ബട്ടർഫ്ലൈ

 

പ്രശസ്ത ലോയർ ഔദ്യോഗിക ആവശ്യത്തിന് ഡൽഹിക്ക് പോകുമ്പോൾ കുട്ടികളെ സഹോദരിയെ ഏൽപ്പിച്ചു കൊടുക്കുന്നു. സ്കൂളിലേക്ക് പോകാൻ താമസിക്കുന്ന ഫ്ലാറ്റിൻ്റെ പടിക്കെട്ടുകൾ ഇറങ്ങി പോകുന്ന അവർ വഴിക്ക് വെച്ച് മിസ്സ് ആകുന്നു.

ഫ്ലാറ്റ് മുഴുവൻ അരിച്ചു പെറുക്കി നോക്കി എങ്കിലും കുട്ടികളെ കണ്ടുപിടിക്കാൻ കഴിയുന്നില്ല.വൈകുന്നേരം ചേച്ചി വരുന്നതിനു മുൻപ് കുട്ടികളെ കണ്ടു പിടുക്കുവാനുള്ള അനിയത്തിയുടെ ഓട്ടമാണ് ചിത്രം പറയുന്നത്.

പ്രേമത്തിലൂടെ മലയാളത്തിൽ തരംഗമായി എങ്കിലും ഇവിടെ തുടരാതെ തെലുങ്കിൽ പോയി തൻ്റേതായ ഇടം കണ്ടെത്തിയ അനുപമ പരമേശ്വരൻ്റെ മൊഴിമാറ്റ ചിത്രമാണ് ഇത്..അനുപമ തൻ്റെ റോൾ നന്നായി അവതരിപ്പിച്ചിരിക്കുന്നു.

കണ്ടുമടുത്ത മുഖങ്ങൾ അധികം ഇല്ലാത്തത് കൊണ്ട് തന്നെ സിനിമക്ക് ഒരു ഫ്രഷ്നെസ് ഒക്കെയുണ്ട്. കഥാന്ത്യം അല്പം സസ്പെൻസ് ഒക്കെ ഉണ്ടെങ്കിൽ പോലും  എന്തായിരിക്കും എന്ന് ഏറെക്കുറെ മനസ്സിലാക്കുവാൻ പാകത്തിൽ ഒരു സീരിയൽ ടൈപ്പ് അവതരണം ആണ് ചിത്രത്തിൻ്റെത്.

പ്ര .മോ. ദി .സം

ലാത്തി

 

സിനിമ കണ്ട് കഴിയുന്ന ഏതൊരാളും ആദ്യം ചിന്തിക്കുക തമിഴു നാട്ടിൽ ഇത്ര അധികം ഗുണ്ടകൾ ഉണ്ടോ എന്നതാണ്..അത് പോട്ടെ ഈ വിശാൽ ഇതിനെയൊക്കെ ഒറ്റയടിക്ക് കൊന്നു കളഞ്ഞാൽ അടുത്ത സിനിമയിൽ അജിത്തും വിജയിയും ധനുഷും ഒക്കെ എന്തോന്ന് ചെയ്യും?

കുടുംബത്തോട് ഒപ്പം ജീവിക്കുന്ന സാധാ കോൺസ്റ്റബിൾ ആയ മുരുകൻ ഒരു റേപ്പ് കേസിലെ പ്രതിയെ മർദ്ദ്ച്ചതിൻ്റെ പേരിൽ സസ്പെൻഷനിൽ ആകുന്നു.തൻ്റെ  ജോലി തിരിച്ചു കൊടുത്ത മേല് ഉദ്യോഗസ്ഥന് വേണ്ടി ഒരു ഗുണ്ടയെ തല്ലിയത് കൊണ്ട് ഗുണ്ടകൾ മുഴുവൻ മുരുകനെ തേടി ആക്രമിക്കുന്നു.

അതിൽ നിന്നുള്ള മുരുകൻ്റെ അതിജീവനം ആണ് ലാത്തി..മൊത്തത്തിൽ ലാത്തി തന്നെയാണ്.ലോജിക് മാറ്റി വെച്ച് കാണേണ്ട മറ്റൊരു തമിഴു സിനിമ.

