പരിസ്ഥിതി ദിനത്തിൽ മാത്രം മരങ്ങൾ വെച്ച് പിടിപ്പിച്ചു പബ്ലിസിറ്റിക്ക് വേണ്ടി മാത്രം ആൾക്കാരെ കാണിക്കുന്ന കുറെ പ്രകൃതി സ്നേഹികൾ ഉണ്ടു നമ്മുടെ നാട്ടിൽ.എന്നാല് അതിൽ നിന്നും ഒക്കെ വിഭിന്നമായി പ്രകൃതിയോട് ഒത്തൊരുമിച്ച് ജീവിച്ചു അവയെ സംരക്ഷിക്കുന്ന ചുരുക്കം ചിലരും നമുക്ക് ചുറ്റുമുണ്ട്..പ്രകൃതിക്ക് നൊന്താൽ അവർ പെട്ടെന്ന് തിരിച്ചറിയുകയും അവരുടെ കരൾ പിടയുകയും ചെയ്യും.പിന്നെ എന്ത് വിലകൊടുത്തും പ്രകൃതിയെ സംരക്ഷിക്കും..അങ്ങനെയുള്ള ഒരു പ്രകൃതിസ്നേഹിയുടെ കഥയാണ് ഭൂമിക.
മലയാളത്തിൽ ഫ്രിഡ്ജിൽ സ്മാർട്ട് ഫോണിൽ ഒക്കെ പ്രേതങ്ങൾ കയറി കൂടിയ സ്ഥിതിക്ക് തമിഴിൽ അത് ഫോണിൽ മെസ്സേജ് അയക്കുന്ന പ്രേതം വരെ എത്തിയിരിക്കുന്നു.പ്രേത സിനിമകൾ കാണുമ്പോൾ ലോജിക്ക് മടക്കി പോക്കറ്റിൽ ഇട്ടിട്ടു പോകണം എന്നുള്ളത് കൊണ്ടു അതൊക്കെ നമ്മൾക്ക് സഹിച്ചെ മതിയാകൂ.
പുതിയ ടൗൺഷിപ്പ് പണിയാൻ എത്തിയ കൂട്ടുകാരും കുടുംബവും ഒരു രാത്രിയിൽ അനുഭവിക്കുന്ന അസാധാരണ അനുഭവങ്ങൾ ആണ് ചിത്രം പറയുന്നത്.എന്ത് കൊണ്ട് അവർക്ക് അങ്ങിനെ ഉള്ള അനുഭവങ്ങൾ നേരിടേണ്ടി വരുന്നു എന്നത് ഉപകഥയായി പറയുന്നുമുണ്ട്..
ക്യാമറ കണ്ണുകൾ ഒപ്പിയെടുത്ത പ്രകൃതിയുടെ മനോഹര ദൃശ്യങ്ങൾ തന്നെയാണ് ചിത്രത്തിൽ കൂടുതൽ ആകർഷിക്കുക..ഓട്ടിസ്സം വന്ന കുട്ടിയായി അഭിനയിച്ച അവന്തിക ശരിക്കും തകർത്ത് അഭിനയിച്ചു.പിന്നെ ഉള്ള ഒരു പരിചയ മുഖം ഐശ്വര്യ രാജേഷ് ആണ്.
കാർത്തിക് സുബ്ബരാജ് അവതരിപ്പിച്ചു രതീന്ദ്രൻ R പ്രസാദ് സംവിധാനം ചെയ്ത ഹൊറർ ചിത്രം അധികം "ബാധ്യത " കളൊന്നും കൂടാതെ കണ്ടിരിക്കാം.
പ്ര .മോ. ദി .സം
No comments:
Post a Comment