മോദിയുടെ ഭരണം എപ്പോഴും മൃഗീയ ഭൂരിപക്ഷത്തോടെ ആയിരുന്നു...അത് ഗുജറാത്ത് മുഖ്യമന്ത്രി ആയപ്പോഴും ഇന്ത്യൻ പ്രധാനമന്ത്രി ആയപ്പോഴും...ഘടക കക്ഷികൾ ഒക്കെ വെറും മുന്നണിയിൽ ഉള്ള അംഗ സംഖ്യ മാത്രമായിരുന്നു.
ഇനി ബിജെപി തന്നെ ഭരിച്ചു മോദി തന്നെ പ്രധാനമന്ത്രി ആവുകയാണെങ്കിൽ പോലും ഘടക കക്ഷികളുടെ അഭിപ്രായം കൂടി ആരായേണ്ട അവസ്ഥയിൽ എത്തിയിരിക്കുന്നു.മുൻപത്തെ പോലെ ഏകാധിപത്യ തീരുമാനം എടുക്കുവാൻ കഴിയില്ല എന്ന അവസ്ഥ.
മോദിയുടെ ഗ്യാരണ്ടിയിൽ ജനങ്ങൾക്ക് വിശ്വാസം കുറവാണ് എന്നൊരു മുന്നറിയിപ്പ് കൂടി ജനങ്ങൾ കൊടുത്ത് കഴിഞ്ഞിരിക്കുന്നു. പത്ത് വർഷം തുടർച്ചയായി ഭരിച്ചപ്പോൾ അല്പം അഹങ്കാരം ഉണ്ടായി എന്നും അതിനു കൊടുക്കുന്ന മുന്നറിയിപ്പ് ആണ് എന്നും മാധ്യമങ്ങൾ ഇപ്പൊൾ തള്ളി മറിക്കുന്നുണ്ട്.. ശരിയാവാം....
എന്നാലും ഇന്നലെ വരെ മുന്നൂറിൽ പരം സീറ്റുകൾ പ്രവചിച്ചവർ മോദി തരംഗം ഉറപ്പിച്ചവർ തന്നെ ഇപ്പൊൾ സമർത്ഥമായി പ്ലേറ്റ് മറിച്ചിരിക്കുന്നു...മോദി വിരുദ്ധത രാജ്യം മുഴുവൻ നിലനിന്നിരുന്നു പോലും....അതിൻ്റെ പ്രതിഫലനം ആണ് ഇതെന്ന്...
കാലിനിടയിലെ മണ്ണ് ചെറുതായി ഒലിച്ചു പോകുന്നത് മനസ്സിലാക്കി വേണ്ട പോലെ പ്രതിവിധികൾ ചെയ്തു വർഗീയതയും വിഭാഗീയതയും കൊണ്ട് മാത്രം വോട്ട് വീഴില്ല എന്ന ബോധം ബിജെപിക്ക് ഉണ്ടായാൽ ഇനിയും വാഴാം...അല്ലെങ്കിൽ സാമ്പാർ മുന്നണികളുമായി തൊണ്ണൂറുകളിൽ ഉള്ളതുപോലെ "ഇന്ത്യ"യിൽ ഭരണം മാറി മാറി വന്നേക്കും...
പ്ര.മോ.ദി.സം
No comments:
Post a Comment