പ്ര .മോ.ദി.സം

വാരിസു

 

ഒരു ബിസിനസ്സ് കുടുംബത്തിലെ ഇളയ പുത്രൻ അച്ഛൻ്റെ പ്രവർത്തിയിൽ ഇഷ്ടം ഇല്ലാത്തത് കൊണ്ട് വീട് വിട്ടു ഇറങ്ങി പോകുന്നു. മൂത്ത രണ്ടു മക്കളുമായി ബിസിനെസ്സ് നടത്തുന്ന അച്ഛൻ ഈ ഇളയമകൻ തൻ്റെ അവകാശി പോലും അല്ലെന്ന് പ്രഖ്യാപിക്കുന്നു. ഇവരിൽ ആരെങ്കിലും ആയിരിക്കും തൻ്റെ "വാരിസ്" എന്ന് പ്രഖ്യാപിക്കുന്നു.

അമ്മയുടെ ആവശ്യപ്രകാരം വീട്ടിൽ തിരിച്ചെത്തിയ ഇളയ മകന് അച്ഛൻ്റെ ബിസിനെസ്സ് ശത്രുക്കളെ കുറിച്ചും ചേട്ടന്മാർ ബിസിനെസ്സ് കൊളമാക്കുന്നതും മനസ്സിലാക്കുന്നു. അച്ഛനെ ചതിച്ചു എതിരാളികളായ ബിസിനെസ്സ് കാരുമായി കൂട്ട് കൂടിയത് മനസ്സിലാക്കിയ അച്ഛൻ ഇളയമകനേ അവകാശിയായി വാഴിക്കുന്നു

കലിപൂണ്ട മൂത്ത മക്കൾ എതിരാളികളായ ആൾക്കാർക്ക് ഒപ്പം നിന്ന് അച്ഛനോടും സഹോദരനോടും യുദ്ധം പ്രഖ്യാപിച്ചു ഏറ്റുമുട്ടുന്നു. അവരെ ഓരോരുത്തരെയും അവരുടെ തെറ്റുകൾ മനസ്സിലാക്കി കൊടുത്ത് ഇളയമകൻ കുടുംബത്തോട് ഒപ്പം ചേർക്കുന്നു.

ഈ കഥ മുൻപ് കേട്ടിട്ടുണ്ടോ? നിങൾ പല തവണ ഹിന്ദി,തെലുഗു,മലയാളം,തമിഴ് ചിത്രങ്ങളിൽ കണ്ട പ്രമേയം ഇപ്രാവശ്യം വിജയിക്ക് കൊടുത്ത് പുതിയ വീഞ്ഞ് ആക്കിയിരിക്കുന്നു. അത്ര തന്നെ...പിന്നെ ഇത് വിജയ് വേർഷൻ ആയത് കൊണ്ട് പതിവ് മസാലകൾ കൂട്ടി ചേർത്തു കൊഴുപ്പിച്ചു എന്ന് മാത്രം..

പ്ര .മോ.ദി .സം

തുനിവ്

 

അടി ഇടി വെടി പൊക..ഇത് കാണുവാൻ ആഗ്രഹം ഉളളവർ മാത്രം തുനിവു കാണാൻ തുനിഞ്ഞാൽ മതി.ഹോളിവുഡ് സ്റ്റൈലിൽ തിയേറ്ററിൽ കാണുവാൻ പാകത്തിൽ വിനോദും ബോണി കപ്പൂരും കൂടി കോടികൾ എറിഞ്ഞു സിനിമ പിടിച്ചിട്ടുണ്ട്.

അജിത്ത് എന്ന സൂപ്പർ സ്റ്റാർ തൻ്റെ രസികർക്ക് വേണ്ടി മാത്രം ഉണ്ടാക്കിയ ചിത്രമായി മാത്രമേ ഈ സിനിമ കൊണ്ട് ഉദ്ദേശിച്ച് കാണുകയുള്ളൂ..അവർക്ക് വേണ്ട എല്ലാത്തരം മസാലയും ചേരും പഠി ചേർത്ത് ഒരു ആക്ഷൻ ത്രില്ലർ പടച്ചു വിട്ടു എന്ന് മാത്രം.

