യമഘാതകി

 

ഒരു സിനിമയിൽ ഏറെക്കുറെ മുഴുവൻ പുതുമുഖങ്ങൾ ആയാൽ അതിനു വലിയ മാർക്കറ്റ് ഉണ്ടാകുവാൻ സാധ്യതയില്ല..പ്രേക്ഷകർ അടക്കം ചിലപ്പോൾ അതിനോട് മുഖം തിരിച്ചു കളഞ്ഞു എന്നു വരാം.

പക്ഷേ ഇതുപോലെ ഉള്ള ചിത്രങ്ങൾ കണ്ട് കഴിഞ്ഞ പ്രേക്ഷകരുടെ മൗത്ത് പബ്ലിസിറ്റി കൊണ്ട് നിറഞ്ഞ സദസ്സിൽ ഓടി ഹിറ്റ് ആയ ചരിത്രങ്ങളും നിരവധിയുണ്ട്..ഈ സിനിമയുടെ കാര്യം കൃത്യമായി അറിയില്ല.

പെപ്പിൻ ജോർജ് ജയശീലൻ എന്ന സംവിധായകൻ വിശ്വാസവും അന്ധവിശ്വാസവും ഒക്കെ കോർത്തിണക്കി അവതരിപ്പിച്ച ചിത്രം ഒരു സസ്പെൻസ് ത്രില്ലെർ ആണ്..തുടക്കം മുതൽ ഒടുക്കം വരെ നല്ലൊരു മൂഡ് നിലനിർത്തി കൊണ്ടുപോകുന്ന സിനിമ.

പുതുമുഖങ്ങളെ മാറ്റി അറിയപ്പെടുന്ന താരങ്ങളെ അഭിനയിപ്പിച്ചാൽ ചിലപ്പോൾ  സൂപ്പർ ഹിറ്റു ആകുമായിരുന്ന ചിത്രം ഫ്രഷ് നെസ്സ് നിലനിർത്താൻ അതുവഴി പോകാത്തത് കൊണ്ട് തന്നെ നല്ലൊരു ഫീലിംഗ് നൽകുന്നു.

ജന്മനാ അസുഖകാരിയായ ഒരു  യുവതിയുടെ ആത്മഹത്യ  സ്വാഭാവിക മരണം ആണെന്ന്  പറഞ്ഞു നാട്ടുകാരെ വിശ്വസിപ്പിക്കുന്നതും പക്ഷേ ശവസംസ്കാരത്തിന്  മൃതദേഹം എടുക്കാൻ ശ്രമിക്കുമ്പോൾ അത്  എടുക്കാൻ പറ്റാത്ത അവസ്ഥ വന്നപ്പോൾ   അത് ദൈവങ്ങളുടെ കോപം ആണെന്ന് കരുതുന്ന കുടുംബം അത്  ആത്മഹത്യ എന്ന് തുറന്നു പറയേണ്ടി വരുന്നു.

പോലീസും ഡോക്ടറും എത്തി ആത്മഹത്യയുടെ കാരണം   അറിഞ്ഞിട്ടും ശവം "വരാൻ" കൂട്ടാക്കുന്നില്ല.അത് കട്ടിലില് തന്നെ എഴുന്നേറ്റു നിൽക്കുന്ന  അവസ്ഥയിലേക്ക് വരുന്നു.

പിന്നീട് പോലീസ് അന്വേഷണത്തിൽ കാര്യങ്ങള് ഒക്കെ തീരുമാനം ആകുമ്പോൾ ശവം "പിടിവാശിയില്ലത്ത" സാധാരണ മൃതദേഹം ആയി മാറുന്നു.

ഈ സിനിമയിൽ വിശ്വാസത്തിൽ ഊന്നിയാണ് കഥപറയുന്നതെങ്കിലും ചില അദൃശ്യ ശക്തികൾ ചില മരണങ്ങൾക്ക് കാരണം കണ്ടുപിടിക്കാൻ സഹായിക്കും എന്ന് കേട്ടറിഞ്ഞിട്ടുണ്ട്.

പ്ര.മോ.ദി.സം