അക്കരൻ

 

ഭാര്യ മരിച്ചതിന് ശേഷം രണ്ടു പെൺ മക്കളുമായി ജീവിക്കുന്ന അച്ഛൻ.. തായ് മാമന് മൂത്ത കൊച്ചിനെ കല്യാണം കഴിച്ചു കൊടുക്കുന്നത് പറഞ്ഞു ഉറപ്പിച്ചു എങ്കിലും അയാൾ കുറ്റവാളിയായി ജയിലിൽ കഴിയേണ്ടി വന്നത് കൊണ്ട് പറഞ്ഞു വെച്ച ബന്ധത്തിൽ   നിന്ന് അവളെ അച്ഛൻ നിർബന്ധപൂർവം പിൻ തിരിപ്പിക്കുവാൻ ശ്രമിക്കുന്നു എങ്കിലും അവള് സമ്മതിക്കുന്നില്ല.

മെഡിക്കൽ എൻട്രൻസ് കോച്ചിംഗ് സെൻ്ററിൽ പോയ ഇളയ കൊച്ചിനെ കാണാതെ പോകുമ്പോൾ അയാള് പോലീസ് സ്റ്റേഷനിലും മറ്റും കയറി ഇറങ്ങുന്നു എങ്കിലും എവിടെ നിന്നും നീതി ലഭിക്കുന്നില്ല.

കൂട്ടിനു തായ് മാമന് ഒന്നിച്ചു നില്കുന്നത് അവരുടെ കുടുംബത്തിന് ആശ്വാസം ആകുന്നു.അവർക്കിടയിലെ തെറ്റിദ്ധാരണകൾ മാറുവാനും ഉപകരിക്കുന്നു.

ഒരിക്കൽ വീട്ടിലേക്ക് വരുന്ന കൊറിയറിൽ ലഭിച്ച ഫോണിൽ നിന്നും അയാളുടെ മകൾ കൊല്ലപ്പെട്ടത് അയാള് അറിയുന്നു...അത് എങ്ങിനെ സംഭവിച്ചു എന്നും മനസ്സിലാക്കുന്നു.

സാധാരണ ജനങ്ങൾക്ക് നീതി ലഭിക്കാൻ പ്രയാസമാണ് എന്ന് മനസ്സിലാക്കിയ അയാള് കുറ്റവാളികൾക്ക് എതിരെ പൊരുതുന്നത് ആണ് ഇതിവൃത്തം. അവസാനംവരെ നല്ല നിലയിൽ കൊണ്ടുപോയ സിനിമ ക്ലൈമാക്സിൽ വരുത്തിയ മാറ്റം കൊണ്ട് അവിശ്വസനീയമായി പോകുന്നുണ്ട്. പോയ അതെ റൂട്ടിൽ കൊണ്ടുപോയെങ്കിൽ കുറച്ചു കൂടി ആസ്വാദനം കിട്ടിയേനെ.

ബി ആറ് ഭാസ്കർ മുഖ്യവേഷത്തിൽ എത്തുന്ന ചിത്രത്തിൽ  നായിക വെമ്പ ഒഴിച്ച് മറ്റുള്ളവരൊക്കെ അധികം ചിത്രങ്ങളിൽ നമ്മൾ കണ്ട് പരിചയം ഇല്ലാത്തവരാണ്.

പ്ര.മോ.ദി.സം