ചക്ര

 

ഇന്ത്യ ഡിജിറ്റൽ ആയി മാറിയിട്ട് അധികം വർഷങ്ങൾ ആയിട്ടില്ല . നമ്മുടെ സ്മാർട്ട് ഫോണിൽ വിരൽതുമ്പു കൊണ്ട് ലോകത്തെ സകല വിവരങ്ങളും അറിയുവാനും നമ്മുടെ സകല കാര്യങ്ങളും പങ്ക് വെക്കുവാനും തുടങ്ങിയപ്പോൾ ക്രിമിനലുകൾ അതിൻ്റെ സാധ്യതകൾ മിസ്സ്യൂസ് ചെയ്യുവാൻ തുടങ്ങി.  നമ്മൾ പങ്ക് വെക്കുന്നത് ഒക്കെ ചോർത്തി നമുക്ക് തന്നെ ആപ്പ് വെക്കുന്ന അനേകം കേസുകൾ ദിനം പ്രതി പത്രത്തിലും ന്യുസ് ചാനലിലും വരുന്നുണ്ട്.ആ കഥയാണ് വിശാൽ നിർമിച്ചു ആനന്ദൻ സംവിധാനം ചെയ്ത "ചക്ര "എന്ന തമിഴ് സിനിമ.

ഒരു സ്വതന്ത്ര ദിനത്തിൽ സിറ്റിയിലെ അൻപതോളം വീടുകളിൽ  കോടികളുടെ റോബറി നടക്കുന്നു. അതും ആർക്കും പരിക്കേൽക്കാതെ തോക്കിൻ്റെ മുൻപിൽ നിർത്തി മുഖംമൂടി അണിഞ്ഞ രണ്ടു പേര്...അതിൽ അച്ഛന് കിട്ടിയ പരംവീര ചക്ര കൂടി നഷ്ടപ്പെടുമ്പോൾ സൈനികനായ മകന് ദേശബോധം ഉണരുകയും  സുഹൃത്തായ പോലീസ് ഓഫിസറുടെ കൂടെ അതിനു പിന്നാലെ പോയി കണ്ടു പിടിക്കുന്നതും ആണ് കഥാസാരം.

വിശാൽ എന്ന നടൻ തമിഴിൽ കസേര നീട്ടി ഇരുന്നിട്ട് വർഷങ്ങൾ ആയി.ഇപ്പോഴും നല്ല എൻ്റർടൈൻ നൽകുന്നതിൽ മുൻപന്തിയിൽ തന്നെ ഉണ്ടു താനും.അജിത്ത്, സൂര്യയെ പോലെ വിത്യസ്ത വേഷങ്ങൾ സ്വീകരിക്കാതെ ഒരേ പാറ്റേണിൽ "വിജയ്" കളിക്കുകയാണ് വിശാൽ ..എങ്കിലും ചിത്രങ്ങളിൽ എന്തെങ്കിലും ആകർഷണം ഉണ്ടാകും.അത് ഈ സിനിമയിലും കാണുന്നുണ്ട്.സൈനികനായി കിടിലൻ ലുക്കിൽ തന്നെയാണ് വിശാൽ പൂണ്ടു വിളയാടുന്നത്.

റജീന കസാന്ദ്രയുടെ  ചെസ്സ്   കോ  ച്ച്  ആയിട്ടുള്ള വ്യതസ്ത മുഖമാണ് ചിത്രത്തിൻ്റെ മറ്റൊരു  ആകർഷണീയത.കൂടെ ശ്രദ്ധ ശ്രീനാഥിൻ്റെ പോലീസ് വേഷവും.വർഷങ്ങൾക്കു ശേഷം കെ ആർ വിജയയും സ്ക്രീനിൽ എത്തുന്നുണ്ട്.

യുവൻ ശങ്കർ രാജ സംഗീത സംവിധാനം ചെയ്തിട്ടു കൂടി ഒരേ ഒരു പാട്ട് മാത്രമേ മുഴുവനായും ഉള്ളൂ...എങ്കിലും യുവൻ പാശ്ചാത്തലത്തിൽ നല്ല രീതിയിൽ ചെയ്തിട്ടുണ്ട്.

"അത്യാഗ്രഹം" ഒന്നും ഇല്ലെങ്കിൽ കാണാൻ പറ്റിയ നല്ലൊരു എൻ്റർ ടൈനർ തന്നെയാണ് "ചക്ര."

പ്ര .മോ. ദി. സം