പൂർണമായും ഗൾഫിൽ ചിത്രീകരിച്ച സിനിമ നമ്മുടെ ചില മലയാളികളുടെ പ്രശ്നങ്ങൾ പറയുന്നതിനോപ്പം മറ്റു രാജ്യക്കാരുടെ പ്രശ്നങ്ങൾ കൂടി കാണിക്കുന്നു.
പരസ്പരം പാര വെക്കുന്നവർ മാത്രമല്ല പരസ്പരം സഹായിക്കുന്ന ആൾക്കാർ കൂടിയാണ് എന്ന് ചില സംഭവങ്ങളിലൂടെ കാണിച്ചു തരുന്നു.
ജോലി തേടി പലയിടത്തു നിന്നും ഗൾഫിൽ എത്തിയ മൂന്നു പേര് സ്വന്തമായി പല വഴി നോക്കിയെങ്കിലും എവിടെയും പച്ച പിടിക്കുന്നില്ല. രണ്ടു പേര് ബുക്ക് വിറ്റു നോക്കിയെങ്കിലും ഒന്നും ശരിയാവുനില്ല.ഒന്നും ശരിയാവാത്ത കൊണ്ട് ഒരാള് ഹോട്ടൽ ജോലിക്ക് പോയി .
ഒരാള് ഓൺ ലൈൻ ബിസിനെസ്സ് ചെയ്തു നോക്കിയെങ്കിലും അതിലും പച്ച പിടിക്കാത്തത് കൊണ്ട് മറ്റു വഴി തേടുന്നു.ജോലി ഒന്നും ഇല്ലാതെ നിന്ന ഇവർ പരസ്പരം കണ്ടുമുട്ടുന്നു.ഈ രണ്ടു പേർക്ക് ആകസ്മികമായി ഒരു സ്പോൺസർ എത്തുന്നു.
ഒരു കഫെ തുടങ്ങുവാൻ തീരുമാനിച്ച അവർക്ക് ചെക്ക് ബൗൺസ് ആയതു കൊണ്ട് വീണ്ടും പെരുവഴിയിൽ ആകുന്നു. സ്പോൺസറുടെ തിരോധാനം മൂലം അയാളുടെ കുടുംബത്തെ സംരക്ഷിക്കേണ്ട ബാധ്യത കൂടി ഇവരുടെ തലയിൽ വരുന്നു.
പിന്നീട് അങ്ങോട്ട് ഇവരുടെ ജീവിതത്തിൽ അന്യനാട്ടിൽ സംഭവിക്കുന്ന പ്രശ്നങ്ങളും അതിൻ്റെ അതിജീവനം ഒക്കെയാണ് സിനിമ പറയുന്നത്.
പ്ര.മോ ദി. സം
