ഒരാളുടെ മോശം സമയത്താണ് കല്യാണവും വീടുപണിയും ഒക്കെ ഉണ്ടാവുക എന്ന് ഒരു ചൊല്ലുണ്ട്..ഇത് രണ്ടും ഒരേ സമയത്ത് വന്നാൽ ഉള്ള സ്ഥിതിയെ കുറിച്ച് ഒന്ന് ആലോചിച്ചു നോക്കൂ..
ഗൾഫിൽ നല്ല ജോലി ചെയ്യുന്ന രണ്ടുപേർ വിനോദും ഗൗരിയും നാട്ടിലെ കസിൻ പപ്പൻ്റെ കാര്യത്തിന് വേണ്ടി കണ്ടുമുട്ടി എങ്കിലും വീണ്ടും വീണ്ടും തമ്മിൽ കണ്ട് പ്രണയത്തിൽ അകപ്പെടുന്നു.നാട്ടിൽ വലിയ വീട് എന്ന സ്വപ്നം സാധിക്കുന്നതിനിടയിൽ വിനോദിന് ജോലി നഷ്ടപ്പെടുന്നു.
എല്ലാറ്റിനും കൂടെ നിൽകുന്ന ഗൗരി രണ്ടുപേർക്കും കാനഡയിൽ പോയി സെറ്റിൽ ആകാം എന്ന തീരുമാനത്തിൽ നാട്ടിൽ എത്തുന്നു. ഇവരുടെ വിവാഹം രണ്ടു വീട്ടുകാർ സമ്മതിക്കാത്തത് കൊണ്ട് രഹസ്യമായി രജിസ്റ്റർ ചെയ്യുവാൻ പപ്പൻറെ സഹായത്തോടെ തീരുമാനിക്കുന്നു..
കല്യാണവും കൺസ്ട്രക്ഷനും ഒന്നിച്ച് വരുമ്പോൾ വിനോദിനും ഗൗരിക്കും ഇടയിൽ ഉണ്ടാകുന്ന സംഭവങ്ങളും പ്രശ്നങ്ങളും ഒക്കെയാണ് ഈ വെബ് സീരീസ് പറയുന്നത്.
തുടക്കത്തിൽ അജു വർഗ്ഗീസിൻ്റെ പപ്പൻ പറയുന്നുണ്ട്..ഇത് നിങൾ ഉദ്ദേശിക്കുന്നത് പോലുള്ള ലൗ സ്റ്റോറി അല്ല എന്ന്....അത് കൃത്യമായി സംഭവിക്കുന്നുമു ണ്ട്. നമ്മൾ പ്രതീക്ഷിക്കുന്നത്തിൽ നിന്നും ക്ലൈമാക്സ് വഴി തിരിച്ച് വിടുന്നുണ്ട്.
ഒരു സാധാരണക്കാരൻ ചെറുപ്പത്തിലേ അനുഭവത്തിൽ നിന്നും സ്വന്തമായ വീട് എന്ന ലക്ഷ്യത്തിലേക്ക് അട് ക്കുമ്പോൾ ഉണ്ടാകുന്ന പ്രശ്നങ്ങളും ടെൻഷണുകളും ഒക്കെ കൃത്യമായി അടയാളപ്പെടുത്തിയ സീരീസ് തന്നെയാണിത്.
സിനിമ അത്രകണ്ട് ലാഭം കിട്ടുന്നില്ല എന്ന പരാതി നിലനിൽക്കുന്ന ഈ കാലത്ത് വലിയ ബാനറുകൾ മലയാളത്തിലും വെബ് സീരിസിൽ ഇറങ്ങി തുടങ്ങി യിട്ടുണ്ട്.
കുറഞ്ഞ എപ്പിസോഡുകൾ കൊണ്ട് പറയേണ്ടത് മുഴുവൻ പറഞ്ഞു തീരും എന്നുള്ളത് കൊണ്ട് സീരിയലിനെക്കാൾ വെബ് സീരീസ് ജനങ്ങൾ ഇഷ്ട്ടപെട്ടു തുടങ്ങിയിട്ടുണ്ട്.
നീരജ് മാധവ്, അജു വർഗീസ്,ഗൗരി കീഷൻ,ആനന്ദ് മന്മഥൻ എന്നിവരാണ് മുഖ്യ വേഷത്തിൽ.
പ്ര.മോ.ദി.സം
No comments:
Post a Comment