നമ്മുടെ കുടുംബത്തിൽ എന്നും സമാധാനവും സൗഹൃദവും ഉണ്ടാകണം എന്ന് ആഗ്രഹിക്കുന്നവരാണ് നമ്മൾ..നമ്മുടെ കുടുംബത്തിൽ ഉണ്ടാകുന്ന പ്രശ്നങ്ങൾ പരിഹരിക്കേണ്ടത് നമ്മൾ തന്നെയാണ്.
അത് പരിഹരിക്കുവാൻ പുറത്ത് നിന്നുള്ളവർ വരുമ്പോൾ ആണ് അത് കൂടുതൽ സങ്കീർണ്ണമാകുന്നത്.അത് പിന്നീട് മുന്നോട്ടുള്ള നമ്മുടെ ജീവിതത്തെ തന്നെ സാരമായി ബാധിക്കും.ഒരിക്കൽ വന്ന വിടവ് നികത്താൻ വലിയ പ്രയാസം ആയിരിക്കും.
സന്തുഷ്ടമായ ജീവിതം നയിക്കുന്ന കുടുംബത്തിലെ ചില ചെറിയ പ്രശ്നങ്ങൾ കുത്തി പൊക്കി അത് പെരുപ്പിച്ചു കാട്ടി അതിലേക്ക് നുഴഞ്ഞു കയറി ആ കുടുംബത്തെ ചിന്നഭിന്ന മാക്കുന്നതിൽ അടുത്ത ബന്ധുക്കൾക്കുള്ള പങ്ക് ചെറുതല്ല.
നിരന്തരം ഫോൺ വിളിച്ചും നേരിട്ട് വന്നും അങ്ങോട്ട് വിളിച്ചും ഉള്ളതും ഇല്ലാത്തതൂമായ കാര്യങ്ങളിൽ അഭിപ്രായം പറഞ്ഞു നിസ്സാര പ്രശ്നങ്ങൾ പർവതീകരിച്ച് കുട്ടിചോറാക്കുന്ന ബന്ധുക്കൾ ഉണ്ടെങ്കിൽ പിന്നെ ആ കുടുംബം സ്വാഹ..തൻ്റെ കുടുംബത്തിൽ സന്തോഷം ഇല്ലെങ്കിൽ മറ്റെ കുടുംബത്തിലും വേണ്ട എന്ന് ചിന്തിക്കുന്ന കുറെ എണ്ണം ഉണ്ട് നമുക്ക് ചുറ്റും.
പ്രേമിച്ചു മനസ്സിലാക്കി വിവാഹം കഴിച്ചവരുടെ ഇടയിലേക്ക് അവരുടെ ബന്ധുക്കൾ കടന്നു വന്നു അവരുടെ പ്രശ്നങ്ങൾ തീർക്കുവാൻ വന്നു വലിയ പ്രശ്നങ്ങൾ ഉണ്ടാക്കുന്ന ഒരു കുടുംബത്തിൻ്റെ കഥയാണ് ഈ വെബ് സീരിയൽ.
പ്ര.മോ.ദി.സം
No comments:
Post a Comment