ടെസ്റ്റ്

  

ഇന്ത്യ പാകിസ്ഥാൻ ക്രിക്കറ്റ് മത്സരം എന്ന് പറഞാൽ ചിലർക്ക് അത് സ്‌പോർട്സ്മാൻ സ്പിരിറ്റിൽ എടുക്കുവാൻ കഴിയില്ല..മാധ്യമങ്ങൾ അത്  രണ്ടു "സഹോദര "രാജ്യങ്ങൾ തമ്മിലുള്ള യുദ്ധമായി മാറ്റി പാക്കിസ്ഥാന് എതിരെ  പലരുടെയും മനസ്സിലേക്ക് വിഷം കുത്തിവച്ച് റേറ്റിംഗ് കൂട്ടും.

അതുകൊണ്ട് തന്നെ കളികളത്തിന് പുറത്ത് ബെറ്റ് കൊണ്ട് കുറെയേറെ സബാ ധിക്കുന്ന ഗൂഢ ശക്തികൾ ഉണ്ട്. അവർ ബെറ്റ് വെച്ച് ടീമംഗങ്ങളെ സ്വാധീനിച്ചു മത്സരഫലം തങ്ങൾക്ക് അനുകൂലമാക്കി കോടികൾ നേടുന്നു.

അർജുൻ എന്ന ഇന്ത്യ കണ്ട എക്കാലത്തെയും മികച്ച ബാറ്റ്സ്മാൻ കരിയറിൽ ഫോം നഷ്ടപ്പെട്ടു നിർണായക അവസ്ഥയിൽ നിൽക്കുന്ന  സമയത്ത് ടീമിൽ പോലും സ്ഥാനം ഇല്ലെന്നറിയുമ്പോൾ വിരമിക്കുവാൻ നിർബന്ധിതനാകുന്നു..പരമ്പരയ്ക്ക് ഇടമുള്ള വിരമിക്കൽ ടീമിനെ ബാധിക്കും എന്നതിനാൽ അവസാന മത്സരം കളിക്കാൻ അവസരം നൽകുന്നു.

ടെസ്റ്റ് മൽസരത്തിൻ്റെ തലേന്ന് മകൻ കിഡ്നാപ്പ് ചെയ്യപ്പെടുകയും തങ്ങൾ പറയുംപോലെ കളിക്കുവാൻ അജ്ഞാതൻ ആവശ്യപ്പെടുന്നതും പിന്നീടുള്ള സംഭവങ്ങളുമാണ് ചിത്രത്തിൻ്റെ ഇതിവൃത്തം.

മാനവ ലോകത്തിനു മുഴുവൻ ഗുണം കിട്ടുന്ന പുതിയ കണ്ടുപിടിത്തം നടത്തിയിട്ടും അത് പല നൂലാമാലകളിൽ പെട്ട് വിജയം കാണാതെ പോകുമ്പോൾ അതിനു അംഗീകാരം കിട്ടാതെ പോകുമ്പോൾ ഏതൊരാൾക്കും ഉണ്ടാകുന്ന അസ്വസ്ഥതകൾ കുടുംബത്തിലെ പ്രശ്നങ്ങൾ പണത്തിൻ്റെ പിരിമുറുക്കങ്ങൾ ഒരാളെ എത്രത്തോളം സ്വർത്ഥനാക്കുമെന്നും അയാളുടെ പ്രവർത്തികൾ എങ്ങിനെ ഉണ്ടാകുമെന്നും ഈ ചിത്രം കാണിച്ച് തരുന്നു.

ജീവിതത്തിൽ അയാൾക്ക് വിജയിക്കാൻ കിട്ടുന്ന അവസരം ക്രിക്കറ്റ് കളിയുമായി കൂട്ടി യോജിപ്പിച്ച് അവതരിപ്പിച്ചിരിക്കുകയാണ് മാധവൻ,സിദ്ധാർത്ഥ്,നയൻതാര,മീര ജാസ്മിൻ എന്നിവർ മുഖ്യ വേഷത്തിൽ എത്തുന്ന ചിത്രം.

