വൺസപ്പോൺ എ ടൈം ഇൻ കൊച്ചി

 

സകലകലാ വല്ലഭൻ "ആയിരുന്ന" നാദിർഷ സംവിധാനം ചെയ്ത് റാഫി എഴുതി റാഫിയുടെ മകൻ നായകനായ ചിത്രം ചിരിയിൽ പൊതിഞ്ഞു പറയുന്ന ഒരു കൊച്ചിൻ ക്രൈം ത്രില്ലർ ആണ്.

ആദ്യകാല നാദിർഷ ചിത്രത്തിൻ്റെ ആകർഷണം എന്തായാലും ഇല്ലാത്ത ചിത്രം അധിക പ്രതീക്ഷകൾ ഒന്നും ഇല്ലാതെ പോയാൽ നല്ലവണ്ണം ആസ്വദിക്കുവാൻ പറ്റുന്ന വിധത്തിൽ ഒരുക്കിയിട്ടുണ്ട്.

ലഹരിയുടെ കേരളത്തിലെ തലസ്ഥാനം കൊച്ചിയിൽ നിറഞ്ഞാടുന്ന മയക്കുമരുന്ന് മാഫിയക്ക് പിന്നാലെ പോകുന്ന എസ് ഐ ആനന്ദും അയാള് അതിലേക്കുള്ള വഴിയായി പിന്തുടരുന്ന ഹിബിയും ജാനകിയും  മയക്കു മരുന്ന് സംഘവും ഒക്കെ ചേർന്ന് നമുക്ക് സമ്മാനിക്കുന്നത് നർമ്മത്തിൽ ചാലിച്ച് കൊണ്ടുള്ള കൊച്ചിയുടെ ഇന്നത്തെ ജീവിതത്തിൻ്റെ ഒരേ ടാണ്..

എസ് ഐ ആനന്ദിൻ്റെ തിരോധാന അന്വേഷണത്തിൽ തുടങ്ങുന്ന സിനിമ വർത്തമാന കൊച്ചിയിലെ സകല "ഉടായിപ്പുകളും "കാണിക്കുന്നുണ്ട്..ചുരുങ്ങിയ കാലം കൊണ്ട് പണം ഉണ്ടാക്കുവാൻ ലഹരി കടത്തിലേക്ക് വഴിമാറി പോകുന്ന യുവതലമുറയുടെ ജീവിതവും ഒരിക്കൽ ഇറങ്ങി കഴിഞ്ഞാൽ തിരിച്ചു കയറാൻ പറ്റാത്ത വിധത്തിൽ കുടുങ്ങി പോകുന്നവരുടെ കഥ നമുക്ക് പരിചിതമാണ് എങ്കിൽ കൂടി അത് വേറൊരു വിധത്തിൽ റാഫി പറയുന്നത് രസകരമായി തോന്നുന്നു .

ജോണി ആൻ്റണി എന്ന നടൻ്റെ വ്യത്യസ്തമായ കഥാപാത്രമാണ് മറ്റൊരു ആകർഷണം..കോമഡിയില് നിന്നും മാറി  ഈ ചിത്രത്തിൽ സീരിയസ് ആയി മാറുന്നുണ്ട്.പുതുമുഖ നായകനും ഒന്ന് രണ്ടു ചിത്രത്തിൽ കൗമാര വേഷത്തിൽ കണ്ട നായികയും സഭാകമ്പമില്ലതെ അഭിനയിച്ച ചിത്രത്തിൽ ഗാനങ്ങൾ ഒക്കെ മികച്ചത് ആണെങ്കിലും പശ്ചാത്തല സംഗീതം അറും ബോറാണ്.

പ്ര.മോ.ദി.സം