ദേവദാസിനെ എല്ലാവർക്കും പറഞ്ഞാല് അറിയാം..പ്രണയ കഥയിലെ ദുരന്ത നായകൻ..ദേവദാസിൻ്റെ അനുകരണമായി മുൻപ് കുറെ പ്രണയം നഷ്ട്ടപെട്ട ഹതഭാഗ്യർ കുടിച്ചും കുളിക്കാതെ നനക്കാതെ താടിയും മുടിയും നീട്ടി വളർത്തി നഷ്ട്ട പ്രണയത്തെ താലോലിച്ചു ജീവിതം നശിപ്പിച്ചിരുന്നു.
കാലം മാറിയപ്പോൾ " ദേവദാസ്" ഒക്കെ വെറുപ്പിൻ്റെ പകയുടെ പ്രതീകങ്ങൾ ആയി മാറി പ്രണയം ഉപേക്ഷിച്ച വരെ ആസിഡും പെട്രോള് ഒക്കെ ഉപയോഗിച്ച് നശിപ്പിക്കുന്ന അവസ്ഥയിൽ എത്തി..ചിലർ പ്രതികാരങ്ങൾ അവരെ വിടാതെ പിന്തുടർന്ന് ടോർച്ചർ ചെയ്ത് കൊണ്ട് ആഘോഷിച്ചു.
അങ്ങിനെ ദേവദാസിൻ്റെ നാല് "സഹോദരർ" കഥ പറയുകയാണ് ഈ തമിഴ് ചിത്രം.പ്രേമിക്കാൻ ഒട്ടും താൽപര്യം ഇല്ലാത്ത വിവിധ സ്ഥലങ്ങളിൽ ഉള്ള നാല് ചെറുപ്പക്കാരെ നിർബന്ധിച്ച് പ്രേമിപ്പിച്ച് കല്യാണം കഴിക്കുവാൻ ആവശ്യപ്പെടുമ്പോൾ വഴിമാറി നടകുന്ന നാല് യുവതികൾ. പ്രേമ നൈരാശ്യ കൊണ്ട് ജീവിതം തുലച്ചു കളയേണ്ടി വന്ന അവർ ലഹരിയിൽ അടിമകൾ ആകുന്നു.
ബാറിൽ ഒത്ത് കൂടുന്ന അവർ പരസ്പരം കഥകൾ പറയുന്നതും പ്രതികാരത്തിന് വേണ്ടി ഒരുമിക്കുകയും അവസാനം കാര്യങ്ങൽ കൈവിട്ടു പോകുന്നത് ഒക്കെയാണ് കഥ.
ആദ്യ പകുതിയിൽ പ്രണയവും പാട്ടുകളും കൊണ്ട് നല്ല രീതിയിൽ പോയ കഥ പിന്നീട് എങ്ങോട്ട് പോകണം എന്നറിയാതെ ഉഴലുകയാണ്..എന്നാലും ഒന്നര മണിക്കൂറിനുള്ളിൽ സിനിമ തീർത്തു സംവിധായകൻ നമ്മളെ നമ്മുടെ പാട്ടിന് വിടുന്നുണ്ട്..അത് തന്നെയാണ് വലിയ ആശ്വാസം ആകുന്നത്.
പ്ര .മോ. ദി .സം