ചിത്രത്തിൻ്റെ പ്രധാന ആകർഷണം അതിൻ്റെ മയ്കിങ് തന്നെയാണ്..പിന്നെ അജിത്തിൻ്റെ  പ്രസൻസും സ്റ്റണ്ട് സീനുകളും.....ഇന്ത്യൻ സിനിമയിൽ ഇത്രയും ജൻ്റിൽമാൻ  ലൂക്കിൽ  പ്രത്യക്ഷ പെടുന്ന മറ്റൊരു നടൻ ഇല്ലെന്ന് തോന്നിപ്പോകും.അജിത്ത് കരിഷ്മ നന്നായി ഉപയോഗിക്കുവാൻ സിനിമക്ക് കഴിഞ്ഞിട്ടും ഉണ്ട്.അത് കൊണ്ട് തന്നെ ഓരോ സീനും  അജിത്തിനാൽ മിന്നി മറിക്കുന്നുണ്ട്.കൂടെ ആക്ഷൻ ചെയ്യാൻ നമ്മുടെ മഞ്ജു വാര്യരും ഉണ്ടു.

പുതുമ ഒന്നും ഇല്ലാത്ത കഥ രസികർക്കു ആസ്വദിക്കുവാൻ പാകത്തിൽ സംവിധായകൻ ഒരുക്കിയിരിക്കുന്നു...അത് കൊണ്ട് തന്നെ ചിത്രം തമിഴ് നാട്ടിൽ പണം വാരും..സിനിമ എന്നത് ഇപ്പൊൾ ഒരു ബിസിനെസ്സ് മാത്രം ആയ സ്ഥിതിക്ക് കോടികൾ വാരിയാൽ ഇനിയും ഇത്തരം ചിത്രങ്ങൾ ഈ കൂട്ട് കെട്ടിൽ നിന്ന് ഇനിയും ഉണ്ടാകും.

പ്ര .മോ. ദി .സം

മാളികപ്പുറം

 

ചിത്രം റിലീസിന് മുൻപ് തന്നെ ഹാലിളകിയ ചില കപടമതേതര വാദികൾ പ്രതീക്ഷിച്ചത് പോലെ  വിമർശിക്കുവാൻ പാകത്തിൽ ഈ ചിത്രത്തിൽ ഒന്നുമില്ല..ഇത്  അയ്യപ്പനെ പർവതീകരിക്കുന്ന ഒരു  ഭക്തി ചിത്രവുമല്ല..നൂറു ശതമാനം കുടുംബ ചിത്രം തന്നെയാണ്..ശബരിമലയും അയ്യപ്പനും ഒക്കെ വേണ്ടയിടത്ത് സമർത്ഥമായി ഉപയോഗിക്കുന്നു എന്ന് മാത്രം.

അയ്യപ്പ ഭക്തയായ ഒരു പെൺകുട്ടിയുടെ  അയ്യപ്പനെ കാണുവാൻ  ഉള്ള ഒരു യാത്ര.അത് കൊച്ചു കുട്ടിയുടെ മനസ്സിലൂടെ നമ്മളെയും കൂട്ടി കൊണ്ട് പോകുന്നു. ഇത്തരം സിനിമകളിൽ സ്ഥിരം കാണുന്നതുപോലെ ആരെയെങ്കിലും ഉയർത്തി കാട്ടുകയോ മറ്റുള്ളവരെ ഇകഴ്ത്തി കാണിക്കുകയോ പോലുമില്ല...മതവുമായി ഒരു ബന്ധവും ഇല്ല എന്നാല് വിശ്വാസവുമായി  നന്നായി തന്നെ ബന്ധം ഉണ്ട്..വിശ്വാസം അതാണല്ലോ പ്രധാനം.

ചില അലയൊലികൾ കേൾക്കുമ്പോൾ വോട്ട് മാത്രം ലക്ഷ്യമിട്ട്  കുനിഞ്ഞു നിൽക്കുവാനും ചില മന്ത്രങ്ങൾ കേൾക്കുമ്പോൾ ഉയർന്നു പൊങ്ങിയ ആൾ "ആസനസ്ഥ" നാകുന്നതും കണ്ട ഈ കാലത്ത് ഇത്തരം ഒരു ചിത്രത്തിൻ്റെ  വമ്പിച്ചവിജയം അനിവാര്യം തന്നെയായിരുന്നു. അയ്യപ്പൻ ആണല്ലോ ഏറ്റവും ഉന്നതനായ മതേതരവാദി.

