നമ്മൾ ഓരോരുത്തർക്കും ഓരോരോ പ്രത്യേക കഴിവുകൾ ഉണ്ടായിരിക്കും..അത് ചിലപ്പോൾ നമ്മൾ മനസ്സിലാക്കണം എന്നില്ല..മറ്റു ചിലർക്ക് നമ്മുടെ കഴിവുകൾ മനസ്സിലാക്കുവാനും അവരെ പ്രോത്സാഹിപ്പിക്കുവാൻ ഒക്കെ സാധിക്കും..പക്ഷേ നമ്മൾ കൂടി മനസ്സ് വെക്കണം..അല്ലെങ്കിൽ കുപ്പയിലെ മാണിക്യം പോലെ ആരാരും കാണാത്ത രീതിയിൽ അത് അവിടെ തന്നെ കിടക്കും.
ഇന്ത്യയിലെ എല്ലാവർക്കും കാർ എന്നത് സഞ്ജയ് ഗാന്ധിയുടെ സ്വപ്നം ആയിരുന്നു.അതായിരുന്നു ജപ്പാൻ സാങ്കേതിക വിദ്യയിൽ ഇന്ത്യയിൽ ഉണ്ടായ മാരുതി.പക്ഷേ സ്വപ്നം പൂർത്തിയാക്കും മുൻപേ സഞ്ജയ് പോയി..പിന്നീട് ഇന്ദിര ഗാന്ധി സ്വപ്ന തുടർച്ച നൽകി.
ആദ്യം കാർ ലഭിച്ച വ്യക്തികൾക്ക് പ്രധാനമന്ത്രിയായ ഇന്ദിരാജി നേരിട്ട് കാർ നൽകുന്നത് പത്രങ്ങളിൽ ഒക്കെ വന്നതായിരുന്നു.അങ്ങിനെ കേരളത്തിൽ ചെറുതോണി എന്ന സ്ഥലത്ത് കാറു ലഭിച്ച ആൾ അത് ഓടിച്ചു കൊതി തീരും മുൻപേ ട്രെയിൻ അപകടത്തിൽ കൊല്ലപ്പെടുന്നു.
പിന്നീട് ആ കാർ പൊന്നുപോലെ നോക്കിയ മകൻ മഹേഷ് എത്ര പ്രതിസന്ധി ഉണ്ടെങ്കിൽ പോലും കാർ മാത്രം വിട്ടുകളയാൻ കൂട്ടാക്കുന്നില്ല.എപ്പോഴും കൂടെ കൊണ്ട് നടന്നു..
അങ്ങിനെ പലതരം പ്രശ്നങ്ങൾക്ക് നടുവിലും മഹേഷും മാരുതി കാറും തമ്മിലുള്ള "ആത്മ"ബന്ധത്തിൻ്റെ കഥയാണ് സേതു സംവിധാനം ചെയ്ത സിനിമ പറയുന്നത്.
ഫീൽ ഗുഡ് മൂവി ആണെങ്കിൽ പോലും തൻ്റെ മുൻ ചിത്രമായ കുട്ടനാടൻ ബ്ലോഗിൻറെ നിലവരത്തിന് അപ്പുറം എത്തുവാൻ സേതുവിന് കഴിഞ്ഞിട്ടില്ല.
പ്ര .മോ. ദി. സം
No comments:
Post a Comment