ഈ അടുത്തകാലത്ത് കണ്ട മികച്ച ത്രില്ലർ ചിത്രമാണിത്..തമിഴ് ആണെങ്കിലും ആസ്വാദനത്തിന് ഒരു കോട്ടവും വരില്ല. അത്രക്ക് ഗംഭീരമായി സിനിമ ഒരുക്കിയിട്ടുണ്ട്.
നവീൻ ചന്ദ്ര എന്ന നായകനെ കൂടുതൽ ഇഷ്ടപ്പെട്ടത് ഈ ചിത്രത്തിൽ കൂടിയാണ്..അതുകൊണ്ട് തന്നെയായിരുന്നു അദ്ദേഹത്തിൻ്റെ സിനിമകളും സീരീസും കൂടുതൽ കാണുവാൻ താൽപര്യം ജനിപ്പിച്ചത്.
അടുത്തടുത്തുണ്ടാകുന്ന കൊലപാതകങ്ങൾ കൊണ്ട് പോലീസ് സേനക്ക് തലവേദന ആയപ്പോൾ അന്വേഷിക്കുവാൻ പുതിയൊരു ഉദ്യോഗസ്ഥൻ എത്തുന്നു. ഓരോ കൊലപാതകത്തിനും തമ്മിൽ വലിയ സാദൃശ്യം ഒന്നും കാണാത്തത് കൊണ്ട് കൊലയാളിയുടെ ലക്ഷ്യം എന്തെന്നോ ഒന്നും പോലീസിന് പിടികിട്ടുന്നില്ല.
അയാളുടെ അന്വേഷണം ഒരു സമയത്ത് വർഷങ്ങൾക്ക് മുൻപ് പൂട്ടിപോയ സ്കൂളിനെയും അവിടെ പഠിച്ച ഒരു ക്ലാസ്സിലെ പ്രത്യേകത ഉള്ള കുട്ടികളിലേക്കും എത്തുമ്പോൾ ചില സൂചനകൾ കിട്ടുകയും അതിൽ പിടിച്ച് പോകുമ്പോൾ പലതും മറനീക്കി പുറത്ത് വരികയും ചെയ്യുന്നു.
തുടക്കം മുതൽ ഒടുക്കം വരെ ത്രില്ലർ സ്വഭാവം നിലനിർത്തി അന്വേഷണ മൂഡിൽ പോകുന്ന ചിത്രം പ്രതീക്ഷിക്കാതെ ഇടക്കിടക്ക് ഉണ്ടാകുന്ന ട്വിസ്റ്റുകൾ ഒക്കെ കൊണ്ട് സിനിമ ഉറച്ചിരുന്നു കാണുവാൻ പ്രേരിപ്പിക്കുന്നു.
നമ്മൾ ഒരിക്കലും വിചാരിക്കാത്ത ക്ലൈമാക്സ് കൂടി ഒരുക്കി സംവിധായകൻ ലോകേഷ് നമ്മളെ ഞെട്ടിക്കുന്നുണ്ട്.
പ്ര.മോ.ദി.സം
No comments:
Post a Comment