കപട മതവാദികൾക്കും നിരീശ്വര വാദികകൾക്കും  നട്ടെല്ല് നിവർത്തി അഭിപ്രായം പറഞ്ഞത് കൊണ്ട് കണ്ടുകൂടാത്ത ഉണ്ണി മുകുന്ദൻ "അയ്യപ്പൻ " ആയി തകർത്തു ആടുന്നുണ്ട് .ഒരിക്കലും പ്രതീക്ഷിക്കാതെ നമ്മുടെ ചിന്തകളെ മുഴുവൻ അവഗണിച്ച് മാറി മാറി വരുന്ന കഥയുടെ ഗതി തന്നെയാണ് ചിത്രത്തിൻ്റെ ഹൈ ലൈറ്റ്.

കൊച്ചു കുട്ടികൾ രണ്ടും തകർത്തു അഭിനയിച്ചു. അവരുടെ ചില രംഗങ്ങളിൽ നമ്മുടെ ഉള്ളിൻ്റെ ഉള്ളിൽ ചില വിങ്ങലുകൾ സൃഷ്ടിക്കുവാൻ അഭിലാഷ് പിള്ളയുടെ തിരക്കഥയ്ക്ക് കഴിയുന്നുണ്ട്..വിഷ്ണു ശശിശങ്കർ അത് നമ്മെ ആകർഷിക്കും വിധത്തിൽ ഒരുക്കിയിരിക്കുന്നു.

പ്ര .മോ. ദി .സം

സർക്കാരു വാരി പട്ടാ

 

നമ്മുടെ രാജ്യത്തെ വലിയൊരു കൊള്ള സംഘം തന്നെയാണ് ബാങ്കുകൾ..നമ്മുടെ അടുത്ത് നിന്നും കാർഡ് ചാർജ്,എസ് എം എസ് ചാർജ് ,ചെക്ക് ബുക്ക് ചാർജ് , ലയിറ്റ് ചാർജ് ,അറിയാത്ത അനേകം ചാർജുകൾ ഈടാക്കി അത്ര അധികം പണം  കൊള്ളയടിക്കുന്നു.

യഥാർത്ഥത്തിൽ നമ്മൾ ഇടുന്ന പൈസ കൊണ്ട് ജീവിക്കുന്ന ബാങ്ക് ഇതൊക്കെ നമുക്ക് ഫ്രീ ആയിട്ട് തരേണ്ട സേവനം ആണ്. ആരും ചോദിക്കുവാൻ ഇല്ലാത്തത് കൊണ്ട് കൊള്ള അനുദിനം ചെയ്തു കൊണ്ടിരിക്കുന്നു. കാലാകാലം ഭരണകൂടവും സപ്പോർട്ട് ചെയ്യുന്നു .

ഇന്ത്യയിൽ സാധാരണക്കാരൻ ലോൺ വാങ്ങി തിരിച്ചു അടച്ചില്ലെങ്കിൽ അവൻ്റെ കുടുംബത്തിൻ്റെ അസ്ഥിവാരം തോണ്ടാൻ ബാങ്കുകൾ എത്തും.എന്നാല് പത്തും പതിനായിരം കോടികൾ വായ്പ വാങ്ങി മുങ്ങുന്നവരെ പിടിക്കുക പോലും ഇല്ല .അവർ അന്യ നാട്ടിൽ സുഖമായി ജീവിക്കുന്നു. നമ്മുടെ അടുക്കൽ നിന്നും  ചാർജ് ഇനത്തിൽ പിടിക്കുന്ന ഇത്തരം കോടികൾ കൊണ്ടാണ് ബാങ്ക് നഷ്ട്ടം നികത്തുന്നത്.

