ഫീനിക്സ്

 

കൊവിദ് എന്ന മഹാമാരി, അതിനെ കുറേപ്പേർ അതിജീവിച്ചത് കുറെ പേര് മൺമറഞ്ഞ് പോയത് ഒക്കെ നമ്മൾ അടുത്ത കാലത്ത് അനുഭവിച്ചതാണ്.. കണ്ടറിഞ്ഞ് പൊരുതിയത് ആണ്..

വർഷങ്ങൾക്ക് മുൻപ് കോളറ എന്ന മഹാമാരികാലത്ത് ഇതുപോലെ കുറെ ജന്മങ്ങൾ മൺമറഞ്ഞ് പോയിട്ടുണ്ട്...അക്കാലത്ത് ഇന്നത്തെ കാലം പോലെ ആധുനിക ഉപകരണങ്ങൾ ഇല്ലാത്തത് കൊണ്ട് മരിക്കാത്തവരെ പോലും കുഴിച്ചുമൂടി എന്ന് വായിച്ചിട്ടുണ്ട്..ഇതൊക്കെ ഉൾപ്പെടുത്തി ഇന്നത്തെ കാലവും കൂടി ചേർത്ത് പറഞ്ഞ സിനിമയാണ് ഫീനിക്സ്.

ഒരു സ്ഥലത്തും കൃത്യമായി തങ്ങാത്ത അഡ്വക്കേറ്റ് പുതുതായി താമസിച്ച വീട്ടിൽ പ്രേതബാധ അനുഭവപ്പെടുന്നു..ദിവസേന വരുന്ന കത്തുകളിൽ കൂടിയായിരുന്നു സാനിദ്ധ്യം..പിന്നീട് അവിടെ ജീവിക്കുന്നവർക്ക് കൂടി ബാധിക്കപെട്ടപ്പോൾ അതിനെ കുറിച്ച് അന്വേഷിച്ചു കണ്ടെത്തുന്ന കാര്യങ്ങളിൽ ഉള്ള ദുരൂഹതയും മറ്റുമാണ് മിഥുൻ മാനുവൽ എഴുതിയ കഥ.

തുടക്കം മുതൽ ഒടുക്കം വരെ നമ്മളെ തില്ലടിപ്പിച്ച് കൊണ്ട് പോകുന്ന സിനിമ അങ്ങിനെ പേടിപ്പിക്കുന്നതല്ല എങ്കിൽ കൂടി ചില സമയങ്ങളിൽ അസ്വസ്ഥത ഉണ്ടാക്കുന്നുണ്ട്.

ഫ്രെഡി എന്ന കഥാപാത്രത്തിൻ്റെ  വർഷങ്ങൾ കഴിഞ്ഞുള്ള മേക്കപ്പിൽ ചില പാളിച്ചകൾ പറ്റിയോ എന്നൊരു സംശയം ഇല്ലാതില്ല.

പ്ര.മോ.ദി.സം