല്യപ്പെ ടുത്തി കൊണ്ടിരിക്കും.

അങ്ങിനെ ബോസ് ഒരു ടാർഗറ്റ് നിശ്ചയിച്ച് നന്ദ എന്ന യുവതിയെ ടെൻഷണിലേക്ക് വിടുന്നു.അവർ വിളിക്കുന്ന ഓരോരുത്തരുടെയും അന്നത്തെ  

അപ്പോളത്തെ അവസ്ഥ കാണിക്കുന്നതാണ് സിനിമ കൂടുതൽ ആകർഷണം ആകുന്നത്.

തുടക്കത്തിൽ തന്നെ കൊലപാതക ദൃശ്യത്തിൽ കൂടി കാണിക്കുന്ന സിനിമ പിന്നീട് പലപ്പോഴും പല കൊലപാതകങ്ങളും കാണിക്കുന്നത് കൊണ്ട് ക്ലൈമാക്സിൽ സംവിധായകൻ എന്തോ ഒളിപ്പിച്ചു വെച്ചിരുന്നു എന്ന് നമ്മൾ സംശയിക്കുന്നു.

കുട്ടികളോട് അടുപ്പമുള്ളവർ ചെയ്യുന്ന വൃത്തികേടുകൾ അവരുടെ വ്യക്തിത്വത്തെ എത്രമാത്രം ബാധിക്കുന്നു എന്നത് കൂടി ചിത്രം പറയുന്നുണ്ട്.അത് ആരോടും പറയുവാൻ പറ്റാത്തത് കൊണ്ടു ഉള്ളിൽ അടക്കി പിടിച്ചു ജീവിക്കേണ്ടി വരുന്ന ആയിരങ്ങൾ ചുറ്റിലും ഉണ്ട്.അവരൊക്കെ എല്ലാം അടക്കി പിടിച്ച് ജീവിക്കാതെ വിശ്വസിക്കുന്ന ആരോടെങ്കിലും എല്ലാം തുറന്നു പറഞ്ഞാല് ഒരു പരിധിവരെ നമ്മുടെ സമൂഹത്തിൽ ഇത്തരം പ്രവണതകൾ ഇല്ലാതാക്കാൻ പറ്റും.

പ്ര. മോ .ദി .സം