ലോൺ വാങ്ങി തിരിച്ചു അടക്കുവാൻ പറ്റാതെ അനേകം പേരെ ആത്മഹത്യയിലേക്ക് തള്ളി വിടുന്ന ബാങ്കുകളുടെ കഥയാണ് ഇത് , ലോണുകൾ തിരിച്ചു നൽകാതെ നമ്മുടെ രാജ്യത്തെ നശിപ്പിക്കുന്ന ബുർഷകൾക്ക്   എതിരെ പോരാട്ടം നടത്തുന്ന യുവാവിൻ്റെ കഥയാണ് സർകാർ ലേലം ഇന്ന് അർത്ഥം വരുന്ന ഈ ചിത്രം പറയുന്നത്.

വിജയ് ഗണത്തിൽപെടുന്ന തെലുഗു സൂപർ സ്റ്റ്റാർ മഹേഷ് ബാബു ആണ് നായകൻ.പ്രായം വന്ന കാലത്ത് ഉള്ളതു പോലെ തന്നെ ആണെങ്കിലും അഭിനയത്തിലും മറ്റും ഒരു ഇമ്പ്രൂവ് മെൻ്റ് ഇനിയും ഉണ്ടായിട്ടില്ല...പിന്നെ ധാരാളം ഫാൻസും മറ്റും ഉള്ളത് കൊണ്ടു എത്ര ചിലവഴിച്ചു പടം പിടിച്ചാലും പണം കിട്ടുന്നത് കൊണ്ട് ഇനിയും ഇത്തരം ചിത്രങ്ങൾ പ്രതീക്ഷിക്കാം.

പ്ര .മോ. ദി .സം

ഇനി ഉത്തരം

 

പോലീസ് സ്റ്റേഷനിൽ ഒരു യുവതി നേരിട്ട് ഹാജരായി ഞാൻ ഒരാളെ കൊന്നു വനത്തിൽ കുഴിച്ചിട്ടിട്ടുണ്ട് എന്ന് അറിയിക്കുന്നു..വെറും മനോ നില തെറ്റിയ ഒരാളുടെ പ്രവൃത്തിയായി നിസ്സഹരണമായീ നിന്ന പോലീസിന് അതിനു പിന്നിലെ യാഥാർത്ഥ്യം മനസ്സിലാക്കുമ്പോൾ അന്വേഷണത്തിന് ഇറങ്ങുകയാണ്.

അന്വേഷണത്തിൽ പോലീസുകാർക്ക് ഉൾപ്പെടെ കയ്യുണ്ടെന്ന് മനസ്സിലാക്കുമ്പോൾ കഥ വേറൊരു മാർഗത്തിൽ കൂടി പോകുകയാണ്..

ദേശീയ അവാർഡ് ജേതാവായ അപർണ എന്തിന് അതിനു ശേഷം പേര് കളയാൻ വേണ്ടി ഒരു അഭിനയ പ്രാധാന്യം ഇല്ലാത്ത ഇത്തരം ചിത്രങ്ങളിൽ അഭിനയിക്കുന്നത് എന്ന് അവരുടെ അവസാന ചിത്രങ്ങൾ കണ്ട പ്രേക്ഷകർക്ക് സംശയം ഉണ്ടാക്കും.

ശരിയായ രീതിയിൽ അധികം ഗിമിക്കുകൾ ഇല്ലാതെ താര പരിവേഷം ഒട്ടും ഇല്ലാത്ത  ഒരു ക്രൈം ത്രില്ലർ കണ്ടു സമാധാനപ്പെടുവാൻ രണ്ടു മണിക്കൂർ ചിലവഴിക്കാൻ ഉണ്ടെങ്കിൽ ധൈര്യപൂർവ്വം കാണാം.

പ്ര .മോ .ദി .സം

കാപ്പ

 

ഷാജി കൈലാസ് കുറെയേറെ കാലം സിനിമയിലും മറ്റും സജീവമായി നിൽക്കാതെ ഗൃഹപാഠം ചെയ്യുകയായിരുന്നു എന്ന് കടുവ കണ്ടപ്പോൾ തോന്നി.മാറിയ സാഹചര്യവും പ്രേക്ഷകരും സിനിമയും ഒക്കെ നന്നായി മനസ്സിലാക്കി തന്നെയാണ് കടുവ ചെയ്തത്..കുറെയുറെ പ്രശ്നങ്ങൾ ഉണ്ടായിട്ടു കൂടി പ്രേക്ഷകൻ്റെ പൾസ് അറിഞ്ഞ് പെരുമാറിയത് കൊണ്ട് കടുവ "ഓടി "രക്ഷപെട്ടു.

