**രണ്ടര മണിക്കൂർ അധികം ബോറടി ഒന്നുമില്ലാത്ത തരത്തിൽ വർഷങ്ങൾക്ക് ശേഷം ഒരുക്കിയ ഒരു ദിലീപ് ചിത്രം.മുൻപ് ദിലീപിൻ്റെ തന്നെ ചില ചിത്രങ്ങൾ ഓർമിപ്പിക്കുന്നു എങ്കിൽ കൂടി നന്നായി അതൊക്കെ മറികടന്നിട്ടുണ്ട്.
**ദിലീപിന് മാത്രം കഴിയുന്ന ചില മാനറിസങ്ങൾ ഉണ്ട്..പഴയ ദിലീപ് ആകുവാൻ ശ്രമിക്കുന്നുണ്ട് എങ്കിലും പ്രായവും കാലവും അത് അനുവദിക്കുന്നില്ല എങ്കിൽ കൂടി ചില അവസരങ്ങളിൽ നമ്മെ അത്തരം കാലത്തേക്ക് ദിലീപ് കൊണ്ട് പോകുന്നുണ്ട്.
***അവസാന രംഗത്തിലെ കല്യാണ പന്തലിൽ ഉള്ള ചെറിയ കല്ലുകടി ഒഴിച്ച് മൊത്തമായും നമുക്ക് ആസ്വദിക്കുവാൻ പറ്റിയ വിധത്തിൽ വിനീത് കുമാർ അണിയിച്ചൊരുക്കിയ ചിത്രം. ദിലീപിൻ്റെ വൺ മാൻ ഷോ എന്ന് തോന്നുമെങ്കിലും അഭിനയിച്ചവർക്ക് ഒക്കെ നല്ല സ്പേസ് കൊടുത്തിട്ടുണ്ട്..കിട്ടുന്ന അവസരത്തിൽ ദിലീപ് പതിവ് പോലെ സ്കോർ ചെയ്യുന്നു എന്ന് മാത്രം.
***വ്യത്യസ്തമായ രീതിയിൽ പ്രണയം അവതരിപ്പിക്കാൻ വിനീത് കുമാർ എന്ന സംവിധായകന് നല്ല രീതിയിൽ കഴിഞ്ഞിട്ടുണ്ട്..നായകൻ്റെ ചില സെൻ്റി സീനുകൾ ശരിക്കും നമ്മുടെ മനസ്സിൽ കൊള്ളുന്നുണ്ട്. ഇതൊക്കെയാണ് ദിലീപ് എന്ന നടനെ ജനപ്രിയം ആക്കുന്നതും.
***മ്യൂസിക് തന്നെയാണ് ചിത്രത്തിൻ്റെ മറ്റൊരു പ്ലസ് പോയിൻ്റ്..ഗാനങ്ങൾ ഒക്കെ മികച്ചു നിൽക്കുന്നുണ്ട്.മനസ്സിൽ പതിയും. അത് ചിത്രീകരിച്ച രീതിയും ഗാനത്തെ മനസ്സിലേക്ക് കയറ്റി വിടുന്നുണ്ട്.
***നായിക എല്ലാവരും പുതുമുഖം ആയതിനാൽ തന്നെ നമ്മളിൽ ചെറിയൊരു കൺഫ്യൂഷൻ ഉണ്ടാക്കുന്നുണ്ട്..അവസാനം നായികക്ക് കൂടുതൽ പ്രാധാന്യം വരുന്ന അവസരത്തിൽ പേർകൊണ്ട് മാത്രം നമുക്ക് മനസ്സിലാക്കുവാൻ കഴിയാതെ പോകുന്നുണ്ട്..
**മൊത്തത്തിൽ പറഞാൽ രസകരമായി കണ്ടിരിക്കാൻ പറ്റിയ ഫീൽ ഗുഡ് ചിത്രമാണ് പവി കെയർ ടേക്കർ.കുടുംബ പ്രേക്ഷകർ എങ്ങിനെ ഈ ചിത്രം സ്വീകരിക്കും എന്നത് ചിത്രത്തിൻ്റെ ഭാവി നിർണയിക്കും.
പ്ര.മോ.ദി.സം
No comments:
Post a Comment