സിനിമ ബിസിനസ്സ് എന്നത് ഞാണിന്മേൽ ഉള്ള കളിയാണ്.അത് മാർക്കറ്റ് ചെയ്യുവാൻ അറിയില്ലെങ്കിൽ പെട്ടുപോകും.അന്തവും കുന്തവും ഇല്ലാത്ത എംപുരാൻ സംഘപരിവാർ വിരുദ്ധത നിറച്ച് മാർക്കറ്റ് ചെയ്തു കോടികൾ കൊയ്തത് പോലെ ആളുകളുടെ വികാരം മുതലെടുത്ത് വിജയിപ്പിക്കുവാൻ  എല്ലാവർക്കും പറ്റില്ല എന്നുള്ളത് കൊണ്ടാവാം നല്ല താരങ്ങൾ ഉണ്ടായിട്ടും നല്ലൊരു ഇതിവൃത്തം ആയിട്ടും ഈ സിനിമ ഡയറക്ട് ഓട്ടിട്ടി റിലീസ് ആയി പോയത്.

പ്ര.മോ.ദി.സം

അൻപോട് കൺമണി

 

കല്യാണം കഴിഞ്ഞ് കുറച്ചു നാളുകൾ കഴിഞ്ഞാൽ പലരുടെയും ചോദ്യം ഉണ്ട് ."വിശേഷം ഒന്നുമായില്ലേ?" ആദ്യം കുടുംബത്തിൽ നിന്നും തുടങ്ങുന്ന ഈ ചോദ്യം പിന്നീട് പടർന്നു നാട്ടികാരിലേക്കു എത്തും...

ആദ്യമാദ്യം വ്യക്തമായ ഉത്തരങ്ങൾ നൽകിയവർ പിന്നീട് ഈ ചോദ്യത്തെ വെറുക്കാൻ തുടങ്ങും ഉത്തരങ്ങള് വ്യക്തത ഇല്ലാത്ത വരും.. അപ്പൊ ആളുകൾ തങ്ങൾക്കു ആവുന്ന വിധത്തിൽ കഥകൾ ഉണ്ടാക്കി പ്രചരിപ്പിക്കും.

ചെക്കനാണ് കുഴപ്പം എന്ന് പെണ്ണ് സൈഡ് കുറ്റം പറയുമ്പോൾ അപ്പുറത്ത് നേരെ തിരിച്ചും...അങ്ങിനെ ചോദ്യങ്ങൾക്ക് നടുവിൽ അസ്വസ്ഥതയോടെ ജീവിക്കേണ്ടി വരുന്ന കുറെയേറെ ജന്മങ്ങൾ ഉണ്ട് .അവരുടെ കഥയാണ് ഇത്.

തലശ്ശേരിയിൽ ഷൂട്ട് ചെയ്ത ചിത്രം ആ നാട്ടിലെ ഭാഷ തന്നെയാണ് ചിത്രത്തിന് ഉപയോഗിച്ചിരിക്കുന്നത്..മലബാർ വിട്ടാൽ പല വാക്കുകളും കൃത്യമായ അർഥം മനസ്സിലാക്കാൻ പറ്റാത്ത അവസ്ഥ ഉണ്ടാവാതിരിക്കാൻ സാദ്ധ്യത ഉണ്ട്..മുൻപ് വടക്കൻ സെൽഫിയിൽ ഇത് പോലെ ഉപയോഗിച്ചത് സ്വീകരിക്കപ്പെട്ടത് കൊണ്ടായിരിക്കും ഇതിലും തുടർന്നത്.

അർജുൻ അശോകൻ,അനഘ,മാല പാർവതി,നവാസ് വള്ളിക്കുന്ന്,അൽതാഫ്,ജോണി ആൻ്റണി എന്നിവർ അഭിനയിച്ച ചിത്രം സംവിധാനം ചെയ്തത് ലിജോ തോമസ് ആണ്.സാമുവേൽ അബി സംഗീതം നിർവഹിച്ച നല്ല ഗാനങ്ങൾ ചിത്രത്തിന് നല്ല ഫീലിംഗ് നൽകുന്നുണ്ട്.