വെറുതെ വീട്ടിൽ ഇരുന്ന സമയത്ത് അദ്ദേഹം ധാരാളം തമിഴു  വിജയ് സിനിമ കണ്ടു എന്നാണ് കടുവയും കാപ്പയും കണ്ടപ്പോൾ തോന്നിയതും..വിജയ് എന്ന വീര ശൂര നായകൻ്റെ അതേ പരാക്രമ ആകമ ണങ്ങൾ ആണ് ഈ രണ്ടു സിനിമയും കാണിക്കുന്നത്..അമാനുഷിക ശക്തിയുള്ള നായകന്മാർ..വിജയ്ക്ക് പകരം പൃഥ്വി ആണെന്ന് മാത്രം.

സാധാരണ ഷാജി കൈലാസ് സിനിമ പോലെ ഒരേ താളത്തിൽ പ്രേക്ഷകരെ അടിയും ഇടിയും സംഭാഷണങ്ങൾ കൊണ്ടും മറ്റും രസിപ്പിച്ചു കൊണ്ട് മുന്നോട്ട് പോകുന്ന ചിത്രത്തിൻ്റെ മാറി മറിഞ്ഞ് വരുന്ന ക്ലൈമാക്സ് പോലും പ്രേക്ഷകരിൽ വലിയ ചലനം ഒന്നും സൃഷ്ട്ടിക്കില്ല..കാരണം ഷാജി കൈലാസ് മാത്രം അല്ലല്ലോ തമിഴു സിനിമകൾ കാണുന്നത്.. ഇപ്പൊ ആർക്കും അന്യഭാഷാ ചിത്രങ്ങൾ എപ്പോൾ വേണേലും കാണാമല്ലോ.ഇതൊക്കെ നമ്മൾ എത്ര കണ്ടതാ....കോപ്പ്

ഗുണ്ടകൾ തമ്മിലുള്ള കുടിപ്പക യുടെ ഇടയിലേക്ക്  ബാംഗ്ലൂരിൽ നിന്നും സ്ഥലം മാറിവന്ന ആനന്ദും ഭാര്യയും അവിച്ചാരിതമായി എത്തിപ്പെടുന്നതും രണ്ടു ഗ്യാങ്ങിൽ നിന്നും രക്ഷപ്പെടുവാൻ അതിനു പിന്നിലെ പ്രശ്നങ്ങൾ അറിയാതെ പാവത്താനായ ആനന്ദ് ശ്രമിക്കുന്നതും ആണ് കഥ.

തലസ്ഥാന നഗരം  മുൻപ് ഗുണ്ടാ വിളയാട്ടം ആണെന്നും പോലീസുകാർ വെറും നോക്കു കുത്തികൾ എന്ന് ചാനലുകളിൽ കാണുകയും ഒക്കെ ചെയ്യുമ്പോൾ ഒക്കെ മാധ്യമ സൃഷ്ടികൾ എന്ന് കരുതിയ നമുക്ക് അടുത്ത് കണ്ട സംഭവങ്ങൾ യാഥാർത്ഥ്യത്തെ വിളിച്ചോതുന്നു.

എന്ത് തെണ്ടിത്തരം ചെയ്താലും പണവും ശക്തിയും ഉണ്ടെങ്കിൽ ഏറ്റെടുക്കാൻ കേരളത്തിൽ ഒരു പാർട്ടി ഉണ്ടെന്ന് വീണ്ടും വീണ്ടും വിളിച്ചു പറയുന്ന ഒരു ചിത്രം കൂടിയായി പോയി...എന്ത് ചെയ്യാം യാഥാർത്ഥ്യങ്ങൾ അല്ലെ കലാകാരന് രചിക്കുവാൻ പറ്റൂ..

