മുപ്പതു വർഷം മുൻപ് സിബി- ലോഹി കൂട്ടുകെട്ടിൽ മലയാളത്തിൽ " ദശരഥം" എന്നൊരു ചിത്രം വന്നിരുന്നു .നല്ല പാട്ടും സെൻ്റി മെൻ്റ്സ് ഒക്കെ ഉള്ള വാടക ഗർഭപാത്ര ത്തിൻ്റെ കഥ പറഞ്ഞ ചിത്രം തിയേറ്ററിൽ അത്ര ഓടിയില്ല..കാരണം ആ കാലത്ത് "വാടക ഗർഭ പാത്രം" കഥ മലയാളിക്ക് പരിചയം ഉണ്ടായിരുന്നില്ല ചിന്തിക്കുവാൻ കൂടി പറ്റില്ലായിരുന്നു.പിന്നീട് ടിവി ചാനലിൽ വന്നത് കൊണ്ടാണ് പലരും അത് കണ്ടതും നല്ല അഭിപ്രായങ്ങൾ വന്നതും..
മീമി യുടെ കഥയും അത് തന്നെ..ബോളിവുഡ് സ്വപ്നം കണ്ടു നടക്കുന്ന ഡാൻസർ , അതിൻ്റെ തയ്യാറെടുപ്പിൽ പണം ആവശ്യമായ അവസ്ഥയിൽ തൻ്റെ ഗർഭപാത്രം വിദേശി ദമ്പതികൾക്ക് വാടകക്ക് കൊടുക്കുന്നു..പ്രസവത്തിന് തൊട്ടുമുൻപ് ചില പ്രശ്നങ്ങൾ കാരണം അവർക്ക് കുട്ടിയെ സ്വീകരിക്കാൻ കഴിയാതെ വരികയും പിന്നീട് "മിമി "യുടെ ജീവിതവും ആണ് സിനിമ. ദശരഥം പോലെ തന്നെയാണ് ഇതിൻ്റെ ക്ലൈമാക്സും... സിനിമയുടെ പോക്ക് കാണുമ്പോൾ അതൊക്കെ നമുക്ക് ഊഹിക്കാൻ പറ്റും..
AR റഹ്മാൻ്റെ സംഗീതം തന്നെയാണ് ചിത്രത്തിൻ്റെ ഹൈലൈറ്റ്..പരമ സുന്ദരി എന്ന ഗാനം സൂപ്പർ ഹിറ്റ് ആയി കഴിഞ്ഞു .പങ്കജ് തിപാടിയും കൃതി സനിനും മുഖ്യ വേഷം ചെയ്ത ചിത്രം ലക്ഷ്മൺ ഉറ്റെക്കർ സംവിധാനം ചെയ്തിരിക്കുന്നു.
അധികം ബഹളം ഒന്നുമില്ലാതെ ബോളിവുഡിൽ അടുത്ത കാലത്ത് വന്ന ഈ ചിത്രം ബോറടി ഒന്നുമില്ലാതെ രസിച്ചു കാണാം.
പ്ര.മോ. ദി. സം
No comments:
Post a Comment