പ്ര.മോ.ദി.സം

എമ്പുരാൻ

 

*സിനിമയെ സിനിമയായി മാത്രം കണ്ട് ആസ്വദിക്കുവാൻ പറ്റുന്നവർക്ക് ഈ സിനിമ ആസ്വദിക്കുവാൻ പറ്റും.കേരള സ്റ്റോറി,ഛാവ,എന്നീ സിനിമകൾ "ഞമ്മക്കു"  എതിരാണ് എന്നും വാരിയങ്കുന്നൻ വന്നാൽ മലയിടിഞ്ഞു പോകും എന്നൊക്കെ വിശ്വസിക്കുന്ന മതങ്ങളുടെ പേരിൽ മുതലെടുപ്പ് നടത്തുന്ന സംഘികളും ജിഹാദികളും തിയറ്ററിൻ്റെ പരിസരത്ത് പോലും പോകരുത്.

*അങ്ങനെയുള്ള ചിലർ നമ്മുടെ ഇടയിൽ ഉണ്ടായത് കൊണ്ടാണ് ശനിയാഴ്ച കാണുവാൻ പ്ലാൻ ചെയ്ത സിനിമ ഇന്ന് കാണുവാൻ പറ്റിയത്. അവരൊക്കെ സിനിമ കാണാതെ ബഹിഷ്കരിക്കുക ആണ് പോലും..

* സിനിമക്ക് വ്യക്തമായ ടാർഗറ്റ് ഉണ്ട്...അത് കൊണ്ട് തന്നെ നമ്മുടെ നാട്ടിലെ വലിയൊരു കലാപം എങ്ങിനെ ഉണ്ടായി എന്നത് മറച്ചു വെച്ച്  അതിനു ശേഷം ഉണ്ടായ കലാപത്തിൻ്റെ "ഇരകളെ" കൊണ്ടാണ് സിനിമ മുന്നോട്ട് പോകുന്നത്. വാരിയൻകുന്നൻ ചെയ്യാൻ പറ്റാത്തതിൻ്റെ വിഷമം പൃഥ്വീരാജ് ഇതിലൂടെ തീർക്കുവാൻ ഒരു ശ്രമം നടത്തുന്നുണ്ട് എന്ന് തോന്നിയാൽ കുറ്റം പറയാൻ പറ്റില്ല.

*രാഷ്ട്രീയത്തിൽ അടിമപെട്ടുപോയവർ ഈ സിനിമ ഒരിക്കലും  കാണരുത്.ഒരു രാഷ്ട്രീയ പാർട്ടിക്ക് മാത്രമല്ല ,കേരളം മതേതരം എന്ന് പറഞ്ഞു വർഷങ്ങളായി നമ്മളെ കബളിപ്പിക്കുന്നവർക്കും,അപ്പൻ ആനപ്പുറത്തിരുന്നതിൻ്റെ തഴമ്പ് കാണിച്ച് രാഷ്ട്രീയത്തിൽ ഉന്നത സ്ഥാനത്ത് കേറി മറ്റുള്ളവരെ ഭരിക്കുന്നവർക്കും ഈ സിനിമ പിടിക്കില്ല.

*അധികാരം കിട്ടാതെ വരുമ്പോൾ ഈഡി യെയും സി ബി ഐ യെ കൊണ്ടും ഭീഷണിപ്പെടുത്തി തങ്ങൾക്ക് അനുകൂലമാക്കുന്ന കേന്ദ്ര രാഷ്ട്രീയ കളികൾ ശക്തമായി വിമർശിക്കുന്നുണ്ട്.അതുകൊണ്ട് തന്നെ ഇതിൽ ടാർഗറ്റ് ചെയ്തവരെ ഊഹിക്കാൻ പ്രയാസമില്ല.