പ്ര .മോ. ദി. സം

അറിയിപ്പ്

 

സിനിമ തുടങ്ങുന്നതിന് മുൻപ് കുറെ അവാർഡ് കിട്ടിയത് ആയും കുറെയേറെ മേളകൾക്ക് ക്ഷണം കിട്ടിയതാണ് എന്നൊക്കെ കാണിക്കുന്നുണ്ട്.ഈ അവാർഡിന്  പരിഗണിക്കാൻ മാത്രം ഇതിൽ ഒരു കുന്തവും ഇല്ല..വെറുതെയല്ല അവാർഡുകളും ക്ഷണവും ഒക്കെ  വെറും പ്രഹസനങ്ങൾ ആയി മാറുന്നത്.

വിദേശത്തേക്ക് ജോലിക്ക് ശ്രമിക്കു ന്ന ദമ്പതികൾ കോവിടും മറ്റും കൊണ്ട് ഉത്തരേന്ത്യയിലെ  യുപി യിലെ ഒരു നാട്ടിൽ കുടുങ്ങുന്നൂ...നാട്ടിൽ തിരിച്ചു പോകാൻ പറ്റാത്തത് കൊണ്ടു അവിടെ ഒരു കമ്പനിയിൽ  ജോലി ചെയ്തു ഒറ്റമുറി വാടകവീട്ടിൽ താമസിക്കുന്നു.

ഒരു ദിവസം അവളുടെ ചില  ദൃശ്യങ്ങൾ വാട്ട്സ് ആപ്പിൽ വരുന്നതോടെ അവരുടെ ബന്ധങ്ങൾക്ക് വിള്ളലുകൾ ഉണ്ടാവുന്നു. അതിൻ്റെ പിന്നിലെ കരങ്ങൾ അന്വേഷിച്ചു പോകുന്ന അവൻ കമ്പനി മുതലാളിയെ അടക്കം സംശയിച്ചു കുത്തി മലർത്തുന്ന് എങ്കിൽ പോലും (അന്യദേശത്തു ഈ  മലയാളിക്കു യാതൊരു പിന്തുണ ഇല്ലാഞ്ഞിട്ടു കൂടി )നൈസ് ആയി  പോലീസിൽ നിന്നും ഊരീ വരുന്നുണ്ട്. വെറുതെയല്ല യോഗി അയാളുടെ പോലീസിനെ കണ്ടു പഠിക്കാൻ പറയുന്നത്.എത്ര നല്ല പോലീസുകാർ.

ഏതോ ഒരു സിനിമ എടുത്ത് ക്ലിക്ക് ആയപ്പോൾ മാധ്യമങ്ങളും പ്രേക്ഷകരും വാഴ്ത്തിയപോൾ അയാള് വിചാരിച്ചു ഞാൻ തന്നെ വലിയ ആൾ എന്ന്.പിന്നെ കുറെ ക്രോപായങ്ങൾ കാട്ടിയപ്പോൾ അതിനെയും കുറെ എണ്ണത്തിനെ കൊണ്ട് വലിയ എഴുത്തുകൾ ഒക്കെ എഴിതിച്ച്  പിന്തുണപ്പിച്ചു..അതിൻ്റെ കൂടി പരിണിതഫലം ആണ് ഈ "അറിയിപ്പ്"

പ്ര .മോ. ദി .സം

ജെട്ടി വിവാദം

 

അഞ്ചാറു വർഷമായി ഒരു ഹിറ്റും ഇല്ലാതെ പടക്കം പോലെ എല്ലാ സിനിമകളും പൊട്ടി വിഷമിക്കുന്ന ഒരു സൂപ്പർസ്റ്റാർ തൻ്റെ പുതിയ സിനിമ അതും മൂന്നുവർഷം റെസ്റ്റ് എടുത്തതിന് ശേഷം തിയേറ്ററിൽ വരുമ്പോൾ അപാര ടൻഷണിൽ ആയിരിക്കും..പണ്ടത്തെ പോലെ മാനറീസം കൊണ്ട്   മാർക്കറ്റ് പിടിക്കാൻ വഴിയില്ലാതെ വിഷമിക്കുന്ന അദ്ദേഹത്തിൻ്റെ ഇതെങ്കിലും  എങ്ങിനെ എങ്കിലും വിജയിപ്പിക്കുവാൻ ഏതു വഴിയിലൂടെ പോകാനും അണിയറക്കാർ ശ്രമിക്കും.

