ബ്ലൂ സ്റ്റാർ

 

ഹോക്കിയാണ് നമ്മുടെ ദേശീയകളി എങ്കിലും ഫുട്ബാൾ ആണ് ഹരം പകരുന്നത് എങ്കിൽ കൂടി ക്രിക്കറ്റ് ആണ് പണ്ട് മുതൽ ഭൂരിഭാഗം ഭാരതീയൻ്റെ രക്തത്തിലും അലിഞ്ഞു ചേർന്നിട്ടുള്ളത്.

തൊണ്ണൂറുകളിൽ തമിഴു നാടിൻ്റെ  ഗ്രാമത്തിലെ ,ചെറു പട്ടണങ്ങളിലെ ക്രിക്കറ്റിൻ്റെ കഥ പറയുകയാണ് ബ്ലൂ സ്റ്റാർ.

അശോക് ശെൽവൻ,ശന്തനു ഭാഗ്യരാജ് എന്നിവർ അവരുടെ ടീമിൻ്റെ ക്യാപ്റ്റൻ ആണെങ്കിലും മുൻപേ നടന്ന ഒരു ക്രിക്കറ്റ് കളിയിലെ കശപിശയുടെ പേരിൽ പരസ്പര വൈരം കൊണ്ട് നടക്കുന്നവരാണ്.

ഒരവസരത്തിൽ രണ്ടു ടീമും തമ്മിൽ മൽസരിച്ചു എങ്കിലും കളിയിലെ ചില പ്രശ്നങ്ങളും പുറത്ത് നിന്നും ലീഗ് കളിക്കാരെ കളിപ്പിച്ചത് കൊണ്ടും അശോകിൻ്റ് ടീമിന് നാണം കെട്ടു മടങ്ങേണ്ടി വന്നു.

മദ്രാസ് ക്രിക്കറ്റ് ക്ലബ്ബ് വഴി ഇരുവർക്കും അപമാനം ഉണ്ടായപ്പോൾ അവരുടെ ഗ്രൗണ്ടിൽ കളിച്ച് ജയിക്കണം എന്ന വാശിയിൽ അവർ നാട്ടുകാർ ചിലർ എതിർത്തിട്ടും  വീണ്ടും ഒന്നിച്ച് മത്സരിക്കുന്നു.

ഇതിനിടയിൽ ഇവരുടെ കുടുംബ കാര്യങ്ങളും പ്രണയവും കോളേജ് കാല ങ്ങളും ഒക്കെ അവതരിപ്പിച്ചു നൽക രീതിയിൽ ചിത്രത്തെ മാറ്റിയിരിക്കുന്നു.

ഗോവിന്ദ് വസന്തയുടെ ഹിറ്റ് ഗാനങ്ങളും സിനിമക്ക് താളം ഉണ്ടാക്കുന്നു.

പ്ര.മോ.ദി.സം