അച്ഛൻ ഗുണ്ട ആണെങ്കിലും മെക്കാനിക്ക് ആയി അടങ്ങി ഒതുങ്ങി കഴിയുന്ന പാവം ടിപ്പുവിന് ഒരു ദിവസം തന്നെ രണ്ടു പേരെ അവിചാരിതമായി കൊല്ലേണ്ടി വരുന്നു.അതിനു ശേഷം താൻ സ്നേഹിക്കുന്ന കുട്ടിയോടൊപ്പം അടങ്ങി ഒതുങ്ങി ജീവിക്കാൻ ആഗ്രഹിച്ചു അവൾക്ക് വേണ്ടത് പാവപെട്ട ടിപ്പുവിനെ ക്കാൾ വീരനായ ടിപ്പുവിനേ ആയിരുന്നു. അതോടെ അവൻ്റെ ജീവിതം മാറുന്നു.
ഗവർമെൻ്റിന് വേണ്ടി കറുപ്പ് വിളയിക്കുന്ന കർഷകരെ കൊണ്ട് അനധികൃതമായി കൂടുതൽ കറുപ്പ് വിളയിച്ച അധോലോക സംഘത്തിൻ്റെ അടിവേറ് ഇളക്കാൻ ഡൽഹിയിൽ നിന്ന് പുതിയ നാർകൊട്ടിക് ഇൻസ്പെക്ടർ എത്തുന്നു.. കർക്ശക്കാ രനായ അയാൾക്ക് മുന്നിൽ അനധികൃത വ്യവസായം പരുങ്ങുന്നൂ.
ഗാഞ്ചി എന്ന അധോലോക നായകനെ പൂട്ടാൻ വന്ന ഇൻസ്പെക്ടർക്ക് മുന്നിൽ പുതിയ പുതിയ പ്രശ്നങ്ങൾ വരുന്നു.പുതിയ സംഘങ്ങളും വാടക കൊലയാളികളും ഒക്കെ അരങ്ങ് വാഴുമ്പോൾ ഹണി ട്രാപ്പിൽ അകപെട്ട ഇൻസ്പെക്ടർ "സ്വാർത്ഥ ലാഭത്തിനു "വേണ്ടി വഴി മാറി സഞ്ചരിക്കേണ്ട അവസ്ഥയിൽ എത്തുന്നു.
ഏഴ് ഭാഗങ്ങളിലായി നമ്മുടെ പാൻസ്റ്റാർ ദുൽഖറും രാജ് കുമാർ റാവുവും പ്രധാന വേഷങ്ങളിൽ എത്തുന്ന വെബ് സീരീസ് പറയുന്നത് അബദ്ധങ്ങുടെ തമാശ നിറഞ്ഞ അധോലോക ക്കാരുടെ കഥകൾ ആണ് .
ചുരുളിക്ക് ശേഷം പല സിനിമകളിലും തുടരുന്ന കുടുംബത്തിലെ ഡൈനിങ് ഹാളുകൾ താങ്ങാൻ പറ്റാത്ത "വാക്കുകൾ "ഈ സിനിമയിൽ ധാരാളം ഉപയോഗിക്കുന്നുണ്ട്.
സംഭാഷണം ഡബ്ബിംഗ് ആയതു കൊണ്ട് ആണോ അതോ അണിയറക്കരുടെ ഉദ്ദേശ്യം തന്നെ ആണോ എന്നറിയില്ല സീരിയസ് രംഗങ്ങളിൽ പോലും കോമഡി ആയാണ് ഫീൽ ചെയ്യുന്നത്...അത് കൊണ്ട് തന്നെ ബോറടി ഇല്ലാതെ സീരീസ് കാണാൻ കഴിയും.
പ്ര.മോ.ദി.സം
No comments:
Post a Comment