ഈ പടം കൂടി പൊട്ടിയാൽ അദേഹത്തിൻ്റെ അവസ്ഥ ഇന്നത്തെ ബോളിവുഡ് സിനിമകളുടെ കളക്ഷൻ പോലെ ആയിപോകും എന്നും അദ്ദേഹത്തിന് നിശ്ചയമുണ്ട്.അല്ലെങ്കിൽ തന്നെ സൗത്ത് സിനിമകളുടെ ഉന്തി തള്ളി കയറിയുള്ള  കളക്ഷൻ കൊണ്ട് ബോളിവുഡ് ചക്രശ്വാസം വലിക്കുന്ന ഈ അവസരത്തിൽ...

സിനിമാക്കാരെ ആണോ ബിസിനെസ്സ് പഠിപ്പിക്കുന്നത്.. അതും ഷാരൂഖ് ,ആദിത്യ ചോപ്ര ടീമിനെ...നമ്മുടെ നാട്ടിൽ ഏറ്റവും നന്നായി മാർക്കറ്റ് ചെയ്യാൻ നല്ലത് മത രാഷ്ട്രീയ വിവാദം ആണെന്നും അവർക്ക് അറിയാം..

ചാണകവും തീട്ടവും തലയിൽ ഉള്ള കുറെ രാഷ്ട്രീയ അണികൾ ഉള്ള കാലത്തോളം  എന്തെങ്കിലും  ഇട്ടു കൊടുത്താൽ വിവാദത്തിന് ഒരു പഞ്ഞവുമില്ല എന്നും അവർക്ക് നിശ്ചയം ഉണ്ടു്. അതിനൊക്കെ കയ്യിൽ ആളുകളും ഉണ്ടാകും.പിന്നെ നമ്മുടെ മാമാ മാധ്യമങ്ങളെ കൂടി "കോഴി കാലും മദ്യവും" കൊടുത്ത്  കൂട്ട് പിടിച്ചാൽ ബാക്കി അവർ ചെയ്തു കൊള്ളും.

കാവി ഷഡ്ഡി പ്രശ്നം അതിൻ്റെ പീക്കിൽ എത്തിച്ചതിന് ശേഷം അടുത്ത മതവർഗീയ സംഘടന പത്താൻ കാരേ അപമാനിക്കുന്നത് ആണ് സിനിമ എന്നും  ഒരു പത്താൻ്റെ മുൻപിൽ സ്ത്രീകൾ അൽപ വസ്ത്രം ധരിച്ച് ഇമ്മാതിരി കളി കളിക്കരുത് എന്ന് പറഞ്ഞും ഇറങ്ങിയിട്ടുണ്ട്. അത് കൊണ്ടാണ് നമ്മുടെ ചെറിയ ബുദ്ധിയിൽ ഇത് ഒരു ഫാബ്രികേറ്റ് വിവാദം അല്ലെ എന്നു് തോന്നി തുടങ്ങിയത്.

പിന്നെ ഇതൊക്കെ പാവം ഒരു സൂപ്പർസ്റ്റാറിൻ്റെ നിലനിൽപ്പിന് വേണ്ടി ആണല്ലോ എന്ന് ചിന്തിക്കുമ്പോൾ ഒരു ആശ്വാസം..പണ്ട് മുതലേ കുളം കലക്കി മീനിനെ പിടിക്കാൻ അറിയുന്നത് കൊണ്ട് അവർക്ക് ഇത്തവണയും മീനിനെ കിട്ടും..

ഒരു പാട്ട് കൊണ്ട് നശിച്ചു പോകുന്നതാണ് നമ്മുടെ സംസ്കാരം എന്ന് ചിന്തിക്കുന്നവർ സംസ്കാര ശൂന്യരാണ് എന്ന് മനസ്സിലാക്കാൻ  ബുദ്ധിഉള്ള ഒരുത്തനും ഇല്ലേ..നമ്മുടെ നാട്ടിൽ

പ്ര .മോ .ദി .സം