പ്രേമ വിമാനം

 

രണ്ടു കൊച്ചു കുട്ടികൾ വിമാനത്തിൽ കയറണം എന്ന അതിയായ ആഗ്രഹം മനസ്സിൽ കൊണ്ട് നടക്കുപോൾ ദരിദ്രരായ അവർക്ക് മുന്നിൽ ഒരു വഴിയും ഇല്ലായിരുന്നു..

ജന്മിയുടെ പൈസ കൊടുക്കാൻ നിർവാഹമില്ലതെ ആത്മഹത്യ ചെയ്ത അച്ഛനും കൈവിട്ടു പോകുന്ന കൃഷിയിടം തിരികെ പിടിക്കാൻ പെടാപാട് പെടുന്ന അമ്മയും... ഗത്യന്തര മില്ലാതെ സ്വന്തം നിലക്ക് ജോലി ചെയ്തു എങ്കിലും  നിർഭാഗ്യം കൊണ്ട്  പൈസ കയ്യിൽ കിട്ടുന്നുമില്ല.

ആഗ്രഹം സഫ് ലീകരിക്കാൻ അമ്മ ചേർത്ത് വെച്ച പണം മോഷ്ടിച്ചു വിമാന യാത്രക്ക്  നഗരത്തിലേക്ക് നാട് വിടുന്നു..

നാട്ടിലെ പൗരപ്രമുഖൻ്റെ മകളെ പ്രേമിച്ചു കല്യാണം കഴിക്കാൻ സമ്മതിക്കാത്തത് കൊണ്ട് ഒളിച്ചോടി ഗൾഫിലേക്ക് പോകാൻ തയ്യാറെടുക്കുന്ന കമിതാക്കൾ കൂടി നഗരത്തിൽ എത്തുന്നു.

പൈസ തികയാത്തത് കൊണ്ട് രണ്ടു പേരുടെയും യാത്രക്ക് തടസ്സം ഉണ്ടാകുന്നു.അതിനിടയിൽ ഒരു പ്രശ്നത്തിന് ഇടയിൽ  പരസ്പരം കണ്ടുമുട്ടുന്ന ഇവർ കാര്യങ്ങൾ പരസ്പരം മനസ്സിലാക്കുന്നു എങ്കിലും കുട്ടികളെ പറ്റിച്ചു  അവരുടെ പൈസയും കൊണ്ട് അവർ ഗൾഫിലേക്ക് പറക്കുന്നു. ഇവരുടെ ജീവിതത്തിൽ ഉണ്ടാകുന്ന സംഭവങ്ങൾ ആണ് പിന്നീട്...

മുൻപ് ആരോ എഴുതിയ ഈ കഥ വായിച്ചു താൻ ജോലി ചെയ്യുന്ന കമ്പനിക്ക് കൈമാറുന്ന പത്രപ്രവർത്തകക്ക് ഇത് സംഭവിച്ച കഥയാണെന്ന് തിരിച്ചറിവ് ഉണ്ടാകുമ്പോൾ അതിലെ കഥാപാത്രങ്ങൾ ആരെന്ന് മനസ്സിലാക്കുവാൻ കൂടി  വെമ്പൽ ഉണ്ടാകുന്നു...വളരെ ലളിതമായ തെലുങ്കിൽ നിന്നുള്ള  മൊഴിമാറ്റ സിനിമ നല്ലൊരു ഫീൽ ഗുഡ് മൂവി ആണ്.

പ്ര.മോ.ദി.സം