പതിവ് തമിഴ് ബഹളങ്ങൾക്കിടയിൽ ഇത് പോലെ കുറെയേറെ ഫീൽ ഗുഡ് സിനിമകൾ തമിഴിൽ വർഷം തോറും വരുന്നുണ്ട് എങ്കിലും പലതും അതിർത്തി കടന്ന് പുറത്തേക്ക് വരില്ലായിരുന്നു.
ഇപ്പൊൾ ഇന്ത്യ മുഴുവൻ റിലീസ് ആയപ്പോൾ എല്ലാത്തരം ചിത്രങ്ങളും തിയേറ്ററിൽ അല്ലെങ്കിൽ ഓ.ടി.ട്ടി യില് കാണാൻ പറ്റുന്ന തരത്തിൽ പ്രേക്ഷകർ മാറി.എന്തിന് കന്നഡ,തെലുങ്ക് സിനിമകൾ വരെ ഡബ്ബിംഗ് ആവശ്യമില്ലാതെ അതെ ഭാഷയിൽ കണ്ട് രസിക്കുന്ന പ്രേക്ഷകരായി നമ്മൾ മാറി.
ഒരു വീട് എന്നത് ഓരോരുത്തരുടെയും വലിയ സ്വപനമായിരിക്കും.എന്നാല് സാധാരണക്കാരനായ , ഭാര്യയും രണ്ടു കുട്ടികളുമുള്ള ശമ്പളക്കാരൻ വർഷങ്ങൾക്ക് മുൻപ് ആഗ്രഹിച്ചിട്ടും കുട്ടികൾ വലുതായിട്ടു പോലും സാധാരണക്കാരൻ്റെ ദൈനംദിന പ്രശ്നങ്ങൾ കൊണ്ട് ആഗ്രഹ പൂർത്തീകരണം ഉണ്ടാകുന്നില്ല.
പഠിക്കുന്ന മകനിൽ പ്രതീക്ഷ പുലർത്തിയെങ്കിലും അയാൾക്ക് ഇഷ്ടപ്പെടാത്ത വിഷയത്തിൽ മറ്റുള്ളവരുടെ അഭിപ്രായം കേട്ട് അയാള് തിരുകി കയറ്റിയപ്പോൾ ഓരോ പ്രാവശ്യവും തപ്പിതടഞ്ഞൂ മുന്നോട്ടു പോകുകയായിരുന്നു.
വളരെ റിയലിസ്റ്റിക് ആയിട്ട് ഒരാളുടെ ജീവിതത്തിൽ കൂടി ക്യാമറ കാഴ്ചകൾ ചലിക്കുമ്പോൾ നല്ലൊരു ചിത്രം ശ്രീ ഗണേഷ് എന്ന സംവിധായകൻ നമുക്ക് സമ്മാനിക്കുന്നു.സിദ്ധാർത്ഥ് ,ശരത് കുമാർ,ദേവയാനി എന്നിവരുടെ അഭിനയം മികവ് തന്നെയാണ് ചിത്രത്തിൻ്റെ ഹൈലൈറ്റ്.
സിദ്ധാർത്ഥിൻ്റെ മേക്ക് ഓവർ എടുത്തു പറയേണ്ടത് ആണെങ്കിൽ കൂടി ശരത്കുമാർ സിദ്ധാർത്ഥ് അഭിനയ മത്സരത്തിൽ ആരാണ് മുന്നിട്ടു നില്കുന്നത് എന്ന് തിരിച്ചറിയുക പ്രയാസമാണ്.
പ്ര.മോ.ദി.സം
No comments:
Post a Comment