ബട്ടർഫ്ലൈ

 

പ്രശസ്ത ലോയർ ഔദ്യോഗിക ആവശ്യത്തിന് ഡൽഹിക്ക് പോകുമ്പോൾ കുട്ടികളെ സഹോദരിയെ ഏൽപ്പിച്ചു കൊടുക്കുന്നു. സ്കൂളിലേക്ക് പോകാൻ താമസിക്കുന്ന ഫ്ലാറ്റിൻ്റെ പടിക്കെട്ടുകൾ ഇറങ്ങി പോകുന്ന അവർ വഴിക്ക് വെച്ച് മിസ്സ് ആകുന്നു.

ഫ്ലാറ്റ് മുഴുവൻ അരിച്ചു പെറുക്കി നോക്കി എങ്കിലും കുട്ടികളെ കണ്ടുപിടിക്കാൻ കഴിയുന്നില്ല.വൈകുന്നേരം ചേച്ചി വരുന്നതിനു മുൻപ് കുട്ടികളെ കണ്ടു പിടുക്കുവാനുള്ള അനിയത്തിയുടെ ഓട്ടമാണ് ചിത്രം പറയുന്നത്.

പ്രേമത്തിലൂടെ മലയാളത്തിൽ തരംഗമായി എങ്കിലും ഇവിടെ തുടരാതെ തെലുങ്കിൽ പോയി തൻ്റേതായ ഇടം കണ്ടെത്തിയ അനുപമ പരമേശ്വരൻ്റെ മൊഴിമാറ്റ ചിത്രമാണ് ഇത്..അനുപമ തൻ്റെ റോൾ നന്നായി അവതരിപ്പിച്ചിരിക്കുന്നു.

കണ്ടുമടുത്ത മുഖങ്ങൾ അധികം ഇല്ലാത്തത് കൊണ്ട് തന്നെ സിനിമക്ക് ഒരു ഫ്രഷ്നെസ് ഒക്കെയുണ്ട്. കഥാന്ത്യം അല്പം സസ്പെൻസ് ഒക്കെ ഉണ്ടെങ്കിൽ പോലും  എന്തായിരിക്കും എന്ന് ഏറെക്കുറെ മനസ്സിലാക്കുവാൻ പാകത്തിൽ ഒരു സീരിയൽ ടൈപ്പ് അവതരണം ആണ് ചിത്രത്തിൻ്റെത്.

പ്ര .മോ. ദി .സം