*എബ്രഹാം ഖുറേഷിക്ക് ഒരു "എടുപ്പ്" ഇല്ല.. പണ്ട് ഗൾഫുകാർ ഓട്ടോ പിടിച്ചു പോകുന്നത് പോലെയാണ് ഇടക്കിടക്ക് ഹെലികോപ്ടറിൽ താങ്ങാൻ പറ്റാത്ത കനമുള്ള കോട്ടും സൂട്ടും ഇട്ടു വരുന്നത്..അതൊക്കെ അഴിച്ച് മുണ്ടും മടക്കി കുത്തി സ്റ്റീഫൻ നേടുമ്പള്ളി ആയി വരുമ്പോൾ ഒരു ഗുമ്മുണ്ട് .ഭയങ്കരമായ ഒരു"എനർജി" ഫീൽ ചെയ്യുന്നുമുണ്ട്. 

*ലാലേട്ടൻ്റെ കട്ട ആരാധകർക്ക് ഈ സിനിമ നിരാശ നൽകും..ലാലേട്ടനെ ഒതുക്കി കളഞ്ഞത് പോലെ തോന്നിയാൽ അൽഭുതപെടാനില്ല..കഥയും തിരക്കഥയും ഒരുക്കിയ മുരളി ഗോപിയെ ഒതുക്കി സ്ക്രിപ്റ്റ്  പൊളിച്ചെഴുതിയിട്ടുണ്ട്.. പിന്നെയാ...വെറുതെയല്ല മമ്മൂക്കയ്ക്ക് ശബരിമലയിൽ വഴിപാട് നേർന്നത്.

*ലൂസിഫർ മൂഡിൽ ഒരിക്കലും ഈ ചിത്രം കാണുവാൻ പോകരുത്..ലൂസിഫർ അത്... ലൂസിഫർ ആണ് ..കേരളത്തിൻ്റെ ഇട്ടാ വട്ടത്തിൽ ഉള്ള കളികൾ..

ഇത് പാൻ ഇന്ത്യൻ എമ്പുരാൻ ..പാൻ ഇന്ത്യ എന്നൊക്കെ പറഞാൽ ഹിന്ദിയും ഇംഗ്ലീഷും ഒക്കെ കുറെ പറയുന്നതാണ് ,കുറെ വിദേശ താരങ്ങൾ, അന്യസംസ്ഥാന താരങ്ങൾ അഭിനയിക്കുന്നതാണ് എന്നൊരു വിശ്വാസം സംവിധായകന് ഉണ്ടെന്ന് തോന്നുന്നു.

*ഹിന്ദിയും ഇംഗ്ലീഷും മാത്രമല്ല കുറെ ഹോളിവുഡ്,കൊറിയൻ സിനിമകൾ കണ്ട അനുഭവം ഇതിൽ ഉൾപ്പെടുത്താൻ സംവിധായകൻ കിണഞ്ഞു പരിശ്രമിച്ചിട്ടുണ്ട്..അത് കൊണ്ട് തന്നെ ചില സീനുകൾ ഒക്കെ അടാർ ഐറ്റം ആക്കി മാറ്റിയിട്ടുണ്ട്..

*ഇടക്കിടക്ക് ഉണ്ടാകുന്ന ലാഗ് കൂടി ആകുമ്പോൾ തമ്പുരാനെ എന്നൊക്കെ നമ്മളും സംവിധായകൻ്റെ അമ്മ വിളിച്ചത് പോലെ വിളിച്ചു പോകുന്നുണ്ട്..തള്ളി തളളി മറിക്കുന്ന സിനിമകൾ കാണാൻ പോകരുത് എന്നു എന്നെ അറിയുന്ന ആളുകൾ പണ്ടേ പറഞ്ഞിട്ടുണ്ട് ..പക്ഷേ കേട്ടില്ല അതുകൊണ്ട് എന്താ കൂടുതൽ തള്ളി മറിച്ച വില്ലൻ ആരാണെന്ന് ഇപ്പോഴും എനിക്ക് മനസ്സിലായിട്ടില്ല.. ആ മുഖം സിനിമകളിൽ കണ്ട ഓർമ പോലും ഇല്ല...ഇംഗ്ലീഷും കൊറിയൻ ഒക്കെ കാണാത്തത് കൊണ്ടായിരിക്കും.എന്തായാലും L3 ഇറങ്ങുന്നതിനു മുൻപ് കണ്ടേക്കാം 

പ്ര.മോ.ദി.സം