മാന്യമായ ഒരു ജോലിയും സ്റ്റാർട്ട് അപ്പ് കമ്പനിയും സ്വന്തമായി ഉണ്ടെങ്കിലും രണ്ടു സ്ഥലത്ത് നിന്നും ശമ്പളവും വരുമാനവും ഒന്നും ഇല്ലെങ്കിൽ ഉള്ള സ്ഥിതി ഒന്ന് ആലോചിച്ചു നോക്കൂ..
സഹപാഠികളും ആത്മ സുഹൃത്തുക്കളും ആയ ദാസനും വിജയനും സ്റ്റാർട്ട് അപ്പ് കമ്പനി തുടങ്ങി എങ്കിലും ഒന്നിലും പച്ച പിടിക്കുന്നില്ല..ആശയങ്ങൾ നല്ലതെന്ന് സമ്മതിക്കുന്നു എങ്കിലും കസ്റ്റമർക്കു എന്തോ പണം ഇട്ടു റിസ്ക് എടുക്കുവാൻ പേടി ആയത് കൊണ്ട് അവരുടെ പ്രതീക്ഷകൾക്ക് വിഘാതം ഉണ്ടെങ്കിലും തോറ്റ് കൊടുക്കുവാൻ അവർ തയ്യാറാകുന്നില്ല.
ജോലി ചെയ്യുന്ന സ്ഥാപനത്തിൽ നിന്നും ആറേഴു മാസമായി ശമ്പളം കിട്ടാത്തത് കൊണ്ട് തന്നെ കിട്ടാവുന്ന ചങ്ങാതി കളിൽ നിന്നും കടമൊക്കെ വാങ്ങി ദാസനും വിജയനും മുന്നോട്ട് പോകുകയാണ് .
ഇനി മുന്നോട്ട് പോകുക അസാധ്യം എന്ന് തോന്നിയ സമയത്ത് പണക്കാരനായ ഗൾഫ് കാരൻ്റെ മോളെ പലതരം ഉടായിപ്പ് പറഞ്ഞു വിജയൻ കല്യാണം കഴിക്കുന്നു.
പിന്നീട് അവളുടെ പണം കൊണ്ട് ജീവിക്കാനും കമ്പനി വികസിപ്പിക്കുവാൻ ശ്രമിക്കുന്ന ദാസനും വിജയനും നേരിടുന്ന പ്രശ്നങ്ങൾ ആണ് സിനിമ.
ചിരിയുടെ രാജാക്കന്മാർ പലരും ഉണ്ടെങ്കിൽ പോലും ഈ സിനിമയിൽ ചിരി നിറക്കുവാൻ സംവിധായകൻ ശ്രമിച്ചിട്ടില്ല എന്നത് പോരായ്മയായി തോന്നി.
ഇത്രയും ഗൗരവമായി കഥ പറയാതെ അൽപ സ്വല്പം ഹാസ്യം ഒക്കെ ചേർത്ത് പറഞ്ഞിരുന്നു എങ്കിൽ രസമായെനെ..
പ്ര .മോ .ദി .സം
No comments:
Post a Comment